BTv CEBU

13/05/2026

𝐏𝐀𝐇𝐈𝐍𝐀𝐍𝐓𝐄 𝐍𝐀 𝐆𝐑𝐀𝐁𝐈𝐇𝐀𝐍 𝐇𝐔𝐌𝐀𝐍 𝐌𝐀 𝐈𝐏𝐈𝐓 𝐒𝐀 𝐌𝐈𝐓𝐈 𝐊𝐀𝐍𝐆-𝐊𝐀𝐍𝐆 𝐍𝐆𝐀 𝐃𝐔𝐌𝐏 𝐓𝐑𝐔𝐂𝐊

CEBU CITY- Pahinante sa usa ka dump truck gidala sa tambalanan kini human maipit dihang malimbuwad ang trak padulhog dinha sa Sityo Kadulo, bukirang barangay sa Sapangdako ning Siyudad sa Sugbo, nahitabo ang maong insidente pasado alas 7:00 ang takna sa martes sa gabii, Mayo 12,2026.

Ang biktima nga pahinante nag pangidaron og 49 anyos samtang ang drayber niini sa dump truck nga nagpangidaron og 37 anyos ang gi asist usab sa mga medical team tungod sa naka sinati kini og pagkalipong.

Si Sulpicio Dulog drayber sa Guadaluper Liner nga jeep nga nahinabi sa XFM Cebu 88.3 nibutyag nga siya ang kasugat sa dump truck dihang paingon na unta kini mo garahe.

Apan wa na molahos sa pagtungas si Sulpicio human makita ang dump truck nga kasugat niini.

Nasaksihan ussb ni Sulpicio ang pagkalimbuwad sa maong truck, matod niya kon niapaingon pa ang trak sa iyaha posibleng pang reels na ang iyang kinabuhi niadtong tungora.

Samtang nunot na sa nahitabo dunay pipila ka mga drayber nag duda nga wala naka lower gear ang drayber sa trak maong naingon niadto.

Nasayran usab sa XFM Cebu 88.3 nga dili mao ang unit nga gimaneho sa drayber kon diin gisugo lang kini nga dalhon ang dump truck sa motorpol.

Nasuta usab nga ang maong dump truck gipanag-iyahan sa Quirante Construction Company.

via | Benjie Banjie Banguis Talisic, XFM News

13/05/2026

12/05/2026

𝐃𝐔𝐌𝐏 𝐓𝐑𝐔𝐂𝐊 𝐌𝐈 𝐓𝐈𝐊𝐀𝐍𝐆-𝐊𝐀𝐍𝐆 𝐒𝐀 𝐒𝐀𝐏𝐀𝐍𝐆𝐃𝐀𝐊𝐎

𝐯𝐢𝐚| 𝐁𝐞𝐧𝐣𝐢𝐞 𝐁𝐚𝐧𝐠𝐮𝐢𝐬 𝐓𝐚𝐥𝐢𝐬𝐢𝐜

12/05/2026

𝐃𝐑𝐀𝐘𝐁𝐄𝐑 𝐒𝐀 𝐃𝐒𝐖𝐃 -𝟕 𝐃𝐀𝐊𝐏𝐀𝐍 𝐒𝐀 𝐃𝐑𝐔𝐆-𝐁𝐔𝐒𝐓

JOB ORDER employee sa Department of Social Welfare and Development (DSWD)-7 isip usa ka drayber naposasan sa gihimong Anti Illegal Drug Operation sa City Intelligence Unit (CIU), og City Drug Enforcement Unit (CDEU), sa Mandaue City Police Office (MCPO), didto sa Mantawe Drive Extension, Brgy. Subangdaku, Mandaue City, nahitabo ang pag pangronda sa alas 6:18 ang takna sa lunes sa gabii, Mayo 11,2026.

Ang nadakpan nailhan nga si Midal 48 ang edad og taga Barangay Tejero sa Dakbayan sa Sugbo.

Ang grupo ni PLtcol. Mark Gifter Sucalit, pangu sa City Intelligence Unit (CIU)sa MCPO uban ang iyang mga operatiba nipahigayon og Drug Bust sa nahisgutang lugar nga miresulta sa pagka sikop sa suspek.

