Billy's Lowtech Fishtanks

Billy's Lowtech Fishtanks Doing fishtanks Lowtech and Naturalistic. Sharing and Teaching how to setup Lowtech Aquariums.

Mga tol, ganito ha. Pag nagsend lang kayo sa akin privately ng either pix or vids ng mga tanke nyo, tas wala naman kayon...
29/03/2026

Mga tol, ganito ha. Pag nagsend lang kayo sa akin privately ng either pix or vids ng mga tanke nyo, tas wala naman kayong tanong or hinihinging tulong, hindi ko pangingialaman yang tanke nyo. Papasok lang ako pag may tinatanong.

Kasi eto dapat nyo intindihin, hindi ko po pinipilit ang proseso ko sa inyo. Malaya po kayong sundin at gawin kong ano sa palagay nyo ang tama para sa inyo.

Ang ayaw ko lang talaga is yung nagpropromote ng ibang proseso na hindi sang-ayon sa mga paniniwala ko. Ang tinuturo ko kasi rito ay ang sarili kung proseso. Hindi ang iba. Iba sila, iba naman ako.

Subalit, ako'y guide lamang sa mga gustong magkaroon ng basic na kaalaman. Kung sundin nyo naman hanggang sa pinakahuling butil ang proseso ko, ayus sa akin yan. Kung ayaw naman, ayus pa rin. Maraming paraan kung papano gawin ang hobby na ito. I do not hold sway over other processes.

Hangga't kaya, hindi ako nangingialam kasi para sa akin, kung masaya kayo sa ginagawa nyo, okay na tayo dyan. Yun naman talaga ang habol natin kaya pinasok natin ang bisyo na ito, yung maging masaya tayo. Me mga tao lang talaga na tulad ko na ang puso ay gustong tumulong, mag-guide, pero never kong sasabihin sa inyo na ako lang ang tama.

Marami akong alam, pero hindi ko alam lahat. Marami akong kayang gawin, pero hindi ko kayang gawin lahat. Marami akong sinasagot sa mga nagme-message privately at sa posts ko mismo, pero hindi ko lahat agad-agad napapagtutuunan ng pansin.

So sana, a lil pasensya lang po. I try to answer everyone, di nga lang ora mismo. Hobby ko lang po kasi ito at may iba pa tayong pinagkakaabalahan. Kaya minsan, offline tayo.

Nagustohan ko talaga ang message sa akin ng isang utol natin na, babasahin na lang daw niya ang mga artikulo ko kasi baka nandun na yung mga kasagutan sa mga itatanong sana niya. Kasi, baka daw busy na ako. I really love that!

Tama si utol. If you take the time to browse, read back on my previous articles, nandun na halos lahat ng mga kasagutan sa mga tanong ninyo. Yung isa pa nga nating utol eh, naging genius na sa kababasa lang ng mga articles ko. Ang gara na ng tanke ng damuho. 😂

Yun lang. Let us continue to learn. Observe. Watch. Read. Take in everything. Be passionate. Have fun and really, really enjoy this thing. We're all part of a small niche of brotherhood.

Mga tol, para nga pala dun sa mga gagamit ng auto timer, tas nagka brownout sa area nyo, wag niyong kaligtaan i-reset sa...
29/03/2026

Mga tol, para nga pala dun sa mga gagamit ng auto timer, tas nagka brownout sa area nyo, wag niyong kaligtaan i-reset sa current time ulit yung mga timers nyo.

Hassle talaga tong brownout. Lintik! Nasisira yung consistency ng photoperiod natin.

Tulad ngayon, paulit ulit yung brownout kahapon. Nakalimutan kong magreset, kumunot noo ko, alas 9:30 am na hindi pa namatay yung ilaw. Langya tong power company, lumalaki na yung syudad, di naghanda na palakihin na yung kakayahan nilang magprovide ng kuryente. Palala ng palala sitwasyon ng bayan natin! Putik!

Kung me male-maleta lang akong pera, bilhin ko na tong power company eh, kaso, pouch bag lang ako.

Hayyy nakkooo...

Mga tol, eto ha kaklarohin ko. Magseset ako ng rules sa page na ito. Basahin nyo po.Ang page na ito ay hindi public grou...
28/03/2026

Mga tol, eto ha kaklarohin ko. Magseset ako ng rules sa page na ito. Basahin nyo po.

