15/06/2026
Bantulot si Nora Aunor kung dadalo sa MMFF 1978 Awards Night kung saan nominado siya sa pelikulang "Atsay". Ngunit pumunta pa rin siya bagamat ang matunog na pangalan na sinasabi ng mga kilalang manghuhula ay si Vilma Santos ang mananalo nang gabing iyon para sa pelikula niyang "Rubia Servios". Ang leading man niya sa pelikula na si Ronald Corveau ang ka-date niya. Si Christopher de Leon naman ang katabi ni Vilma sa upuan. Kakahiwalay pa lang ni Guy at Boyet noon. At in-announce na nga ang winner. Si Nora ang nagwagi bilang Best Performer! Naluluha si Nora nang tanggapin ang award at paunang salita na namutawi sa bibig niya sa kanyang acceptance speech ay "Mamay, mali ang hula nila“. Nag walk-out si Vilma at naglasing. At sinabi sa sarili na hindi na a-attend ng mga award giving bodies kung hindi niya tiyak kung siya ang mananalo. Asang-asa kasi siya noon. Si Nora naman, dala ang napanalunang tropeyo pauwi ay napahagulgol pagbukas ng pinto ng bahay nila. Si Mamay Tunying kasi ay sinalubong siya na may dalang cartolina na may nakasulat na "Congratulations Anak!“. Kinabukasan, si Nora at ang panalo niya ang headline ng mga tabloid, dyaryo at magasin. Pati na sa mga balita sa TV. Sumikat ang kataga niyang "Mamay, mali ang hula nila".
