05/12/2025
PNP, GIPROTEKTAHAN LANG ANG INTEGRIDAD SA IMBESTIGASYON RASON NGA WALA NAGPAGAWAS OG UPDATE SA KAMATAYON NI KAP BUCOL
GIKLARO sa Philippine National Police nga dili tinuod nga ‘blank wall’ ang ilang imbestigasyon sa kaso sa kamatayon ni Kap. Oscar “Dodong” Bucol Jr. sukwahi sa nanggawas karon sa social media.
Sumala sa PNP, ang Special Investigation Task Group (SITG) aduna’y inisyal nga leads ug aduna na’y mga Persons of Interest, pero dili pa nila ipadayag ang detalye aron maprotektahan ang integridad sa imbestigasyon samtang gina-validate pa ang koneksyon sa matag lead.
Giklaro usab sa PNP nga bisan og negative sa paraffin test ang mga personahe sa Digos CPS, dili kini pasabot nga awtomatikong makalingkawas na sila sa imbestigasyon.
Padayon ang PNP sa patas ug evidence-based nga pagtan-aw sa tanang anggulo.
Kabahin sa Red Toyota Innova nga gi-report nga nakita sa insidente, gibutyag sa SITG nga gi-monitor na nila kini karon.
Pinaagi sa CCTV footage, nasubay na nila ang entry ug exit routes sa sakyanan ug nagpadayon ang backtracking aron masuta unsay lihok niini sa wala pa ug pagkahuman sa insidente.
Gihangyo sa PNP ang katawhan nga mutabang ug mureport dayon kung adunay nakabantay og Red Innova nga bag-o lang gi-repaint, gi-ayo, o kadudahan.
Sa pagkakaron, gipasiguro sa PNP nga padayon ug progresibo ang imbestigasyon, ug tanang ebidensiya ilang gina-review aron masiguro nga makab-ot ang hustisya alang kang Kapitan Bucol ug sa iyang pamilya.
Via || iDol Choy Bungot