Ang page na ito ay hindi public group page. Hindi ito open group page kung saan lahat ay pwedeng magpromote ng iba't ibang method o nambabastos o nangmamaliit sa sistemang pinapakita ko rito.

Ang page na ito ay dedicated solely sa pagtuturo ng simple, natural at non-complicated na pag-aalaga ng mga isda. Sarili ko itong page. Ako lang ang admin dito at hindi ako baguhan.

Ang page na ito ay para sa kapwa ko pinoy na nahihirapan, nagugulumihan, hindi alam kung ano ang gagawin. Sila ang pakay ko at hindi ang mga nagdu-dunung-dunungan.

Tingnan nyo muna ng maigi ang mga tanke ko, intindihin ang proseso ko, bago kayo magsisiwalat ng mga ideyang walang katotohanan. Kung ang tanke nyo ay parang imburnal ang baho, then sa imburnal siguro ninyo kinuha ang lupang ginamit nyo. Huwag nyong idiscourage ang mga baguhang nangangapa pa lang.

Kung sa tingin nyo ay magaling na kayo, then, hindi para sa inyo ang page na ito. You are not welcome here, especially if you have a closed minded personality. I will not tolerate disrespect.

Eto pa, isa ako sa hater ng FF method. Hindi ko ina-allow na ma-promote dito ang method na yan, na pinagtatawanan na at kinukutya sa karamihan ng mga seryosong hobbyists sa buong mundo.

Kulto ang tingin namin sa method na yan. Kahit ang lolo nyo, binabago bago na ang kanyang stand lalong-lalo na sa usaping buhangin ang capping material. His method is failing. Sya mismo hindi na sigurado.

Ang mga FF followers ay mga haters sa ibang mga sistema dahil sa kanilang paniniwala na sila lang ang tama. You do not have the monopoly of hate. We can hate the FF method too.

So eto, iba-block ko instantly ang sino mang magpo-promote ng FF method dito. This is again, not a public group page.

Ang ina-allow ko lang ay ang Walstad method dahil magkahalintulad ito sa proseso ko.

Ang ina-allow ko lang dito ay peaceful, intelligent and happy exchange of ideas kung magkasalungat man ang mga proseso ko sa mga proseso nyo. This is a happy hobby. I'd like to maintain the attitude of awe and delight. Ayoko ng sobrang magaling dito. Lahat tayo magaling at pwede ring lahat tayo baguhan.

Kaya nga hindi boss, o lodi ang tinatawag ko sa inyo kundi tol. Utol. Brother, sister, kapatid, dahil sa paningin ko equal tayong lahat sa hobby na ito. Nauna lang ako ng konti.

So ayun. I hope klaro na mga tol. Kayong mga baguhan ang focus ko. Kayong gustong alagaan ng tama ang mga isda ninyo. Again, tingnan nyo ang mga tanke ko. Ito ang gusto kong mangyari din sa mga tanke ninyo. Simple, hindi magarbo at ang focus ay ang buhay ng mga isda.

Kung nagawa ko, magagawa rin ninyo.

Mga tol, di nyo ba nabasa yung mga paulit ulit ko ng sinusulat? Ba't kayo gumamit ng aquasoil sa simpleng lotek ninyo? D...
27/03/2026

Mga tol, di nyo ba nabasa yung mga paulit ulit ko ng sinusulat? Ba't kayo gumamit ng aquasoil sa simpleng lotek ninyo?

Di ba sabi nyo, gusto nyo ng hindi magasto na pamamaraan? Magkano ba yung isang bag ng aquasoil? Yung kaibigan ko na may petshop nakita ko yung presyo ng mga aquasoil na benta nila, pinakamura is mahigit 700petot, yung iba, libo-libo na ang presyo. Mahal. Igasolina ko na lang yan. Lol

Hindi ko sinasabi na hindi effective yang aquasoil, sobrang effective actually nyan sa pagpapatubo ng mga tanim. Pero hindi yun ang punto ko kung bakit dinidiscourage ko kayong gumamit ng aquasoil.

