Aziz

Aziz ᜉᜈ᜔ᜎᜓᜈᜈ᜔ ᜐ ᜎᜑᜌ᜔.

14/08/2025

;

Kaluluwang tinatahi sa dilim.

Minsan,
Nagigising akong may humahawak sa dibdib ko,
Parang sinulid
Pero hindi ginhawa, kundi sikip.
Hindi Iyak,
Pero may luhang parang taga.

Tinagpi ang sarili gamit ang oras na wala,
Ginamit ang pagod bilang pandikit,
Ang pangarap bilang pansapin.
Pero kahit ilang ulit ko'ng idikit,
May hiwang ayaw magpatahi,
Laging bukas tuwing gabi.

At tuwing titigil ako,
Hindi para huminga, kundi
Para lang alamin kung may silbi pa ba
Ang susunod kong tahi.

Hindi ko alam ang sagot.
Pero araw-araw, tinatahi ko pa rin.
Kahit sa dilim.
Kahit walang nakakakita.

Dahil minsan, sapat na
Na naririnig ko ang tinig na:
"Buhay ka pa, Aziz. Buhay ka pa."

03/08/2025

;

Himig ng pagkakakilanlan.

‎
Dugo ng sining na nakaukit sa'king bala't buto–
Mula talampakan hanggang sa bumbunan,
Daloy ng kalye at sa lilim ng puno,
Sa gusaling pugad ng abo,
Sa estasyong walang tungo.

Kalupaan at Karapatan—
Nagkakagulo’t sumasaklolo.

Mga palad na sugatan,
Mga paang walang pahinga,
Mga matang mulat sa apoy ng pakikibaka.

Naghihintay at kumakapit sa kinabukasang inaasam ng bayan,
Na sana,
Sa paggising mo at ako,
Makamit ang matiim na pinaglalaban ng kababayan.

∆
Nabuo ang sining at rebolusyon
at inukit sa'king bala't buto.
Naghahangad na kumilos at kumibo.

Maghasik sa katahimikan,
Magpaalab ng apoy sa puso ng bayan,
Hanggang sa magliyab ang bayan
sa himig ng pagkakakilanlan.

23/07/2025

;

Marilag by munimuni

May something na bumabalot sa kantang ‘to na parang kaluluwang dahan-dahang humahabi ng diwa sa bawat salitang inuukit ko tuwing ako'y nagsusulat.

Tahimik, at malumanay.
Ngunit ramdam mo ang bigat, parang paanyayang bumalik sa sarili.

Marahil, ang pagsulat para sa akin ay naging paglaya.
Isa itong pintuan:
patungo sa pagbangon mula sa pait ng karanasan,
sa pagtanggap ng mga sugat,
at sa unti-unting pagpapatawad sa sarili
na matagal ko ring hindi minahal.

At sa katahimikan ng bawat pahina,
hinog na ang panahon.
Hinihintay ka lang ng mundo na bumangon—
ikaw,
ako,
at ang ating bayan.

Mga kwento ng pagbangon na hindi mo kailangang isigaw para marinig.

;Ulan.Sapagkat may kaluluwang nabuonang makilala ka–Isang anyong dati’y walang hugis, walang tugma,Ngunit naging buo,Sa ...
17/07/2025

;

Ulan.

Sapagkat may kaluluwang nabuo
nang makilala ka–
Isang anyong dati’y walang hugis, walang tugma,
Ngunit naging buo,
Sa ngalan ng 'yong mga mata.

Ngunit buo’y winasak,
Walang paalam, walang dahilan.
Nagkalas ang mga hibla ng pagkatao.
Pinagtagpi-tagpi,
Sinubukang buuin muli,
Ngunit hindi sapat–
Sapagkat may hulma na ng tapyas,
Puwang na ikaw lang ang siyang lunas.

— Sa mundong ika'y kinikilala, nawa'y huwag maging hadlang ang nakaraan, sa ngalan mo na minsan naging liwanag ko, kahit umuulan.

archive ko muna mga recent na tula ko for competition purposes guys☀️ (dami nang nakaipon na sulat, madadagdagan pa aray...
23/06/2025

archive ko muna mga recent na tula ko for competition purposes guys☀️ (dami nang nakaipon na sulat, madadagdagan pa arayko)
tambay muna kayo dito sa puno🌳

28/04/2025

;

Sa paglalakbay ng kaluluwa sa manilim-nilim na bukid,
May unti-unting umuusbong,
Papalapit,
Kumakapit,
May hatid na magaan na aninag ng bagong silang na araw,
Nagsisilbing kapayapaan sa mga bumabalakid sa korte ng kaluluwa.
‎
Naglalakbay,
Naliligaw,
Hinahanap ang aninong nawawala’t hindi masilayan.
Minumulto,
Nalilito,
Humihimno mula sa umaalipustang pihit ng saloobing humuhukay ng tinig mula sa dilim na natitigib.
‎
‎
‎
Sa kahuli-hulihan,
May isang tinig na naglalakbay,
Tagpi-tagpi't binuo,
Dala ang awit na hindi mula sa ehemplo ng sinumpang anino,
Kundi ang paglaya,
Sa sariling mga tanikala.

;Malapit na matapos ang tala,Mapapalitan at magkakaron ng bagong paksa.Mga bakas na memorya nalang ang matitira,Kung saa...
01/03/2025

;

Malapit na matapos ang tala,
Mapapalitan at magkakaron ng bagong paksa.
Mga bakas na memorya nalang ang matitira,
Kung saan saksi ang hapyos ng mainit na araw sa mga nagsasayang kabataan dahil sa sining.

Musika, Teatro, Sayaw, Likha, Grapiko disenyo, Kamera, Literatura, Buhay, Sining, at iba pa.
Mga taong nagpapakulay ng ating kasaysayan gamit ang lahat ng ito.
Hindi mo ito maiintindihan,
Kailangan mo lamang maramdaman.

Sa kwentong minsan lang masasaksihan,
May masaya na simula at malungkot na katapusan.
Insipirasyon na inyong inalay,
Maraming salamat at walang mamatay !!

Address

Dasmariñas
4114

Website

Alerts

Be the first to know and let us send you an email when Aziz posts news and promotions. Your email address will not be used for any other purpose, and you can unsubscribe at any time.

Shortcuts

Share