Pahimakas ng Dapithapon

Pahimakas ng Dapithapon Contact information, map and directions, contact form, opening hours, services, ratings, photos, videos and announcements from Pahimakas ng Dapithapon, Poet, Lucena.

28/02/2026

For I was just living a dull life, bored by the dismal routine of existence. Of all people, you are the one most aware of how I believed the world was ordinary. I thought everyone was boring, and all I could see was gray. I had been searching for an added color in my life. But just when I was finally becoming hopeful, it slipped away from my grasp—slowly, painfully. It has always escaped my reach since you left.

When I say that distraction is what I need—an escape from this repetitive and gloomy reality—I know you would surely agree. If only you were here... it would have been a lot more fun and a challenge. But now, all I can do is keep my mind stimulated to keep my monsters at bay. And so, know that I still look forward to hearing your stories.

15/02/2026

I'm sorry ma.

15/02/2026

"mag-aral ka ng mabuti",
"matataas naman ang mga grades mo kahit papaano",
"tiyak na malayo ang mararating mo kasi matalino ka",

yan ang mga linya na paulit-ulit kong naririnig mula sa kanila.
siimula elementarya,
kahit ngayong haiskul na.
masarap pakinggan subalit hindi nila alam kung ano ang bigat na dala nito sa aking pakiramdam.
magpapasalamat ako at ngingiti sa bawat nilang pagbati,
ngunit ang aking ngiti ay saglit lamang sa aking labi.

ang hirap kapag ang taas ng ekspektasyon nila sayo,
kailangan palaging gagalingan mo,
kailangan wala silang maipupuna sayo.
kahit nakakapagod hindi ka pwedeng sumuko.

sa tuwing makakatanggap ako ng maraming medalya
akala nila ay napakatalino ko na.
akala nila napakagaling ko,
pero ang totoo,
kinakaya ko lang talaga.
hindi ako katulad ng ibang anak o estudyante,
na ang medalya o mataas na grado ay naipagmamalaki,
yung tipong wala silang masasabi.
kasi kahit husayan ko man sa klase,
ginagawa ko lang ito dahil ayaw kung biguin ang ekspektasyon sa akin ng nakararami.
na halos iniiyakan ko ang mababang grado na aking nakukuha.
kasi ayaw kong makarinig ng pangungutya,
ayaw kong sirain ang imahe na binuo nila sa kanilang isipan,
pero ano pa nga ba.
kahit pagod na, wala namang magagawa.

yung pakiramdam na para akong nasasakal,
iniiyakan ko ang pag-aaral,
na halos buong buhay ko ay ginugugol ko dito,
kaya makakuha man ako ng matataas na grado,
hindi nila alam na sobrang pagod at luha ang puhunan ko.

hindi ko alam kung ano ang aking gagawin,
hindi ko alam kung ano ang naghihintay sa akin,
at kung ano ang aking mararating.
kasi sa totoo lang, nakakabobo, at nakakapagod.
lalo na sa tuwing hindi ko naaabot ang ekspektasyon ninyo.
hindi lang naman kayo ang aking nabibigo.
maging ako.

lalo na tuwing sobra ang aking ibinibigay,
ngunit ang kapalit ay lumbay.
hindi na ako kontento,
dahil tila lahat ng pagsisikap ko,
humahantong lang sa pagkabigo.

14/02/2026

"buti pa si ano matalino"
"buti pa yun si ano matataas ang grado"
"buti pa si ano palaging may medalya"
"yung si ano puro pag-aaral lang inaatupag"
"gayahin mo sila ano, palaging matataas ang puntos"
"tularan mo yung iba walang line of 8 na grades"

pasensya na kung hindi ako kagaya ni ano.
pasensya na kung hindi ko maabot ang matataas na grado.
pasensya na kung hanggang diyan lamang ang kaya ko.
ito lamang ako e, hirap sa pag-abot ng inaasahan ninyo.
ako lang naman to',
yung pagod na sa pagkukumpara kahit kanino.

minsan hindi nalang dahil sa mga sinasabi nyo,
kundi sa kung ano ang itinatak ninyo sa isip ko.

alam ko naman sa aking sarili,
na hindi ako mahusay sa klase.
hindi ako kasing galing ninyo,
hindi malikhain, pangit ang sulat, isa lamang ordinaryo.
pilitin ko man'g paghusayan,
pilitin ko man'g mag-aral gabi-gabi
at kahit gaano ko pa palawakin ang aking pag-intindi,
pagdating sa pagsusulit, hindi lang kayo ang palagi kong nabibigo.
maging ako. palagi.

nasanay na "hindi magaling" ang tingin sa akin ng mga tao,
kasi basehan nila ang mababa ko palaging grado.
hindi kasi ako magaling sa akademiko,
kaya't madalas akong ikumpara kahit kanino.

nakakapagod ng sobra,
yung kahit sarili kong pamilya,
ako'y nahihiya.
ayaw ko mang aminin, pero ito lang talaga ang kaya ko.

hindi naman ako tumututol sainyo,
alam ko naman kung ano ang bawat ginagawa ko.
ang akin lang naman na gusto,
maunawaan ninyo kung hanggang saan lamang ang kaya ko.
kasi nakakapang-lumo,
na ikukumpara ka kahit kanino.