Ganito yun, narinig nyo na ba ang kasabihang, ningas cogon? Yun bang magaling lang sa simula pero kapagdaka'y humihina na, nawawalan na ng silbi? Yun ang aquasoil. Manufactured soil yan. Nauubos ang nutrients nyan. Walang longevity ika nga. Yung mga mamahaling brand, aabot ng 2 to 3 years. Pero yung mga mumurahin, 7 to 12 months lang ang kapasidad nyang magpapatubo ng tanim. So ano nang mangyari kong darating na ang panahong ubos na ang nutrient content ng aquasoil ninyo?

Mapipilitan kayo ngayong maglagay ng root tabs, mag liquid ferts o dili kaya, didismantle nyo na naman yung mga tanke nyo. Walang problema yun kung content creators kayo at need ninyong palaging may bagong setup na ipinapakita sa mga followers ninyo. Eh, paano kung parehas lang tayo na ordinary home aquarists lang, kung saan yung mga tanke natin eh for personal enjoyment lang natin?

Pang high tech po ang aquasoil or yung mga pang plant only setups.

Ang pinakamabisang foundational substrate sa simpleng lotek ay yung organic na lupa. Yung garden soil o loam soil, tulad ng ginagamit ko sa mga tanke ko. Ang organic na lupa ay may kakayahang mag recycle ng nutrients na galing mismo sa mga biological wastes ng mga isda at nalalantang parte ng mga tanim. Kasi ang organic na lupa ay may sariling in-house na mga microorganisms na syang nagbe-breakdown ng mga organics upang mapanatili ang nutrients nito na sya muling ginagamit ng mga tanim. Yan ang dahilan kumbakit natin tinatawag na self sufficient yung mga lotek natin na tanke.

Na-gets nyo mga tol?

Pero, sige, nandyan na yan eh. Patuloy nyo na lang at obserbahang maigi na lang ang tubo ng mga tanim nyo. Kayo na bahala kung anong gagawin nyo pag umabot na kayo sa puntong nangungulontoy na yung mga tanim nyo at nagdidiscolor na yung tubig ng mga tanke nyo.

Sa mga hindi pa nakapagsimula dyan, wag aquasoil bilhin nyo. Loam soil lang or kung me mga bakuran kayo at me mga flowering gardens, o me bukiran kayo, dun na kayo maghukay ng lupang gagamitin nyo sa fishtanks ninyo. Libre pa at nakasisiguro pa kayong tuloy tuloy ang tubo ng mga tanim ninyo.

Ayus?

Kung sakali man po, na kayo rin ay may kaalaman at me mga puntong hindi kayo sumasang-ayon sa mga sinusulat ko rito, pwe...
27/03/2026

Kung sakali man po, na kayo rin ay may kaalaman at me mga puntong hindi kayo sumasang-ayon sa mga sinusulat ko rito, pwede po ninyong lampasan ang page na ito. Or dili kaya, busisiin pa ng mabuti ang page ko, tulad ng ginagawa ko sa ibang page na hindi ako sumasang-ayon sa mga kaalamang ibinabahagi.

Mas maigi kasi kung buo nating makilala yung mga sa tingin natin ay taliwas sa mga proseso natin.

Huwag lang pong makipag debate o magsalita ng hindi tama, kasi po walang patutunguhan ang pakikipag debate lalo na't page ko ito at wala namang nakikitang mga masakitin o matamlay o namamatay na mga isda or tanim sa mga tanke ko at lahat ng mga ibinabahagi ko rito ay nakabase lahat sa kung ano talaga ang mga pinagagawa ko. Galing lahat sa sobra dekada ng pag-aalaga ng mga tanim at isda ang pinaghuhugotan ko ng kaalaman. 2012 pa lang akong nagpa-planted tank na.

Kung nais, mas mabuti pang mag exchange of ideas na lang tayo. Kasi ako, kahit na masasabi ko ng napakalawak na ng kaalaman ko sa hobby na ito, ay nandun pa rin sa akin ang thirst for learning. Open ako sa mga bagong ideya or kakaibang pamamaraan na pwedeng makakatulong sa atin na mas mapabuti pa ang pagiging hobbyist natin.

Aware ako na may iba't ibang istilo sa pagawa ng hobby na ito. Sabi nga, no one shoe fits all. Kung ano yung nag work sa iba, pag nakita ko lang na buhay at malulusog pareho ang mga isda at tanim, namamangha na ako dun, kesehodang hindi pareho sa akin ang mga proseso. Ang ayaw ko lang talaga ay yung mga nagpupumilit na sila lang ang tama at lahat ay mali na dahil hindi sinusunod ang sistema nila. Hate ko yung mga ganung nagkukulto-kultohan dito sa hobby na ito.