Atol sa gihimong pag pangronda nakuhaan kini og “sha” nga motimbang na ngadto sa 500 gramos nga mobalor ngadto na sa 3.4 milyones pesos, subay sa standard drug price (sdp).

Si Midal nasuta nga Job Order employee sa DSWD-7 isip usa k drayber samtang giingong mi sideline diay kini sa pag hatod-hatod og ilegal nga drugas.

Subay sa nakuha nga kasayuran sa dinakpan matod pa aktibo kining tighatod og kontrabando.

Usa ka "Jomel," matod pa ang tigsuplayan og drugas ngadto na kang Midal, si Jomel giingong usa ka inmate sulod sa Cebu City Jail Facility.

Drayber sa legal nga trabaho sa DSWD-7 apan gihulagway nga bodegero o kabayo sa ilegal nga kalihukan nga matod pa nag sugod ang iyang kalihukan niadtong bulan sa Enero lang ning kasamtangan nga tuig.

Si Midal gihulagway nga High Value Individual (HVI) sa Regional Level kon diin maka hurot kini og usa ka kilo matag semana.

Ang Dakbayan sa Mandaue og Dakbayan sa Sugbo maoy iyang mga hagbunganan sa kontrabando.

Bugti sa ₱5,000 nga iyang suhol matag hurot sa drugas nga moabot kaniya nga iyang ipang hagbong sa iyang mga parokyano.

Dugang kasayuran nga nakuha kang Midal atol sa gihimong intelligence gathering pinaagi sa money transfer online ang ilang transaksiyon sa bayad og remittance sa halin sa drugas.

Ang maong J.O. government employee driver nga si Midal mag atubang kini og kaso nga kalapasan sa RA 9165 o kalapasan sa Dangerous Drug Act of 2002.

via | Benjie Banguis Talisic, XFM News

12/05/2026

𝐍𝐈𝐏𝐔𝐒𝐈𝐋 𝐊𝐀𝐍𝐆 𝐁𝐀𝐊𝐈 𝐍𝐀𝐃𝐀𝐊𝐏𝐀𝐍; 𝐔𝐒𝐀 𝐏𝐀𝐓𝐀𝐘 𝐒𝐀 𝐀𝐓𝐎𝐋 𝐒𝐀 𝐇𝐎𝐓 𝐏𝐔𝐑𝐒𝐔𝐈𝐓 𝐎𝐏𝐄𝐑𝐀𝐓𝐈𝐎𝐍 𝐒𝐀 𝐁𝐀𝐋𝐀𝐌𝐁𝐀𝐍 𝐏𝐎𝐋𝐈𝐂𝐄

BALAMBAN, CEBU- Gun man nga mipusil patay sa usa ka drug personality nadakpan na atol sa gihimong hot pursuit operation sa Balamban Police Station kagahapon sa alas 4:30 ang takna sa hapon, adlaw nga lunes, Mayo 11,2026, didto sa Sityo Himombungan, Barangay Cantuod, sa Lungsod sa Balamban.

Atol sa gilusad nga hot pursuit operation sa kapulisan usa ang nakalas human nakig pinusilay sa mga pulis laing duha pa ang nadakpan usa niini usa ka kinse anyos nga batang lalaki ang narescue.

Ang nadakpan mao si Jehu Montero De Vila, 18 ang edad kinsa matod pa maoy nag pusil patay kang Roque Batalona Villamor alyas “BAKI” 25 ang edad taga didto ra usab sa maong lugar.

Dakpan usab kining usa ka Alvan Mark Tablate, 40; ug usa ka alyas Winston 15 anyos, kining duha manag silingan ra.

Samtang si Rachel Artajo, hingkod ang edad ang nakalas human nga nakig pinusilay sa mga pulis dihang milusob kini sa lugar kon asa ang nahimotangan ni De Vila.

Ang grupo ni PLtcol. Ruel Burlat, hepe sa Balamban Police uban sa iyang mga sakop nilusad og hot pursuit operation sa suspek nga maoy gun man sa pag pusil patay niadtong hapon sa adlaw’ng domingo.

