27/05/2025
BAGO MO HUBARIN PARE
Bago natin hubarin ang mga damit ng mga babaeng nagtiwala sa 'tin, par, p'wede bang mag-isip muna tayo ng sampong ulit? Baka kasi nabibigla lang tayo sa tawag ng laman. At hindi rin naman pala tayo handa sa kalalabasan. Ang mga babae naman kasi naghuhubad lang 'yan pagpinapangakuan na hindi iwan. Kung hindi mo naman kayang tuparin 'yong pangako mong siya'y pakakasalan sa oras na umusbong ang bata sa kaniyang tiyan, 'wag nalang natin tangalin ang mga saplot nito sa katawan. Ang mga babae binibihisan hindi hinuhubaran para lang masabi nating 'nakuha kuna ang katawan niyan' Kapagsainuman babae agad ang pulutan. Paramihan at payabangan ng babaeng nasakyan. Ang mga tropa naman nagsipalakpakan, dahil hanga sa 'yong taglay na kaangasan. 'Wag natin ibase sa rami ng babaeng natikman ang ating pagkalalaki. "Wag natin ibaba ang halaga ng bawat babae, dapat silang igalang at tratuhing mabuti. At oo nga pala p're, bago natin ligawan siguraduhin mo namang mahal mo 'yan. Hindi dahil nagagandahan ka lang, sasabihin mo nang mahal mo yan. Hindi tama 'yan! Ang tunay na pagmamahal, hindi sa panlabas ng anyO matatagpuan. Hindi rin sa ugali at sa kalagayan, kundi sa taglay niyang kaanyuan. Pag naramdaman mo na ang tawag ng pagmamahal. Aba, pre. "Wag mo nang pakawalan. Kasi maraming iba riyan, nakaabang lang baka ikaw ay maunahan. Idagdag ko na lang rin tong aking natutunan, sa aking mga kahapon at nakaraan. Ang babae sinusuyo pag nagtatampo, hindi binubogbog at inuuntog sa pader ang ulo. Ituring natin silang ilaw ng tahanan, hindi 'yung pagnapundi ay papalitan. Kung ikaw isa ka sa mga lalaking ini-ngatan ang mga babae, congrats pre! Maituturing ka ngang haligi ng tahanan. Pero kung isa kanaman sa mga lalaking nagbibigay ng sakit ng katawan sa mga kababaihan. Naku! P're, Diyos na ang bahalang magbigay sayo ng nararapat na kaparusahan. Oo, nga pala p're, bago ko makalimutan gusto ko lang na iyong malaman. Hindi mo naman kailangan maging mayaman para masabing ikaw ay karapatdapat na pakasalan. Minsan ang mga babae pag-alam lang nilang safe sila sayo at ipinaglalaban mo hanggang sa dulo. Promise p're, makakarinig ka ng "Yes, I'do at I love you" sa harap ng altar. Payo ko na rin sayo p're, na kung sana dumating man kayo sa pagsubok ng buhay. Lagi niyo sanang ipaalala sa bawat isa kung gaano kayo rati kasaya. Walang perpektong relasyon, wala ding perpektong asawa. Pero sana 'wag kayo magsasawa, pag pinasok ng ahas na sawa ang matibay niyong pagsasama. Pero alam mo ba, kung ano mahalaga? 'Yong pareho kayong lumalaban sa hamon ng buhay, kasama si lord. Sana p're 'wag mo kalimutan lahat ng mga sinabi ko, kasi ako hindi rin naman perpekto. Pero sinusubukan kong gawin ang lahat at makuntinto sa kung sino ang babaeng katabi ko. Sana kung iyong nababasa 'to. Kunting hiling lang p're oh. Mention mo naman 'yong babaeng sayo 'y nagpapasaya. Gano'n din sa mnga babae, mention ninyo naman sa comment section yung lalaking iniingatan ka. Ipagsigawan mo na inaalagaan ka ng lalaking iyong kasama. Hanggang dito nalang, p're Maraming salamat sa iyong pagbabasa,
