24/08/2026
Isang malungkot at palaisipang pangyayari ang iniimbestigahan ngayon sa Camarines Sur matapos matagpuang wala nang buhay ang isang 15-anyos na dalagita.
Ang biktima ay kinilala sa mga lokal na ulat bilang Ruby Nagrampa Porteria, residente ng Barangay San Rafael, Tigaon, Camarines Sur. Sa naunang ulat ng mga awtoridad, itinago muna ang kanyang pagkakakilanlan sa alyas na “Rose.”
Ayon sa ulat, huling nakita si Ruby noong umaga ng Agosto 17, 2026, nang umalis siya sa bahay ng kanyang tiyahin. Nung hindi siya makauwi, inakala umano ng kanyang tiyahin na maaaring nakituloy lamang siya sa ibang kamag-anak dahil nakasanayan na raw ni Ruby ang bumisita o manatili sa mga relatives.
Makalipas ang apat na araw, noong Agosto 21, bandang 10:15 ng umaga, tatlong batang namimitas ng amora o mulberry ang nakadiskubre sa katawan ng isang dalagita sa isang lote sa Zone 3, Barangay Matacla, Goa, Camarines Sur… Kalaunan ay nakilala itong si Ruby.
Ayon sa Police Regional Office 5, nakatulong sa pagkakakilanlan ang kanyang mga natatanging marka, kabilang ang butterfly tattoo sa kanang braso at mga markang “OPG” at “RUBY” sa kaliwang braso.
Sa paunang external examination, wala umanong nakitang malinaw na blunt-force injury sa ulo o iba pang hayagang sugat sa katawan. Hindi rin kumpirmadong mvrder o hom!cide ang nangyari kay Ruby. Wala pa ring publicly confirmed na suspek o arrest sa impormasyong inilabas kaugnay ng kaso. Hinihintay pa ang final forensic findings upang matukoy ang eksaktong sanhi at paraan ng kanyang pagkamatay.
Patuloy ding inaalam ng mga awtoridad ang kanyang mga huling galaw at sinusuri ang available CCTV footage at mga pahayag ng posibleng nakakita sa kanya.
Marami tuloy ang tanong:
1. Ano ang nangyari kay Ruby mula Agosto 17 hanggang Agosto 21?
2. Nakarating ba siya sa kanyang pupuntahan?
3. Sino ang huling taong nakakita o nakasama sa kanya habang buhay?
4. At paano siya napunta sa lugar kung saan siya kalaunan natagpuan?
Sa ngayon, hintayin na lang natin ang resulta ng imbestigasyon at nawa'y magsilbing paalala ito sa ating mga magulang at guardians, na kahit sanay nang lumabas o makituloy sa kamag-anak ang isang teenager, minor pa rin sila. Hangga't maaari ay alamin natin kung nasaan sila, sino ang kasama nila at siguraduhing may communication tayo sa kanila. Hindi dahil wala tayong tiwala sa ating mga anak kundi dahil hindi natin kayang pagkatiwalaan ang lahat ng taong maaari nilang makasalamuha.
Ruby was only 15 years old. Sana sa pagpapatuloy ng imbestigasyon ay mabigyan ng malinaw na sagot ang kanyang pamilya kung ano talaga ang nangyari sa kanya.
R.i.p. Ruby.
