Dulaang Tinaja

07/04/2026

𝙋𝙖𝙜𝙗𝙖𝙩𝙞 𝙨𝙖 𝙢𝙜𝙖 𝘼𝙡𝙖𝙜𝙖𝙙 𝙣𝙜 𝙎𝙞𝙣𝙞𝙣𝙜!
‎
‎Ikinararangal naming ipakilala ang mga mag-aaral ngayong Taong Panuruan '25-'26 na nagtamo ng karangalan at pagkilala sa iba't ibang larangan. Tunay na ang dedikasyon, kasipagan, at pagpupunyagi ninyo sa pag-aaral ay nagbunga ng isang hindi matatawarang tagumpay.
‎
‎Ipinagmamalaki namin kayo at ng teatro! 🏺🤎

30/03/2026

Best Club Award for Dulaang Tinaja! ✨

Tunay ngang kahanga-hanga! Ang tagumpay na ito ay patunay ng dedikasyon at pagsusumikap ng ating samahan mula sa matagumpay na mga proyektong naisakatuparan, sa mga workshop na nagpapatibay ng ating samahan, hanggang sa aktibong pakikiisa sa mga gawain ng paaralan. Masasabi nating tunay na deserve na deserve! 🤩

Lubos ang aming pasasalamat sa aming gurong tagapayo, Bb. Myla Eusebio, sa iyong walang sawang gabay at malasakit sa bawat isa sa amin.

Dulaang Tinaja, Dangal at Tagumpay sa sining, kultura buhay na buhay! 🎭

27/03/2026

Maligayang Araw Ng Teatro! ✨

Sa pagdiriwang ng World's Theater Day ating alalahanin at ipagmalaki ang kapangyarihan ng Sining na magbigay buhay sa mga kuwento, maghatag ng mga suliranin, at magbigay aral, magpabago ng lipunan at inspirasyon sa puso at isip ng bawat isa.

Ang Teatro ay isa sa mga daan upang makapagpahayag ng damdamin, emosyon, at pag-ibig. Kaya’t ngayong araw ay ating ipadiwang ang mga aktor, direktor, at lahat ng taong nagbibigay buhay sa Teatro! 🎭

03/02/2026

𝙈𝙖𝙡𝙞𝙜𝙖𝙮𝙖𝙣𝙜 𝘽𝙪𝙬𝙖𝙣 𝙣𝙜 𝙎𝙞𝙣𝙞𝙣𝙜! ✨

Ngayong buwan ng Pebrero, ipinagdiriwang natin ang kahalagahan ng sining. Ating kilalanin ang mga likhang may kakayahang magpahayag ng ating kasaysayan, pagkatao, at mga pangarap.

Ang sining ay tinig ng damdamin, salamin ng pagkatao, at lawak ng imahinasyon. Sa bawat guhit, linya, kulay, himig, galaw, at emosyon, nabubuhay ang malikhaing diwa ng bawat Pilipino. 🎭

Sama-sama nating ipagdiriwang ang kahalagahan ng sining sa ating buhay, pangarap at pagkakaisa ng ating kultura. 𝙈𝙖𝙗𝙪𝙝𝙖𝙮 𝙖𝙣𝙜 𝙨𝙞𝙣𝙞𝙣𝙜 𝙋𝙞𝙡𝙞𝙥𝙞𝙣𝙤!

14/12/2025

Noong Sabado, ika- 13 ng disyembre. ginanap ang Lingkod Maka-Diyos kasama ang SSLG at Math Club para sa Bahay Sandigan. Doon nagtanghal ng isang piyesa ang Dulaang Tinaja tungkol sa pamilya at kapaskuhan. 🎄

Ang piyesang aming ibinahagi ay maikli, pero puno ng pagmamahal at aral na hindi man tayo mag-kakadugo, ang mahalaga ay mahal at pinapahalagahan natin ang isa’t isa. 🤍

Bukod pa riyan, may inihanda rin ang iba pang organisasyon na mga sayaw at palaro para sa mga kabataan doon sa Bahay Sandigan. Maikli man ang oras na nakasama namin sila, pero sa mga oras naman na iyon ay pareho naming napasaya ang isa’t isa.

28/10/2025

Noong Linggo ginanap sa Potrero Elementary School ang 1st Tampok Potrero Theatre Festival at 3rd Theatre Production ng Saliwindakan Incorporated na pinamagatang "WASAK" sa direksiyon ni Jhunval Escosio. Kabalikat dito ang Sangguniang Kabataan ng Potrero. Itinampok ang mga suliranin, pangarap, at isyung panlipunan na kinakaharap ng bansa sa kasalukuyan.

Isang malaking pagbati sa Saliwindakan Incorporated at Sangguniang Kabataan ng Potrero para sa matagumpay na pagbuo ng entablado, pagtatanghal, at pagbibigay ng inspirasyon sa lahat ng manonood!

Nagpapasalamat ang Dulaang Tinaja bilang naging kabahagi ng produksiyon at sa oportunidad na maitanghal ang The Bag One Gameshow na isang satirikal na dula na sumasalamin sa ating kalagayan sa panahon ng mga kalamidad at sakuna.

