14/06/2020
INDI LANG COVID ANG ATON KAAWAY
Su***de Cases Aton Ginapangatubang
Aton nga nabatian sa balita sa mga nagligad nga inadlaw ang mga balita nahanungod sa su***de. Ini isa ka public health issue nga ginapangatubang sang aton nga komunidad.
Suno sa World Health Organization (WHO), ang mga kabataan nga naga-edad 15-29 ka tuig ang masami nga apektado sa su***de. Globally, ini ang ika duha nga rason sa kamatayon sang mga kabataan sa nasambit nga age range.
Apang pwede mapunggan ang pagtaas sang kaso sang su***de. Apang ini nagakinahanglan sang coordination kag collaboration sang nagakalain-lain nga sektor sa aton komunidad.
Suno sa WHO, ini ang mga possible mahimo agod matapna ang su***de: (1) pag-restrict sa access sang pwede nga gamiton sap ag-su***de parehos sang pesticides, fi****ms kag mga bulong nga pwede magamit, (2) temprano nga pagtapna sang possible mental disorder ukon addiction paagi sa pagpakonsulta sang mga eksperto kag (3) paghatag sang social support sa mga indibidwal nga vulnerable sa su***de.
Tandaan nga isa ka myth nga ang mga tawo nga naga-istorya sa pag-commit sang su***de ang wala intensyon sa paghimo sini. Ang mga tawo nga posible nagaistorya sa paghimo sini ang posible naga-reach out para sa aton nga bulig kag suporta.
Gani, sa aton gamay nga pamaagi, may mahimo gid kita.
Article by G.L. John C. Haro
Concept photo by Francis Baldemor
