09/10/2022
Pagbati sa BARASOAIN KALINANGAN at muli salamat sa parangal CCP
BARASOAIN KALINANGAN FOUNDATION, INC.
CULTURE, ARTS, AND SOCIETY IN THE LIMELIGHT
Nagtaguyod ng sining dulaan buhat pa noong 1980.
Ang Barasoain Kalinangan Foundation, Inc. (BKFI) ay isa sa mga kinikilalang Kompanya ng Dulaan sa bansa.
Matatagpuan sa Bulacan ang BKFI. Lumikha sila ng mahahalagang likhang sining pangdulaan at nagtaguyod ng mga makabuluhang mga proyektong pangkultura sa Bulacan. Buhat noong 1987-2017, inilunsad nila ang programang Theater Laboratory Workshop na bumuo ng mga produksyong may tig-iisang yugto na itinatanghal ng mga kabataang Bulakeño, dalawang seasons bawat taon. Kasabay nito, Inilundad din nila ang paglikha ng taunang orihinal na produksyong (full-length play) na nagtampok sa mga bayaning Bulakeño na binubuo ng kanilang propesyunal na kompanyang UHAY ng BKFI. Noon 2008, inilunsad ng BKFI ang Bulacan Arts Culture and History Institute (BACH Institute) bilang education arm ng foundation. Ngayon ay nagtaguyod ng mga palihan, lektur, iskolarsyip, pananaliksik, publikasyon, dokumentasyon ng mahahalagang kasaysayan, kultura at sining ng Bulacan at ng Filipinas. Nagtaguyod din ito ng institusyunalisasyon ng mga programang-partnership sa iba’t ibang institusyon sa bansa at internasyunal, nagtaguyod ng propesyunalisasyon sa mga artistang Bulakeño at sa mga mangagawang pangkultura sa buong bansa.
Sa nakalipas na 42-taon, inangat ng BKFI ang mga talentong Bulakeño, pinatingkad ang makulay na tradisyon, kasaysayan, sining at kultura ng rehiyon. Binigyang pahalaga sa kanilang mga dula ang nasyunonalismo, ang mga aral ng lipunan sa nakalipas at kasalukuyan. Siniguro ng BKFI ang kahusayan sa sining, at pinalaganap ang edukasyong kultural hindi lamang sa Bulacan, kundi pati sa buong bansa.
Sa ganitong mga gawain, nakuha ng BKFI ang respeto at paghanga ng kanilang kapwa artista sa sa dulaan at ng sambayanan Filipino. Noong 2004, iginawad sa BKFI ang GAWAD CCP PARA SA SINING: para sa gawaing pangkultura sa Rehiyon, ang pinakamataas na pagkilalang ginagawad ng Cultural Center of the Philippines sa mga manggagawang pangkultura. Sa bisa naman ng dalawang Ordenansa, inilabas ang - Kapasyanhan #347-T’06 at Kapasyahan #2012-14 – mga batas o dineklarasyong Opisyal na Residenteng Pangdulaan ng Pamahalang Panlalawigan ng Bulacan ang BKFI na may kaakibat na pinasyal na subsidyo taon-taon.
Ilan sa mga malalaking produksyon ng BKFI sa huling sampong taon ay ang KAKARONG Musical (2012), NOLI ME TANGERE Musical (2013), OYAYI NI P**E Musical (2014), SENAKULO FILIPINO Musical (2015) na itinanghal sa Prague, Czech Republic at iba pang bansa sa Europa, MATANGLAWIN (2016), PASYON sa Rehiyon (2017), PASYON NATIONAL FESTIVAL sa Barasoain (2018), SPOKEN WORD POETRY Competition (2019). Sa panahon ng pandemya dulot ng Covid19 nilikha ang produksyong TRANSLASYON: Monologong Mrs. Ligaya at DNR…If I Failed (2020), BK HUGOT: Kumustahan, Kalinga, at Kalinangan (2021). Ang huling dalawang produksyon ay virtuwal na pagtatanghal na itinaguyod ng CCP-CED’s KSS Subsistence Grant Program. Makaraan ang dalawang taon ng pandemya, ilulunsad ng BKFI ang REKONSTRUKSYON: 2nd DULARAWAN Festival & Competition 2022.
Hindi huminto ang BKFI sa paglikha ng mga dula at proyektong pangkultura. Patuloy silang lumilikha ng makabuluhang sining, buong giting na itinataguyod ang sining-dulaan at isinulong ang halagahan ng lipuna sa kanilang mga produksyon tinatanghal. Nanatiling tapat ang BKFI sa kanilang organisasyonal na bisyon, na kamitin ang pagkakaroon ng mga mamamayang makabayan at makatao sa Bulacan, A Nationalist and Humane Bulakeños
