![[NAGKAKAISANG PAHAYAG NG MGA G**O NG BAYAN HINGGIL SA HULING SONA NI DUTERTE]Sa loob ng limang taong panunungkulan ni Pa...](https://img5.glartent.com/827/149/4184817248271497.jpg)
26/07/2021
[NAGKAKAISANG PAHAYAG NG MGA G**O NG BAYAN HINGGIL SA HULING SONA NI DUTERTE]
Sa loob ng limang taong panunungkulan ni Pangulong Duterte, kaliwa’t kanan ang mga kaso ng paglapastangan sa mga demokratikong karapatan ng bawat mamamayan.
Sa panahon ng kanyang pamamalakad, talamak ang mga naging pagpatay, iligal na pagdakip, at pagsampa ng mga gawa-gawang kaso sa iba’t ibang mga marhinalisadong grupo at indibidwal— mula sa madugong Oplan Tokhang na kumitil ng libu-libong buhay, hanggang sa pagpasa ng Anti-Terrorism Act na higit pang binigyang laya ang rehimeng Duterte na ipagpatuloy ang kanyang pamamasismo. Huwag din natin kalilimutan ang kanyang hindi pagdepensa sa ating West Philippine Sea, patuloy na pagbabalewala sa karapatan ng mga manggagawang Pilipino, kakulangan ng suporta sa sektor pangkalusugan, pagpapabaya sa estado ng edukasyon ng ating bansa, at ngayon ang kanyang kapalpakan sa pagtugon sa krisis ng pandemya.
Takot ang administrasyon sa mga kabataang naliliwanagan na bulok ang kanyang pamamalakad at buong tapang na nakikiisa sa panawagan ng taumbayan. Sa taong 2019 lamang, 55 na Lumad Schools sa Davao Region ang ipinasara ng rehimeng Duterte at ngayon, sang ayon sa datos ng Save Our Schools Network ay nasa 176 na Paaralang Lumad na ang naipasara sa Mindanao kung saan 5,500 na mga kabataang katutubo ang pinagkaitan ng kanilang karapatan sa Edukasyon. Nagpatuloy rin ang paniniil ng estado hanggang sa mga Lumad na nagbakwit sa Cebu kung saan kamakailan lamang, ay 26 na mga kabataang Lumad at kanilang g**o ang iligal na hinuli sa isinagawang raid. Manipestasyon rin ng pagsasabotahe ng Administrasyong Duterte sa sektor ng Edukasyon ang makaisang panig na pagwawakas ng UP-DND Accord na lalong naglagay sa mga Iskolar ng Bayan sa tiyak na kapahamakan at ang patuloy na surveillance at pagtutukoy ng DepEd sa mga kasapi ng Alliance of Concerned Teachers (ACT) at Teachers Dignity Coalition. Patunay ang lahat ng ito ng harap-harapang paglabag ng rehimeng Duterte sa ating kalayaang pang-akademiko at karapatan sa ligtas, dekalidad, at abot-kayang edukasyon.
Labis din ang naging kapabayaan ng administrasyong Duterte sa mga pang-ekonomikong pangangailangan ng taumbayan magmula nang siya ay maupo bilang Presidente. Noong dumating ang pandemya ay hindi natin makakalimutan kung paano ito palpak na tinugunan ng kanyang administrasyon. Dahil sa kawalan ng mass testing at contact tracing, nagpatuloy ang pagkalat ng sakit na COVID-19 kung saan libo na ang namatay at nasadlak ang taumbayan sa lagpas isang taon nang lockdown at paulit-ulit na community quarantines.
Hanggang ngayon, patuloy na naghihirap ang mga mag-aaral, g**o, mga empleyado, at magulang sa remote learning set up dahil sa kakulangan ng aksyon ni Duterte para lutasin ang krisis ng pandemya. Maraming mag-aaral pa rin ang hindi makasabay sa online learning dahil sa kawalan ng sapat na gadget at internet allowance at patuloy naman na nahihirapan ang iba pa sa modular learning lalo na ang mga nasa mababang baitang. Patuloy rin ang panawagan ng mga kaguruan sa pagtataas ng sahod, internet allowance, at maayos na gadget sa gitna ng pandemya. Sa loob ng limang taon ay hindi pa rin naibibigay ang nakasasapat na sahod sa ating mga g**o, kulang pa rin ang mga pasilidad at kagamitan sa mga pampublikong paaralan, at patuloy ang budget cuts sa mga SUCs. Ang lahat ng ito ay patunay lamang ng mga kasinungalingan at kapabayaan ni Duterte sa kanyang mga pangako sa sektor ng edukasyon.
