15/08/2025
Genuine support of Ocabats Tourism. 😍🤘
RESOLUSYON PARA SA URUALDAW NA PAGPAPATUGTOG SA RADYO NIN ORIHINAL NA MUSIKANG GIBO KAN MGA BIKOLANO ARTIST PIGBUBUSOL SA CIUDAD NIN TABACO
Nagsagibo nin pagdangog an Committee on Tourism, Culture and Arts na pinangenotan ni Konsehal Ram Berces Dyangko, Pamayo kan Committee on Tourism, Culture and Arts, kaibahan sinda Konsehal Renier Burce, Konsehal Arnold C. Onrubia, Konsehal Oden Belanghel-Berces, asin an duwang istasyon nin radyo na ginibo sa Legislative Building tanganing pag-olayan an pigbubusol na resolusyon na nag-oobligar sa mga lokal na istasyon nin radyo na ipromoter an orihinal na musikang Bikolano.
An nasambitan nang resolusyon na ipigpresentar ni Konsehal Arnold C. Onrubia na obhetong obligaron an mga istasyon nin radyo sa Ciudad nin Tabaco na magpatugtog nin dai mababa sa 4-5 na musika kada aldaw para sa mga kantang gibo sa tataramon na Bikol o mga isinurat asin kinanta kan mga Bikolano Artist.
Nakabase an resolusyon sa Executive Order No. 255 (1987) na nag-oobligar sa mga istasyon nin radyo na magpatogtog nin Original Pilipino Music (OPM) kada oras, siring man sa mga probisyon kan 1987 Konstitusyon kan Pilipinas asin kan Local Government Code na nagtataguyod kan pangangatamann asin pagpalakop kan lokal na kultura.
Segun sa resolusyon, an pagpatugtog nin musikang Bikolano sa ere makakapagpatibay kan pagkakakilanlan kan kultura, makakatabang sa lokal na mga artista, asin makaka-enganyar sa kahobenesan na pahalagahan an saindang ginikanan.
Suportado man kan City Tourism Officer Mx. Eric Valeriano na nagpahayag nin kahandaan na magtao nin bilog na suporta para sa pag-implementar kaini.
Siring man an One Radio 91.3 News FM, na nangako na matao nin oras para sa mga kantang Bikolano.
Nag-atendir man sa pagdangog an mga Production Team hali sa Ciudad nin Tabaco na ikinaogma ining resolusyon na masuportaran an mga lokal na banda, lalo na an mga may limitadong badyet. Segun sainda makakatabang ini bako sana sa pag-usbong kan musikang Bikolano kundi pati na man sa pagtao nin inspirasyon sa kahobenan tanganing kultibaron an saindang talento sa arog kaining klaseng musika.
Kapag naaprubaran, oobligaron kan resolusyon an gabos na istasyon nin radyo sa Ciudad nin Tabaco na magpatugtog nin 4–5 na kantang Bikolano uro-aldaw bilang parte kan pagpapalakop kan lokal na kultura.| via Berna Banawon
