RAFI MFI - Angat Ako

07/08/2026

BUSINESS & ENTREPRENEURSHIP | Effective Product Labeling Checklist

Kumpleto ba ang label ng iyong food product?

Ang tamang label ay hindi lang para sa compliance, nakatutulong din ito sa pagbuo ng tiwala ng iyong mga customer.

Tingnan ang checklist at siguraduhing market-ready ang iyong produkto!

05/08/2026

DIGITAL TRANSFORMATION | Ano ang Artificial Intelligence (AI)?

Ang AI ay teknolohiyang nagbibigay kakayahan sa mga computer at digital na sistema na matuto, magsuri ng impormasyon, at tumulong sa paggawa ng mga gawain—mula sa pagsagot ng mga tanong hanggang sa pagbibigay ng rekomendasyon. 🤖

Mahalagang tandaan na ang AI ay kasangkapan lamang. Kaya naman, suriin at beripikahin pa rin ang impormasyong nakukuha bago ito gamitin o ibahagi.

💡 Paano mo magagamit ang AI nang responsable sa iyong trabaho o pang-araw-araw na buhay?

05/08/2026

Noong Agosto 4, 2026, matagumpay na isinagawa ang PEER+ Program sa Catbalogan City, Samar, kung saan lumahok ang 20 kliyente.

Bilang bahagi ng programa, pinangunahan nina Ms. Emelyn A. Maglahus at Engr. Philip John Condes ng DOST Samar Provincial Science and Technology Office (DOST Samar PSTO) ang Basic Food Hygiene, Packaging, and Labelling Training, na nagbigay sa mga kalahok ng mahahalagang kaalaman sa basic food hygiene, product packaging, at labeling.

Sa pamamagitan ng inisyatibong ito, patuloy na napapalakas ang kaalaman at kakayahan ng mga microentrepreneur tungo sa paglikha ng ligtas at dekalidad na mga produkto.

03/08/2026

🌟 Sa bawat hamon, may pagkakataong maging mas matatag.

Mula pandemya hanggang sakuna, ipinapakita ni Ate Angely Melendrez na ang tunay na resilience ay nabubuo sa patuloy na pagkatuto, pag-aangkop, at tamang paghahanda.

Sa tulong ng RAFI Microfinance Disaster Resilience Program, mas napapalakas ang ating mga kliyente upang maprotektahan ang pamilya at kabuhayan.

Basahin ang buong kuwento at tuklasin kung paanong ang preparedness ang susi sa pagharap sa anumang hamon.

What does it mean to be truly prepared? Is it having an emergency kit ready at home, or is it having the courage and resourcefulness to overcome whatever

01/08/2026

🧠 Knowledge Check Time!

Kumusta ang inyong pagtutok sa ating mga aralin? Subukan natin kung gaano ninyo naaalala ang mga natutunan!

Anong scam ang gumagamit ng pekeng text o email para hingin ang iyong OTP o personal na impormasyon?

💬 I-comment ang inyong sagot sa ibaba! Isang masuwerteng kalahok na may tamang sagot ang mapipili upang makatanggap ng premyo mula sa amin!

31/07/2026

Disaster Resilience Program – Opol, Misamis Oriental

Bilang bahagi ng aming patuloy na pagsusulong ng kahandaan sa sakuna, matagumpay naming naisagawa ang Disaster Resilience Program noong Hulyo 24, 2026 sa Opol, Misamis Oriental, na nilahukan ng 55 kalahok.

Sa pakikipagtulungan ng Opol Bureau of Fire Protection (BFP), nagsagawa ng live demonstrations sa tamang disaster response at Basic Life Support (BLS) upang mapalawak ang kaalaman at kahandaan ng mga kalahok sa pagtugon sa mga emergency at kalamidad.

Sa pamamagitan ng inisyatibang ito, patuloy naming isinusulong ang pagbuo ng mga komunidad na may sapat na kaalaman, kahandaan, at kakayahang tumugon sa panahon ng kalamidad.

31/07/2026

Scraps of Hope – Livelihood Resiliency Program Technical Training

Matagumpay na naisagawa noong Hulyo 28, 2026 ang Scraps of Hope – Livelihood Resiliency Program (LRP) Technical Training para sa 20 benepisyaryo mula sa Villanueva, Misamis Oriental.

Sa pangunguna ng Client SME na si Ate Maylin Ligad, nagsagawa ng technical training upang higit pang mapaunlad ang kaalaman at kasanayan ng mga benepisyaryo sa paggamit ng kanilang sewing machines at sa pagpapalago ng kanilang kabuhayan.

Maraming salamat sa lahat ng naging bahagi ng programang ito. Nawa’y magsilbi itong inspirasyon at maging daan sa patuloy na pag-unlad ng ating mga benepisyaryo. 🌸

30/07/2026

PEER+ Training – Tagbilaran, Bohol

Noong Hulyo 25, 2026, matagumpay na isinagawa ang PEER+ Training sa Tagbilaran, Bohol.

Pinagsama-sama nito ang 29 na kliyente mula sa Loay, Dimiao, Tubigon, Loon, at Catigbian na nabigyan ng mahalagang kaalaman at praktikal na kasanayan upang mapalakas ang kanilang mga negosyo at higit pang mapatatag ang kanilang kakayahan bilang mga negosyante.

Ang inisyatibong ito ay naisakatuparan sa pamamagitan ng suporta ng DTI Bohol, na patuloy na tumutulong sa pagpapalakas ng mga negosyante tungo sa mas matatag at sustenableng kabuhayan.

29/07/2026

📢 Live na!

Naka-live na ang DIGI TALKS: When Disaster Strikes: Are You Ready? mula sa RAFI Microfinance Official page.

Panoorin ang live stream at alamin ang mahahalagang kaalaman tungkol sa disaster preparedness, emergency response, at mga programang makatutulong sa mga MSMEs.

Pindutin ang play at makiisa sa talakayan!

28/07/2026

Digital Ambassadors Program – Basey, Samar

Noong Hulyo 24, 2026, matagumpay na isinagawa ang Digital Ambassadors Program (DAP) Training para sa mga kliyente mula sa Talibon, Bohol kung saan umabot sa kabuuang 28 kalahok ang aktibong nakibahagi.

Sa buong sesyong na ito, binigyang-diin ang kahalagahan ng digital literacy at responsableng paggamit ng internet. Bukod sa pagtanggap ng training kits, aktibong nakiisa ang mga kalahok sa mga hands-on activity gamit ang GCash at K-App upang mapalago ang kanilang kumpiyansa at kasanayan sa teknolohiya.

Ang inisyatibong ito ay patunay ng ating patuloy na komitment sa edukasyon at digital inclusion tungo sa pagbuo ng mas matatag at konektadong mga komunidad.