08/06/2023
"Magulong Isipan"
Sa kadilimang kubli ng aking pag-iisip,
Humuhugot ng tinta,sa mga linyang sinusulat.
Damdami'y umaapaw, problema't depresyon,
Nais ipadama, mga salitang ibinabahagi.
Sa daang maligalig, naligaw ang kasiyahan,
Dumating ang hirap, parang gabi ng kadiliman.
Sa hangad na kalimutan, pangarap ay di ma alala,
Sa hangad na makalaya, tanging paraan, ay nawala.
Sa pusong sawi, ngiti'y bahagyang sumilay,
Ngunit ang kaluluwa ay naglulupasay.
Sa gitna ng unos, nais matapos ang paghihirap,
Ngunit pagmamahal humahadlang, sa paglisan
Hinahaplos ng kamatayan, ang pighati't hapdi,
Gustong magpakamatay, sa kalawakan ay masawi.
Ngunit sa bawat linya, naglalambing ang buhay,
Hinahawi ang dilim,nagiging pag-asa't tulay
Itinatago sa tawa, ang lungkot na nadarama,
Ngunit sa loob ang damdami'y nagkandarapa
Ang tanging hiling, mabura ang kalungkutan,
Ngunit sa bawat taludtod rinig ang pagsamo ng kasawian
Sa pagmamahal sa tula, inilalabas ang ligaya,
Sa gitna ng kalungkutan , linya'y simbolo ng pag-asa
Nais magpatiwakal, ngunit sa isipan pinipigilan
Sa bawat kataga mensaheng nais ipaalam.
Ang huling patak ng tinta, magsisilbing patunay,
Na kahit sa dilim, may liwanag sa paglikha.
Ibubuhos ang pag-asa, sa mga salitang pumipinta,
Upang sa bawat pahina, sa buhay ay magdulot ng saya,
Hindi lang hanggang kamatayan
Kundi magpawalang hanggan.
-BuhayMakata
Ft. Requested by (unknown scrambled thoughts)
