Dánas MSUans

Dánas MSUans Contact information, map and directions, contact form, opening hours, services, ratings, photos, videos and announcements from Dánas MSUans, Arts and entertainment, Msu Rd, General Santos City.

it’s 6th PAGATHAGAY: 𝙂𝙖𝙗𝙞 𝙣𝙜 𝙎𝙞𝙣𝙞𝙣𝙜 𝙄𝙣𝙩𝙚𝙧𝙘𝙡𝙖𝙨𝙨 𝙑𝙖𝙧𝙞𝙚𝙩𝙮 𝙎𝙝𝙤𝙬 𝘾𝙤𝙢𝙥𝙚𝙩𝙞𝙩𝙞𝙤𝙣 2025Ang 𝙋𝙖𝙜𝙖𝙩𝙝𝙖𝙜𝙖𝙮 ay halaw sa salitang Hiligayn...
23/05/2025

it’s 6th PAGATHAGAY: 𝙂𝙖𝙗𝙞 𝙣𝙜 𝙎𝙞𝙣𝙞𝙣𝙜 𝙄𝙣𝙩𝙚𝙧𝙘𝙡𝙖𝙨𝙨 𝙑𝙖𝙧𝙞𝙚𝙩𝙮 𝙎𝙝𝙤𝙬 𝘾𝙤𝙢𝙥𝙚𝙩𝙞𝙩𝙞𝙤𝙣 2025

Ang 𝙋𝙖𝙜𝙖𝙩𝙝𝙖𝙜𝙖𝙮 ay halaw sa salitang Hiligaynon na ang ibig sabihin ay kompetisyon, pakikipagtagisan o showdown. Unang ginamit ang konsepto na ito sa pinal na gawain at pangangailangan ng mga mag-aaral ng Mindanao State University sa Filipino 3 Retorika Sining ng Pagpapahayag noong 2016. May iba’t ibang kategorya ng presentasyon ang isinagawa ang mga mag-aaral kung saan malaya nilang naipahayag, naipakita at naitanghal ang kanilang angking husay at galing sa iba’t ibang lente. Ngayong 2025 ay muli itong bibigyang buhay para sa mga mag-aaral ng GEC106 Pagpapahalaga sa Sining sa ikatatamo ng layunin ng kurso tungo sa pagpapahusay at pagpapabuti sa kamalayan at pagpapahalaga sa sining. Sa pamamagitan nito ay mapupunan ang mga espasyo ng danas sa sining na daluyan ng mga nakatagong kahusayan at kasanayan ng mga mag-aaral.

Kita-kits sa gym! ✨

31/05/2024

"Uu Doú Klowil" ay mga salitang T'boli na nangangahulugang "ikaw ang aking buhay". Pinahihiwatig nito na ang kalikasan ay parte ng ating buhay at kultura. Ang musikang ito ay nagpapakita ng pagpapahalaga sa ating kalikasan. Sinasalamin din nito ang kontribusyon ng ating kalikasan sa kulturang mayroon tayo.

Panoorin at pakinggan ang musika na nagbibigay buhay at diwa sa ating likas na yaman at mayamang kultura.

Sama-sama nating itaguyod ang pagmamahal at pangangalaga sa kalikasan, bilang isang mahalagang bahagi ng ating pagkakakilanlan at pamana. Mula sa mga bundok, ilog, at dagat, hanggang sa mga kabundukan at kagubatan—ang ating kalikasan ay sumasalamin sa ating kultura. Halina't pakinggan ang awitin ng pag-asa at pagkakaisa para sa isang mas luntiang bukas.

31/05/2024

Sa pagmulat ng aking mga mata, tanaw ang mga kumikinang na kayamanan. Ang mga kristal na bughaw na kumikislap ay tila’y nagpapaliwanag ng aking buhay. Napatanong kung gaano kaganda ang karagatan kapag ang kanyang karikitan ay maaaring mahuli mismo sa ilalim ng aking mga mata. Habang ako'y naglalakbay ng may kasiyahan kasama ang aking mga kaibigan, ang mga matamis na serenata ang pumupuno sa hangin. Sa pinakamagandang alaala ng aking mga pangarap, nananatili ang kagandahan ng kalikasan. Kaya halina’t hayaan nating mapahanga ang kagandahan ng "Hiyas" sa melodikong nitong mga tugtugin.