Matod ni Burlat nakadawat sila og impormasyon kon asa nag pundo si De Vila maong ila dayon kining gilusob.

Nahibalo-an nila Burlat nga si De Vila didto nag tago-tago sa panimalay ni Artajo, lakip na kining si Tablate og ang 15 anyos.

Pag-abot sa mga pulis giingong naka timaho si Artajo nga dunay mga pulis sa gawas maong nibunot kini sa iyang armas og nakig pinusilay sa grupo ni Burlat.

Pila ka minuto ang milabay nahagba si Artajo samtang wala na ka ikyas ang tulo sila De Vila, Tablate og si Winston.

Sa nahitabo nga pag binaylo-ay og bala usa sa mga pulis ang natapsingan sa bala gikan kang Artajo naigo ang su-ot niini nga bullet proof.

Atol sa pag susi sa lugar kon asa nahitabo ang engkwentro nasuta nga nag pot session diay kining mga nalambigit nga pangalan.

Nasakmit usab sà kapulisan ang mga armas og drugas sa lugar sa kon asa nag pundo kining upat.

Gihulagway sa Balamban Police nga si Artajo nalakip sa High Value Individual usa sa mga dagko og duwa sa ilegal nga drugas sa Lungsod sa Balamban.

Ang suspek nga si De Vila nga mao gyud unta ang target nga dakpon sa gilusad nga hot pursuit operation sa Balamban Police mihimakak sa pasangil nga siya ang nipusil kang Villamor niadtong domingo.

Matod niini nga napasanginlan lang kini nga siya apan giangkon ni De Vila nga niadtong miaging buwan iyang gipasalbahan si “Baki” tungod kay namaligya og “sha” sa ilang lugar nga alang kaniya basin mapagan sila.

Subay sa taho sa Balamban Police nga kining suspek nga nadakpan og kadtong iyang gipatay ingon man kadtong nakig pinusilay mga drug personality.

Si De Vila human madakpan patong-patong nga kaso ang atubangon.

via | Benjie Banguis Talisic, XFM News

(Makita sa hulagway ang panag atubang sa asawa sa namatay nga si Villamor og suspek nga maoy nipatay nga si De Vila)

12/05/2026

𝐓𝐑𝐄𝐒𝐈 𝐌𝐈𝐋 𝐏𝐄𝐒𝐎𝐒 𝐍𝐆𝐀 𝐉𝐔𝐈𝐂𝐄 𝐆𝐈𝐊𝐀𝐖𝐀𝐓 𝐒𝐀 𝐌𝐀𝐍𝐀𝐆-𝐀𝐆𝐀𝐖-𝐏𝐎𝐒𝐀𝐒

MANAG-AGAW dungan nga gipaslak sa prisohan human matod pa masakpang mangawat og mga sachet sa juice sa usa ka tindahan sa milabay nga adlaw didto sa Barangay San Isidro, Dakbayan sa Talisay.

Ang duha ka mga suspek nga manag-agaw giila nga sila si Joven 33 ang edad og Rafael 27 ang edad pulos mga pangalan gipang pugngan og molopyo didto sa Barangay Subangdaku, sa Dakbayan sa Mandaue.

Sa gihimong imbestigasyon sa Talisay City Police nahibaw-an ang gihimong pag pangawat sa duha dihang nakabantay ang sinaligan sa tindahan.

Sa imbistigasyon sa kapolisan nasuta nga ang tigbantay sa tindahan maoy naka matikod sa duha sanglit nga kining mga dinakpan maoy mi-igo sa maong tindahan niadtong Abril 21, ning kasamtangan nga tuig.

Tungod sa CCTV footage camera nailhan kining duha og karon mao na usab ang mibalik pag-igo sa tindahan.

Niining higayona una nangadakpan ang duha misuway kini pag gawas nga nag bit-bit og dako nga bag nga wa mo-agi sa cashier.

Maong ila kining gisita ang duha ug gisusi ang dala nga bag ug didto na nabulabog ang sashet sa mga nagkalain-laing flavor sa juice powder nga ang tanan mokantidad sa ₱13,000 mil pesos.

