28/09/2021
Hindi naman pala masakit ang magpalaya, magparaya at hayaan ang tadhana na ukitin kung ano ang tama. Maraming panahon na rin ang aking hinintay na sabihin mo na ako'y mahal mo rin, yung totoo, yung dama ko. Yun nga lang, medyo huli na ng ilang segundo noong sinabi mo iyon. Marami na akong napagtanto mula sa mga pag-aalinlangang nabuo na totoo nga bang may tayo- na pwede nga ba? Dahil kahit ako, hindi sigurado. Kung nabigyan lang sana natin ng nararapat na pamagat ang mga pahinang sabay nating inilimbag, kung nabigyan sana ng marka ang tunay nating nadarama, siguro kahit sa kunting panahon naging akin ka.
Hindi naman pala masakit ang magpalaya, dahil mas masakit na mahal man natin ang isa't isa ay wala tayong kakarampot na pagkakataon man lamang para ipaglaban ang nadarama.
—Trisha Lecita
Larawan mula sa pelikulang The Boy Foretold by the Stars