02.14.26

14/02/2026

tatanggapin ko nalang siguro na may aalis at mananatili,
pero dumating sana yung araw na mayroong makikihati sa aking pighati.
yung hindi sana kailangang pilitin,
dahil kusa siyang darating.
maintindihan sana niya ako,
kahit gaano pa ako kalalim.

05/02/2026

ayos lang daw 'yon—

kahit pakiramdam ko ay hindi ako ganon kagaling tumula.
kahit nahihirapan humanap ng tugmang letra,
at lalo na sa pagbigkas ng mga salita.

aminadong hindi ekspertong makata,
ngunit sabi niya hindi basehan ang pagiging bihasa.
kaya naman kahit hindi mahanap ang idudugtong na salita,
ok lang sa akin kahit matagalan, dahil ikaw naman ang paksa.

kahit ganon,
hindi iyon naging batayan ng pagtigil sa gawa.
madalas man matagal na nakakatitig lamang sa papel at hindi gumagalaw ang pluma,
hindi pa rin ako nagsasawa.
baka dahil ito talaga ang gusto ko,
o baka dahil sa ideyang ang gawa ko ay para sayo.

31/01/2026

At kung dumating man ang araw na talikuran ka nila,
Huwag kang mag-alala dahil nandito lang ako, sinta.

Kahit pa iwan ka man ng mga itinuturing mong mga kakampi,
mananatili ako sa iyong tabi.
Dito lang ako,
patuloy na naniniwala sayo.
Hanggang dulo asahan mo.

29/01/2026

sa bawat pagpatay ng bumbilya,
napapaisip bigla.
lalo na tuwing oras ng pahinga,
dahil saka naman gagambalain ng mga alaala.
minsan masaya, dahil naaalala ko ang sigla.
madalas, iniisip ang dahilan kung bakit, isang araw, nawalan ka ng gana.
paano ka nakakatulog ng payapa, samantalang ako lagi munang tulala.

gusto ko pa sanang kumapit—pero parang kasukdulan na ng sakit.

dumating nawa balang araw, na sa susunod na papatayin ang ilaw, sa isipan ay wala na ikaw.

29/11/2025

nais ko sanang makipagkwentuhan sayo saglit,
ikwento lahat ng hinanakit,
mga gumagambala sa akin na masakit.
mga hikbing impit, hindi nailabas na galit.

masyado nang maingay dito sa daigdig,
mas umingay noong ikaw ay nawaglit.
miss ko na ang hindi nakakasawa mong higikgik,
panahong puno pa ng pananabik.

kung pwede lang sanang puntahan ka at yumakap ng mahigpit.
gusto ko sana ibida ang mga tagumpay ko, kahit maliliit.
yun nga lang, hindi mo na makikita't maririnig.

naaalala pa rin kita, lalo na tuwing ako nalang mag-isa.

11.29.25

29/11/2025

masaya ako na nagkakilala tayo,
kahit parang imposible sa laki ng mundo,
sa dami ng pasikot-sikot at hindi pagkasigurado.

yun nga lang, hindi sang-ayon ang langit,
walang nagawa dahil kalaban ay tila uniberso.
saksi ang langit, mga bituin, araw, buwan sa ligayang ating natamo,
natagalan ka siguro sa paghihintay,
hindi na kinaya't napaaga ang dulo.

masyado kasing marami ang pasikot-sikot, hinto, at liko.
wala akong nagawa kundi mangulila't manlumo.
sa karagatan ng tao, mapalad akong inibig mo.

11.29.25

21/11/2025

kalapastangan ang patuloy kang mahalin,
patuloy kang isipin,
at patuloy kang hanapin.

ikaw lagi ang hanap sa dagat ng mga tao.

mula sa mga taong nakilala ko,
katangian mo lagi ang hanap ko.
hindi na mawari kung bakit ganito.
masyadong narahuyo sa iyo.

hanggang ngayon, wala pa ring nakakatalo.
sa ipinaramdam mo—nabihag masyado.
o marahil pinipili ko nalang madalas na ipikit ang mga mata.
dahil hindi naman ikaw sila.

08/09/2025

sino bang nagtitiwala sayo,
e hindi ka nga paborito.
hindi pa nga sigurado,
sa galaw ng mundo.

kahit na sinimulan mong tantyado.
bawat galaw ay praktisado,
ngunit sa iba lang talaga sila ganado.
hindi ka nga lagi imbitado.

isiningit siguro sa plano,
inimbitahan ka naman siguro,
may nakalaang pwesto,
masikip nga lang yung espasyo.

sila nga yung naandiyan,
hindi naman sila handa na ikaw ay pakinggan.
iniisip mo ang kahalagahan,
habang sila'y iniisip na ito'y walang kabuluhan.

09.08.25

Address

Lucena
4301

Telephone

+639217953686

Website

Alerts

Be the first to know and let us send you an email when Pahimakas ng Dapithapon posts news and promotions. Your email address will not be used for any other purpose, and you can unsubscribe at any time.

Contact The Establishment

Send a message to Pahimakas ng Dapithapon:

Shortcuts

Share

Category