Sa bawat kaliskis ng mga dahon, sa bawat pintig at sa bawat melodiya na nakaangkla sa tono ng musika. Sana mabatid ng mga tagapakinig ang mensaheng nais ipadala ng kanta. Nawa’y ito ay maging isang instrumento para mabigyan kamalayan na ang kalikasan ay isang hiyas, hiyas na dapat pangalagaan, hindi na kailan ma’y magbubulag-bulagan at sa wakas mabigyan na ng aksyon tungo sa mapayang kasaganahan.

Ang musika na ito ay handog para sa ating kalikasan, isang munting hiyas sa kabila ng dumi ng mga katauhan. Kaya ating sabayan sa gitna ng mahinhing pag-indak ng dagat, ang preskong haplos ng hangin sa dalampasigan at ang bawat pag hakbang ng magkakaibigan. Maihatid lamang ang mensahe na ako, ikaw at tayo ay sabay-sabay na maghawak-hawak kamay upang paunlarin ang kagandahan ni Inang Kalikasan, simbolo ng mapayapang paglisan sa karimlan ng mundo na ating ginagalawan. Gawin ang kanta na ito bilang isang palatandaan, na ang kalikasan na tulad ng hiyas ay dapat pangalagaan.

Special Thanks:

Wendel Bajenting
Ronel De Guzman
Pixel Box Production
Tubera Family
Basan Family

31/05/2024

Ang pangunahing tema ng kantang ito ay patungkol sa pagsasalaysay ng sariling pananaw patungkol sa kung ano ang nangyayari sa kalikasan habang lumilipas ang panahon. Nais ng mananalaysay na hikayatin ang mga manonood at tagapakinig ng inihandang MV partikular na ang mga kabataang nagsisilbing pag-asa ng ating bayan na makiisa sa pag-alaga at pagprotekta sa kalikasan. Ang mananalaysay ay higit na nagtitiwala sa kakayahan ng susunod na mga henerasyon upang tulungan ang unti-unting namamatay natin na kalikasan.

Sa karagdagan, ang pamagat nito na "Kariktan ng Ulayaw"; Kariktan, na nangangahulugang "kagandahan" at ang Ulayaw na para sa mananalaysay ay nangangahulugang "malápit na kaibígan" ay tumutukoy sa kalikasan.

𝙋𝙖𝙜𝙖𝙩𝙝𝙖𝙜𝙖𝙮 2023 | Matagumpay na nakapagtanghal ang mga mag-aaral ng kursong GEC106 Pagpapahalaga sa Sining (Art Apprecia...
20/12/2023

𝙋𝙖𝙜𝙖𝙩𝙝𝙖𝙜𝙖𝙮 2023 | Matagumpay na nakapagtanghal ang mga mag-aaral ng kursong GEC106 Pagpapahalaga sa Sining (Art Appreciation) ngayong Unang Semestre, 2023-2024 sa Mini-Theatre, Kolehiyo ng Agham Panlipunan at Humanidades, Mindanao State University-General Santos City.

Ito ay pinal na pangangailangan ng kurso na naglalayong maipakita ang bawat husay at talento ng mga mag-aaral. Isa itong pintuan ng opprtunidad upang maibahagi ang potensyal at galing ng bawat isa sa larang ng sining tungo sa pagpapahalaga sa iba’t ibang anyo nito.

Naging hurado naman ang mga miyembro ng fakulti na si Ginoong Jayson King Montero at Bb. Kate Aubrey Tadlip kasama si Prop. Mubarak M. Tahir.

Pagbati sa lahat!

Address

Msu Rd
General Santos City
9500

Website

Alerts

Be the first to know and let us send you an email when Dánas MSUans posts news and promotions. Your email address will not be used for any other purpose, and you can unsubscribe at any time.

Shortcuts

Share

Category