Bilang mga estudyante at g**o, naging biktima tayo ng mga baluktot na prayoridad ng gobyerno. Naging suntok sa buwan ang pagtamasa ng ating mga pangarap at karapatan sa edukasyon. Mula sa kanyang pagkakaluklok bilang presidente noong 2016, limang taon na tayong nasa ilalim ng mapang-abuso at pahirap na rehimen ni Duterte. Limang taon na tayong nagdurusa sa ilalim ng isang diktador na sa bawat pagbukas ng kanyang bibig at sa bawat pilantik ng kanyang kamay na bakal, patuloy na napipinturahan ang ating mga lansangan ng dugo ng mga inosente, nawawalan ng trabaho ang mga manggagawa, nadadagdagan ang mga kumakalam ang sikmura, at nanganganib ang karapatang pantao ng mamamayang Pilipino.
Kaya naman bilang mga G**o ng Bayan, mariin nating pinagtitibay ang ating pakikibaka para tuligsain ang pasista, pabaya, at pahirap na administrasyon ni Duterte. Sa gitna ng kahirapang nararanasan ngayon ng taumbayan sa pagkamit ng ating karapatan sa edukasyon, ay sama-sama nating paigtingin ang ating panawagan para sa . Bilang rekisito ng ligtas na pagbabalik ng klase ay sisingilin din natin ang administrasyon sa darating na SONA para sa nakasasapat na ayuda at libreng bakuna para sa lahat kasabay ang panawagan sa maayos na kalagayang paggawa at nakasasapat na sahod sa mga g**o at paglalaan ng sapat na budget sa sektor ng edukasyon. Patuloy rin tayong naninindigan para sa pagtatanggol ng ating kalayaang pang-akademiko at sa pagbabasura ng Anti-Terror Law.
Ngayong Hulyo 26, araw ng Lunes, ay nakikiisa ang mga G**o ng Bayan sa malawak na hanay ng masang Pilipino sa pagtatanggol sa ating mga demokratikong karapatan. Dalhin natin sa lansangan ang ating mga panawagan. Dumalo sa mobilisasyon sa ni Duterte at sama-sama nating pagpanagutin ang rehimen sa kanyang kapabayaan at palpak na pamamalakad sa gitna ng pandemya at limang taong panunungkulan.
Signatories:
Alay Sining Eduk
Radyo Eduk
Sign UPD
Sikhay EDUK
STAND UP Eduk
Sulo
UP Education Society
UP Educators' Circle
UP Preschool Practitioners
UP Science and Mathematics Majors Advocating Responsible Teaching
[NAGKAKAISANG PAHAYAG NG MGA G**O NG BAYAN HINGGIL SA HULING SONA NI DUTERTE]
Sa loob ng limang taong panunungkulan ni Pangulong Duterte, kaliwa’t kanan ang mga kaso ng paglapastangan sa mga demokratikong karapatan ng bawat mamamayan.
Sa panahon ng kanyang pamamalakad, talamak ang mga naging pagpatay, iligal na pagdakip, at pagsampa ng mga gawa-gawang kaso sa iba’t ibang mga marhinalisadong grupo at indibidwal— mula sa madugong Oplan Tokhang na kumitil ng libu-libong buhay, hanggang sa pagpasa ng Anti-Terrorism Act na higit pang binigyang laya ang rehimeng Duterte na ipagpatuloy ang kanyang pamamasismo. Huwag din natin kalilimutan ang kanyang hindi pagdepensa sa ating West Philippine Sea, patuloy na pagbabalewala sa karapatan ng mga manggagawang Pilipino, kakulangan ng suporta sa sektor pangkalusugan, pagpapabaya sa estado ng edukasyon ng ating bansa, at ngayon ang kanyang kapalpakan sa pagtugon sa krisis ng pandemya.
Takot ang administrasyon sa mga kabataang naliliwanagan na bulok ang kanyang pamamalakad at buong tapang na nakikiisa sa panawagan ng taumbayan. Sa taong 2019 lamang, 55 na Lumad Schools sa Davao Region ang ipinasara ng rehimeng Duterte at ngayon, sang ayon sa datos ng Save Our Schools Network ay nasa 176 na Paaralang Lumad na ang naipasara sa Mindanao kung saan 5,500 na mga kabataang katutubo ang pinagkaitan ng kanilang karapatan sa Edukasyon. Nagpatuloy rin ang paniniil ng estado hanggang sa mga Lumad na nagbakwit sa Cebu kung saan kamakailan lamang, ay 26 na mga kabataang Lumad at kanilang g**o ang iligal na hinuli sa isinagawang raid. Manipestasyon rin ng pagsasabotahe ng Administrasyong Duterte sa sektor ng Edukasyon ang makaisang panig na pagwawakas ng UP-DND Accord na lalong naglagay sa mga Iskolar ng Bayan sa tiyak na kapahamakan at ang patuloy na surveillance at pagtutukoy ng DepEd sa mga kasapi ng Alliance of Concerned Teachers (ACT) at Teachers Dignity Coalition. Patunay ang lahat ng ito ng harap-harapang paglabag ng rehimeng Duterte sa ating kalayaang pang-akademiko at karapatan sa ligtas, dekalidad, at abot-kayang edukasyon.
