03/02/2026
“Ang atong pagtuo sa Balaang Niño, gisukod man sa mga pagsuway, apan kita nagpabiling lig-on ug hugot ang pagtuo kaniya.”
– Festival Queen, Cluster 7
Nahimong malampuson ang atong sayaw halad kang Sr. Sto. Niño, inubanan sa kugi sa mga tawo nga nagpaluyo niini—gikan sa atong generous sponsors, sa mga nihatag financially, sa mga nitabang, ug sa mga nipakita sa ilang suporta.
Daghan man ang mga pagsuway, kabalaka, ug mga problema nga among naagian, apan dako namong pasalamat sa Balaang Bata nga wala gayod kami biyae ug wala mi niya pasagdi sa among mga pag-ampo kaniya.
Among dakong pasalamat gikan sa Maampoong Mananayaw sa Banay, Cluster 7, kauban ang Inahan sa Kanunayng Panabang Chapel – Bantoon, sa mga musunod:
Una, daghang salamat Sr. Sto. Niño sa paggiya ug paghikap sa mga kasingkasing sa mga tawo nga nagpaluyo sa among halad para kanimo, ug sa mga tawo nga imong gihimong instrumento sa pagtabang kanamo.
Ikaduha, dako kaayo namong pasalamat sa among major sponsors sa walay puas nga suporta sukad pa kaniadto hangtod karon: Marichu and Joeffry Andaya, Juanita and Romy Lascuña, Rose Ann Lascuña, ug Michelle and July Obsequias. Kung wala mo nga nagpaluyo niini, dili gyud mahimong maanindot ug magmalampuson ang among tumong ug tuyo nga makahalad ug usa ka nindot nga sayaw para kang Sr. Sto. Niño.
Inubanan usab sa mga nihatag financially, daghang salamat Shara May Pardillo, Genelyn and Oscar Rado, Geralyn and Ricardo Rama, Efren and Fedila Alcansado, Ejen and Ian Deiparine, Maribeth and Reynaldo Omambac, Crezelle and Ariel Omambac, ug uban pa nga mga nisupporta financially ug wala gyud nibalibad sa among mga yangongo kanila. Sa mga tubig og softfrinks Marichu and Joeffry Andaya, Risha and Ariel Abella and Myrna and Botsoy Resgonia. Daghang salamat.
Ikatulo, among dakong pasalamat usab sa mga nitabang sa kinahanglanan. Daghang salamat sa mga tag-iya sa mga sakyanan nga nagkuha ug naghatud sa mga dancers sukad pa sa rehearsals ug blocking—Marichu and Joeffry Andaya; sa sakyanan nga naghatud sa props—Lening and Tanciong Resgonia; sa sakyanan nila Tonio and Merlyn Rafaela sa pagkuha sa costumes sa dancers ug sa Festival Queen; sa multicab nila Ejen and Ian Deiparine sa pag-caravan; ug Jovelyn and Benjie Sellote sa pag-Sinulog. Daghang salamat usab sa mga drivers, sa mga nagbuhat sa DIY props, sa mga nag andam ug pagkaon ug mga snacks, ug sa uban pa—daghan kaayong salamat.
Daghang salamat usab sa pinaka-gwapa nga choreographer, Mami Kons, sa pagtudlo ug pagmugna ug usa ka maanindot nga sayaw. Salamat sa daghang pasensya ug mga pagsabot, ilabi na sa kalit nga desisyon nga ikaw among kuhaon nga mutudlo sa sayaw nga pila na lang ka adlaw before ang Sinulog sa PVR. Salamat usab kay wala gyud mi nimo pasagdi sukad sa una.
Sa mga performers, dancers, propsmen, ritualist, ug sa among Festival Queen, Lalyn, daghang salamat sa pagsundayag sa inyong mga talento ug sa inyong paningkamot aron mahimong nindot ang sayaw.
Sa among kusgan nga make-up artists—Kyla, Cyell, Darya, and Shaira—salamat kay ninggwapa gyud kaayo atong performers, ug daghan gyud ang naka-appreciate sa ilang kaanyag tungod sa inyong mga kamot. Salamat usab sa make-up artist sa FQ ug sa iyang kauban nga nag-assist ug nag-retouch hangtod nahuman ang Sinulog, nga wala gyud biyae. Salamat usab sa mga tawo nga nag-assist sa performers ug sa FQ.
Daghang salamat usab sa active and supportive Chapel Leaders from Candato and Bantoon. Kung wala mo, dili gyud ni mahimong possible ang atong halad nga sayaw para sa Balaang Bata. Dili na tamo matag-tagsa ug mention ug mangayo na lang ko’g despensa kay ubay-ubay gyud mo, apan nasayod ug nakahibaw ang Sr. Sto. Niño kung kinsa mo.
DAGHAN KAAYONG SALAMAT KANINYONG TANAN, UG ANG SR. STO. NIÑO NALANG ANG BAHALA SA PAGBALOS KANINYO.
CONGRATULATIONS EVERYONE!
VIVA PIT SEÑOR! 🎉🙏
