09/07/2026
MABOTENG USAPAN
"Boses ng Kalikasan, Kwentuhan para sa Mas Malinis na Kinabukasan''
Ang wastong pamamahala ng basura ay hindi lamang nagsisimula sa tamang segregasyon kundi sa patuloy na pagbibigay-kaalaman sa bawat mamamayan. Bagama't patuloy na isinusulong ng Barangay Macatbong ang iba't ibang programang pangkalikasan tulad ng Eco-Sertipiko Program, nananatiling mahalaga ang mas malikhain at makabagong paraan ng pagbibigay ng impormasyon upang mas maraming residente ang mahikayat na makiisa.
Ang MABOTENG USAPAN ay isang makabagong Information, Education, and Communication (IEC) campaign kung saan ang isang plastic bottle na ginawang karakter at mikropono ang magsisilbing simbolo ng "boses ng kalikasan."
Sa pamamagitan ng maikling panayam, trivia, environmental challenges, at edukasyonal na usapan, magiging mas masaya, interaktibo, at madaling maunawaan ang mga mensahe tungkol sa pangangalaga sa kapaligiran.
Layunin ng proyektong ito na gawing mas buhay ang environmental education habang hinihikayat ang mga residente na maging aktibong katuwang sa pagpapanatili ng kalinisan ng barangay.
