24/11/2023
VIRAL KARUN!!
"PABUT-AN BUT-AN LANG OG NAWONG…
GRABE ANG SYAGIT HUMAN GIDUSLAK OG KUTSILYO ANG LI-OG".
Sikop sa mga kapulisan ang usa ka lalaki alyas "tohdeh" Hehdan Akatsukeh 31 years old human kini migawas sa likod sa ilang tindahan nga nagkadugo ang lawas.
Matud pa sa mga testigo o nakakita nga nasaksihan nila ang suspect nga migawas pa kini sa ilang balay mga 8:00 sa gabii kapin kun kulang nga adunay bitbit nga kutsilyo ug nagkuha og dahon sa saging.
Sigun sa ilang pagsaysay ila kining gitawag apan wala kini manumbaling ug igo ra mitotok kanila ug nagdali nga milakaw. Human sa maong taknaa gitawag niya ang iyang bata nga kamagwangan ug gipasulod sa tindahan. Saysay sa mga saksi nga ang bata wala na makagawas pa human niadtong higayona.
Nabalaka ang mga silingan sa gidangatan sa bata maong ilang gituktuk ang pultahan sa panimalay sa suspetsado apan naka lock kini. Sa dihang mipauli na sila maoy ilang nabati ang grabeng syagit nga naggumikan sa balay sa suspetsado. Dali dayon kini sila nga mitawag sa kapulisan ug gitahu ang panghitabo.
Tood wala madugay, midangat ang kapulisan ug atul usab nga maoy paggawas sa suspetsado gikan sa likud sa balay nga nagkadugo ang kalawasan. Dihadiha dayon ila kining gisikop ug giposasan. Sa walay paglangan pinugos nga giguba ug giablihan sa mga pulis ang pultahan sa panimalay sa suspetsado. Gunit ang mga pusil gisulod nila ang kusina ug maoy nakapakugang kanila nga nasaksihan ang nagbanaw nga dugo ug ang nabulit sa dugo nga hinagiban. Maoy mibalandra sa ilang atubangan ang nagbuy-od ug naghayanghayang sa lamesa ang biktima nga baboy. Ilang nasuta nga gi-ihaw diay sa suspetsado ang ilang buhi nga baboy kay birthday sa iyang anak.
Salamat sa pagbasa ug merese sa imong wala pa matiwas nga trabaho diha kay MARITES man gud kaayu ka labihan.
CTTO 🤤