Ang duha duha balhog na karon sa selda og mag atubang kini og kasong pag pangawat.

via | Benjie Banguis Talisic, XFM News

11/05/2026

NAPALGANG P4T4Y SA JUNQUERA EXTN.

via | Benjie Banguis Talisic, XFM News

11/05/2026

𝐊𝐖𝐀𝐓𝐑𝐎 𝐌𝐈𝐋𝐘𝐎𝐍𝐄𝐒 𝐍𝐆𝐀 𝐃𝐑𝐔𝐆𝐀𝐒 𝐍𝐀𝐒𝐀𝐊𝐌𝐈𝐓 𝐒𝐀 𝐓𝐀𝐆𝐁𝐈𝐋𝐀𝐑𝐀𝐍

MOABOT sa kwatro milyones pesos nga balor nga gitoohang shabu ang nasakmit sa mga ahente sa Philippine Drug Enforcement Agency (PDEA) Bohol Field Unit atol sa gihimong drug bust didto sa Purok 6, Barangay Cogon, Tagbilaran City, Probinsiya sa Bohol.

Ang nadakpan giila nga si Christopher 26 anyos usa ka laborer og kasamtangan nga molopyo sa nahisgutang lugar.

Kuyog sa gihimog drug bust ang mga sakop sa Maritime Police, Tagbilaran Police Station.

Atol sa pag pangronda nasakmit sa PDEA BFU ang 12 ka dagkong putos sa gitoohang shabu nga gibana-bana nga motimbang ngadto na sa 600 gramos og mokantidad ngadto na sa 4 milyones pesos subay sa standard drug price (sdp).

Ang gihimong pag pangronda kini subay sa impormasyon nga nadawat sa mga ahente sa PDEA gikan sa usa ka confidential informant.

Matod ni Leiah Alcantara ang tigpamaba sa PDEA-7 nga usa ka semana ang gihimong case build up sl suspect ug nasuta nga maka dispose kini og usa ka kilo nga shabu matag semana.

Gihulagway sa PDEA-7 nga nalakip sa Newly identified drug personality ang suspect apan niadtong tuig 2024 nadakpan kini sa kasong carnapping ug naka apply og plea bargain.

via | Benjie Banguis Talisic, XFM News

📸 PDEA -7

11/05/2026

𝐍𝐀𝐒𝐀𝐘𝐏𝐀𝐍 𝐀𝐍𝐆 𝐁𝐈𝐊𝐓𝐈𝐌𝐀, 𝐌𝐀𝐆𝐔𝐖𝐀𝐍𝐆 𝐀𝐍𝐆 𝐓𝐔𝐘𝐎; 𝐀𝐌𝐀𝐇𝐀𝐍 𝐎𝐆 𝐌𝐀𝐍𝐆𝐇𝐔𝐃 𝐏𝐀𝐓𝐀𝐘-𝐈𝐍𝐀𝐇𝐀𝐍 𝐏𝐀𝐆𝐀𝐍

NAGA CITY- Gitoohang nasaypan lang kining mag-amahan nga namatay human gipang dunggab og inahan nga napagan sa pag pangdunggab, nahitabo ni pasado alas 2:00 ang takna sa kadlawon sa adlaw’ng domingo, Mayo 10,2026, didto sa Sityo Eskwelahan sa Barangay Inayagan sa Dakbayan sa Naga.

Ang namatay mao sila Dominic Tapdasan 21; og amahan niining si Condrado Tapdasan 59; angol usab ang inahan nila nga si Edna 49; kining magpamilya ang gisulod sa suspek og gi ayo-ayo og dunggab sa suspek nga si Albert Yonzon Sedenio 28 anyos usa ka mangihaway og baboy nga maoy hinungdan nga nakalas kining mag-amahan og nagpabilin pa nga nagpaalim sa samad ang inahan.

Human sa hitabo ang suspek nadakpan ra usab dayon tungod sa pag paningkamot nila Inayagan Barangay Captain Edilberto Fat.

Sa wala pa ang panghitabo una niini kining si John Carlo maguwang sa namatay nga si Dominic, mao diay ang naka sumbagay ni Albert didto sa diskohan sa Sityo Fatima sa mao lang gihapon nga Barangay.