Ang "WASAK" ay hindi lamang isang simpleng pagtatanghal; ito ay isang pagdiriwang ng sining, isang plataporma ng adbokasiya, at isang testamento sa buhay na kultura sa Potrero at Malabon.

Tunay ngang buhay na buhay ang sining sa Potrero at buong Malabon!
Hanggang sa muling pagkawasak at muling pagbuo!

26/10/2025

Narito na ang mga makikilaro sa 𝗧𝗛𝗘 𝗕𝗔𝗚 𝗢𝗡𝗘 𝗚𝗔𝗠𝗘𝗦𝗛𝗢𝗪!💰
Mamaya na sa Potrero Elementary School para sa 1st Tampok Theater Festival ✨

Tara na't manood at makilaro!

25/10/2025

𝘽𝙐𝙆𝘼𝙎 𝙉𝘼!

Abangan ang Dulaang Tinaja sa 1st TAMPOK Potrero Theater Festival! 🎭

📍 Potrero Elementary School
🕖 7:00–10:00 PM

Isang maikling palabas na nauukol sa lindol — at kung paanong tayo ay pinaglalaruan ng mga nakataas sa gitna ng mga sakuna at kalamidad. 🌋⚡

🎮 Makisali na sa 𝙏𝙝𝙚 𝘽𝙖𝙜 𝙊𝙣𝙚: 𝙂𝙖𝙢𝙚𝙨𝙝𝙤𝙬!

25/10/2025

𝐁𝐔𝐊𝐀𝐒 𝐍𝐀!!!

Inihahandog ng Saliwindakan Incorporated at Sangguniang Kabataan ng Potrero ang isang makulay at makabuluhang pagdiriwang ng sining, talento, at kwento ng Kabataang Potrero! 🌟

LIBRE ITO PARA SA LAHAT!
📅 October 26 – WASAK⛓️‍💥: Saliwindakan 3rd Theater Production | 7PM–10PM

🎭 𝗦𝗔 𝗟𝗜𝗡𝗚𝗚𝗢 𝗡𝗔 𝗠𝗔𝗚𝗕𝗨𝗕𝗨𝗞𝗔𝗦 𝗔𝗡𝗚 𝗧𝗔𝗡𝗚𝗛𝗔𝗟𝗔𝗡!🎭

Ngayong buwan ng Oktubre, inihahandog ng Saliwindakan Incorporated at Sangguniang Kabataan ng Potrero ang isang makulay at makabuluhang pagdiriwang ng sining, talento, at kwento ng Kabataang Potrero! 🌟

LIBRE ITO PARA SA LAHAT!
📅 October 26 – WASAK⛓️‍💥: Saliwindakan 3rd Theater Production | 7PM–10PM

Sa entabladong ito, itatampok ang mga suliranin, pangarap, at isyung panlipunan na hinaharap ng kabataan sa kasalukuyan, mga kwento ng reyalidad, pagtindig, pag-asa at katatagan.

Sa gitna ng mga basag na pangarap at pira-pirasong alaala, isinilang ang sining na humihinga sa bawat kirot at pag-asa. Bawat luha ay nagiging tula, bawat galaw ay sigaw ng pusong minsang nadurog ngunit muling tumitibok. Hindi lamang ito kuwento ng pagkawasak, kundi ng pagbangon ng mga kaluluwang natutong magmahal, masaktan, at muling maniwala. Sa dulo ng lahat ng wasak, may bagong simula at pag-asa sa muli nitong pagiging buo.

Layunin ng festival na itampok ang tinig ng komunidad sa entablado, kung saan ang bawat piraso ay may kwento, at bawat wasak ay may pag-asang tinatahak.

Takits tayo sa tanghalan!🎭💃

19/10/2025

Nakiisa ang Dulaang Tinaja sa 1st TAMPOK Potrero Theater Festival.

Ngayong araw ay ginaganap ang PIRASO, isang palihan ukol sa pagsayaw at sining-tanghalan.

Tampok dito ang dalawang natatanging tagapagsalita na Tubong Malabon:

CONTEMPORARY DANCE WORKSHOP
Anthony I. Cruz
Founder and Artistic Director
Tanghalang Bagong Sibol Theater and Dance Company

FOLK DANCE WORKSHOP
Robert D. Patag
Founder and Artistic Director
Hiyas ng Sining Folkloric Dance Troupe

Maraming salamat Sangguniang Kabataan ng Potrero at Saliwindakan Incorporated sa isang makabuluhang gawaing ito.

17/10/2025

Pagbati, PAGMANA Inc.! ✨

12/10/2025

HULMAHAN WEEK 3 : TANGHALAN

Noong Sabado, Oktubre 11, matagumpay na naisagawa ang pangatlong palihan ng Dulaang Tinaja. Ang Workshop ay nakatuon naman sa Improvisation Workshop

Magkita kita muli tayo sa susunod na sabado!