Labis din ang naging kapabayaan ng administrasyong Duterte sa mga pang-ekonomikong pangangailangan ng taumbayan magmula nang siya ay maupo bilang Presidente. Noong dumating ang pandemya ay hindi natin makakalimutan kung paano ito palpak na tinugunan ng kanyang administrasyon. Dahil sa kawalan ng mass testing at contact tracing, nagpatuloy ang pagkalat ng sakit na COVID-19 kung saan libo na ang namatay at nasadlak ang taumbayan sa lagpas isang taon nang lockdown at paulit-ulit na community quarantines.
Hanggang ngayon, patuloy na naghihirap ang mga mag-aaral, g**o, mga empleyado, at magulang sa remote learning set up dahil sa kakulangan ng aksyon ni Duterte para lutasin ang krisis ng pandemya. Maraming mag-aaral pa rin ang hindi makasabay sa online learning dahil sa kawalan ng sapat na gadget at internet allowance at patuloy naman na nahihirapan ang iba pa sa modular learning lalo na ang mga nasa mababang baitang. Patuloy rin ang panawagan ng mga kaguruan sa pagtataas ng sahod, internet allowance, at maayos na gadget sa gitna ng pandemya. Sa loob ng limang taon ay hindi pa rin naibibigay ang nakasasapat na sahod sa ating mga g**o, kulang pa rin ang mga pasilidad at kagamitan sa mga pampublikong paaralan, at patuloy ang budget cuts sa mga SUCs. Ang lahat ng ito ay patunay lamang ng mga kasinungalingan at kapabayaan ni Duterte sa kanyang mga pangako sa sektor ng edukasyon.
Bilang mga estudyante at g**o, naging biktima tayo ng mga baluktot na prayoridad ng gobyerno. Naging suntok sa buwan ang pagtamasa ng ating mga pangarap at karapatan sa edukasyon. Mula sa kanyang pagkakaluklok bilang presidente noong 2016, limang taon na tayong nasa ilalim ng mapang-abuso at pahirap na rehimen ni Duterte. Limang taon na tayong nagdurusa sa ilalim ng isang diktador na sa bawat pagbukas ng kanyang bibig at sa bawat pilantik ng kanyang kamay na bakal, patuloy na napipinturahan ang ating mga lansangan ng dugo ng mga inosente, nawawalan ng trabaho ang mga manggagawa, nadadagdagan ang mga kumakalam ang sikmura, at nanganganib ang karapatang pantao ng mamamayang Pilipino.
Kaya naman bilang mga G**o ng Bayan, mariin nating pinagtitibay ang ating pakikibaka para tuligsain ang pasista, pabaya, at pahirap na administrasyon ni Duterte. Sa gitna ng kahirapang nararanasan ngayon ng taumbayan sa pagkamit ng ating karapatan sa edukasyon, ay sama-sama nating paigtingin ang ating panawagan para sa . Bilang rekisito ng ligtas na pagbabalik ng klase ay sisingilin din natin ang administrasyon sa darating na SONA para sa nakasasapat na ayuda at libreng bakuna para sa lahat kasabay ang panawagan sa maayos na kalagayang paggawa at nakasasapat na sahod sa mga g**o at paglalaan ng sapat na budget sa sektor ng edukasyon. Patuloy rin tayong naninindigan para sa pagtatanggol ng ating kalayaang pang-akademiko at sa pagbabasura ng Anti-Terror Law.
Ngayong Hulyo 26, araw ng Lunes, ay nakikiisa ang mga G**o ng Bayan sa malawak na hanay ng masang Pilipino sa pagtatanggol sa ating mga demokratikong karapatan. Dalhin natin sa lansangan ang ating mga panawagan. Dumalo sa mobilisasyon sa ni Duterte at sama-sama nating pagpanagutin ang rehimen sa kanyang kapabayaan at palpak na pamamalakad sa gitna ng pandemya at limang taong panunungkulan.
Signatories:
Alay Sining Eduk
Radyo Eduk
Sign UPD
Sikhay EDUK
STAND UP Eduk
Sulo
UP Education Society
UP Educators' Circle
UP Preschool Practitioners
UP Science and Mathematics Majors Advocating Responsible Teaching