Matod ni John Carlo nga nahinabi sa XFM exklusibo nga nagka lalis sila ni Albert kay namugos nga pasayawon siya sa diskohan apan di man gyud mo sugot si Albert maong iya kining gisumbag.

Giuwang sila sa mga tanod maong nabuwag, si John Carlo nipalayo sa diskohan og wala pa una kini mo-uli, samtang si Albert nag to-o nga ang iyang nakontra naka uli na maong niadto kini sa panimalay nila.

Tungod kay abli ang pultahan dayon sulod sa Albert walay langan gipang dunggab ang mga biktima, wa masuta kon kinsa ang unang gidunggab apan gitoohan sa mga igsoon nga si Dominic ang unang gidunggab kay nag too nga si John Carlo ang natulog.

Ang suspek nakig harong pa sa inahan kay gidepensahan ang usa ka tuig nga apo hangtod nga gi ayo-ayo og dunggab maong naka angkon kini onse ka samad dinunggaban.

Si Alexander usab ang kamaguwang anak sa namatay kinsa maoy naka matay nakig harong usab sa suspek mipalayo lang kini dihang giingnan kini sa inahan nga di mo kompiyansa kay may dala nga kutsilyo ang suspek.

Si Alexander ana-a ra natulog kilid sa ilang balay nga kwarto, naka mata lang kini dihang dunay saba sulod sa ilang panimalay.

Human sa pila ka oras ang milabay gikan sa hitabo nadakpan na ang suspek og karon kasamtangan na nga gibalhog karon sa selda sa Naga City Police Station.

Si PCapt. Carlos Narca, Deputy Station Commander sa Naga City Police Station nibutyag nga kasong two counts of murder og frustrated murder ang atubangon nga kaso sa dinakpan.

Dugang ni Narca nga ang suspek sa iyang testimoniya nga pag panimawos iyang gibuhat tungod kay naunhan kini og sumbag sa ni John Carlo nga maguwang nga igsoon ni Dominic atol sa piyesta sa usa ka Sityo sa Barangay Inayagan.

Samtang base sa record sa Naga City Police ila pang gisubay kon kining maong suspek nalambigit ba sa ilegal nga binuhatan.

via | Benjie Banguis Talisic, XFM News

09/05/2026

𝐃𝐔𝐇𝐀 𝐊𝐀 𝐌𝐀𝐍𝐆 𝐇𝐀𝐍𝐓𝐈𝐍𝐆𝐀𝐘 𝐎𝐆 𝐁𝐔𝐋𝐀𝐖𝐀𝐍 𝐍𝐀𝐏𝐀𝐋𝐆𝐀𝐍𝐆 𝐏𝐀𝐓𝐀𝐘 𝐃𝐈𝐃𝐓𝐎 𝐒𝐀 𝐁𝐎𝐇𝐎𝐋

DUHA sa tulo ka mga mang hantingay og bulawan nga na missing samtang nag kob-kub og bulawan sa usa ka langob didto sa Barangay Poblacion, sakop sa Lungsod sa Dagohoy, Probinsiya sa Bohol ang nakaplagan nang patay dihang nadiskobrehan kini atol sa gihimong Search and Rescue Operation sa lokal nga kagamhanan sa nahisgutang Lungsod.

Ang mga namatay gi ila nga sila Greg og Paul pulos dili tinuod nga mga pangalan, pulos usab 35 ang panuigon nga taga Lungsod sa Ubay Bohol.

Samtang ang laing usa pa nga si Louie 56 ang edad nga na missing nga ilang kaubanan ang padayon pa gihapon ang pag pangita niini.

Sa gihimong imbestigasyon sa Dagohoy Police Station nasuta nga kining tulo ang mibiya sa ilang gipundohan nga balay niadtong Mayo 7,2026, apan pakyas na kining naka balik.

Maong mga kabanay sa mga nanga missing nagpatabang sa otoridad human sa wa kini maka-uli sa ilang panimalay, og mga pila ka oras ang milabay gikan sa pag pangayo og tabang gilusad dayon ang Search and Rescue Operation.

Ang rescue team narekober ang patay’ng lawas ni Greg sa pasado alas 5:00 ang takna sa kadlawon nianang Mayo 8,2026 samtang si Paul pasado alas 2:00 na ang takna sa hapon susamang petsa.

Ang mga sakop sa rescue team nagpadayon pa gihapon sa pag pangita sa laing usa pa nga nagpabiling missing.

Giingong kining tulo og laing mga indibidwal pa ang taod-taud na kining nag balik-balik sa dapit apan wa mahibawo sa ilang katuyoan hangtod nga niining pagka hitabo-a didto nasuta ang ilang mga plano.

Sa inisyal nga resulta sa ilang medical record nga nakuha sa Dagohoy Police Station nahibaloan nga posibleng gikamatyan sa duha ang toxic gas sa ilawom sa langub maoy gikamatyan niini.

Ang mga pulis dunay narekober nga mga butane canisters sa lugar kon diin asa nakit-an ang patay’ng lawas.

Samtang nag to-o usab ang kapulisan nga posibleng nag gamit og gen-set tungod usab sa minus ang hangin sa ilawom sa langub nga maoy gitoohang nahutdan og hangin maong namatay.

Usa sa gikahibulongan sa mga pulis tungod kay ang mga kabanay sa namatay wa kabalo sa ilang mga lakaw.

via | Benjie Banguis Talisic, XFM News

📸 CTTO

08/05/2026

𝐍𝐈 𝐀𝐏𝐈𝐋 𝐒𝐀 𝐁𝐈𝐁𝐋𝐄 𝐒𝐓𝐔𝐃𝐘; 𝐌𝐀𝐍𝐆𝐀𝐖𝐀𝐓 𝐃𝐈𝐀𝐘

DIAY usa ka 32 anyos nga babaye ang napaslak na karon sa prisohan kini human matod pa mangawat og cellphone didto sa Sityo Mananga sakop sa Barangay Tabunok, Dakbayan sa Talisay.

Ang nadakpan giila nga si Jinky 32 anyos og taga Sityo Luray 1, sa Barangay Poblacion Dakbayan sa Toledo.

Si Jinky gidakop sa mga pulis sa Dakbayan sa Talisay human nangayo og pakitabang si Leila 41 anyos og taga Barangay Tabunok sa nahisgutang Siyudad.

Subay sa reklamo ni Leila ngadto na sa Talisay City Police Station nga kalit lang nibutho kining si Jinky, niadtong tungora dunay gipahigayon sila Leila nga bible study.

To-od man si Jinky misulod sa ilang simbahan nila Leila sa iyang rason nga moapil kini sa bible study.

Samtang nagpadayon sila Leila sa ilang bible study uban ni Jinky igo ra diay nangita og higayon hangtod nga gisignit niini ang cellphone ni Leila.

Walay kasayuran ang tanan sa hitabo, si Jinky nangayo pa kunohay og tubig kay giuhaw dungan sa pag hangyo nga mag pundo lang sa kini makadiyot kay paaboton ang iyang apohan.

Wa mag dugay kining si Leila nangita sa iyang cellphone kay duna unta tawagan apan kalit kini og kawala didto sa bintana kon diin asa niya gibutang.

Dihang naka matikod na nga nangita na sa cellphone mao usab ang pag lakaw ni Jinky maayong nalang gani naapsan sa bana ni Leila maong napugngan kini.

Nag duda naman sila kay sa mga napangutan-an ni Leila sa iyang mga kauban wala man gyud naka kita.

Maong ilang gipangutana si Jinky og nihimakak nga wala niini kuhaa ang cellphone.

Tungod kay di man gyud mo angkon si Jinky maong gitawagan ni Leila ang iyang cellphone gamit ang laing unit og didto nabulabog kay nitingog man
dinha sulod sa iyang gidala nga bag.

Human ma kompirma nga si Jinky gyud ang misignit sa cellphone maong nanawag na sila og pulis og didto giposasan ang suapek.

Ang naposasan nga suspek paslak na karon sa selda og pasakaan kini og kasong pag pangawat karong adlaw’ng lunes.

via | Benjie Banguis Talisic, XFM News