Ang aim nating lahat ay makagawa ng tamang kapaligiran para sa mga isda natin upang kahit papaano ay may isang bagay sa buhay natin na nakakapagbigay ng katiwasayan sa mga puso at isipan natin. Isang bagay na nakapagpapasaya sa atin ng tahimik. Yun ang dahilan kumbakit pinasok natin ang fishkeeping/planted tank hobby.

We choose peace.

Pa'no mo malalaman kung ikaw ay isa pa lang baguhan or paano natin madistinguish yung mga baguhan na nagpapanggap na eks...
27/03/2026

Pa'no mo malalaman kung ikaw ay isa pa lang baguhan or paano natin madistinguish yung mga baguhan na nagpapanggap na eksperto?

Alam nyo, kalimitan talaga sa mga baguhan eh, nag-aakala na hindi na sila bagito pag nandito na sila sa hobby ng iilang buwan na. Kala nila dahil mag-iisang taon na sila o lampas isang taon na sila rito eh, hindi na sila baguhan.

Me mga tao akong nakilala na proud na proud na naghihinambog na sampung taon na raw sila sa hobby ngunit hindi pa rin masagot kung bakit naging cloudy yung tubig nila, or kung bakit nagka algae yung tanke or, hindi man lang makapagpatubo kahit Guppy grass man lang. Di nga alam kung anong parte ng Pearlweed ang ibabaon. Yup, me iilang tao akong na met na ganu'n. Sampong taon, baguhan pa rin.

So hindi sa taon nakikita ang lebel ng expertise ng hobbyist. Kundi sa mga aktwal na ginagawa nila at ang level ng pagkakaintindi nila kung pa'no gawin ito.

Isang halimbawa. Yung pagsamasamahin sa iisang lalagyan ang mga isdang hindi naman dapat pinagsama sama kasi magkaiba yung parameter requirements nila. A glaring example of this is yung pagsamahin ang Betta at mga Mollies at Danios. It takes a truly experienced hobbyist to understand na magkaiba ang water requirements ng mga isdang ito.

Ang walang kaalaman at pagkakaintindi sa magkaibang uri ng tubig ay isang napakalaking senyales na baguhan pa yung mga pekeng eksperto.

Isa pang halimbawa, yung basta basta na lang naglalagay ng kung ano-anong klaseng mga tanim, dahil walang kaalaman na hindi pareho pareho ang requirements nung mga tanim.

Yung hindi alam anong pagkaibahan ng low tech at high tech.

Yung ayaw makinig. Yung sinasabing, ok naman yung tanke ko ah. Yung nag-aakalang dahil lumalangoy yung isda, at mukhang tumutubo naman ang mga tanim, eh ok na yun sa kanila. Ang hindi nila alam, bilang ang araw ng mga tanke nila.

Marami pang mga senyales upang ma-determine kung baguhan o hindi na ang isang nagtuturo. Di ko mamention lahat, pero tong mga namention ko ay ang mga pinaka-common na mga halimbawa.

Ang pagiging baguhan ay hindi nakakahiya. Ako'y dumaan din sa stage na yan. Nagiging kahiya hiya lang ang pagiging baguhan kung magpe-pretend ng hindi baguhan. Sa takbo ng socmed ngayon, I think isa ito sa malaking dahilan kumbakit nagsusulpotan na ang mga hunyango at pekeng mga eksperto dahil ang habol nila ay pera, na ma-monetize yung mga page nila. Hanapbuhay na. Pera pera na lang.

At dito ako nalulungkot, dahil andaming mga inosenteng baguhan na napapaniwala nitong mga hunghang na content creators. Instead na mapagaan ang hobby dahil sa teknolohiya ng impormasyun, naging mas maputik pa ito. Nakakalungkot talaga.

Kung baguhan ka ngayon, magsaliksik talaga ng maigi. Wag magpapadala kaagad sa mga pinagsasabi at pinagagawa ng pinaka-unang fish vlog na sumusulpot sa newsfeed mo. Kahit ako, kahit itong page ko, wag kaagad kayong magpapaniwala sa akin kung iisang video pa lang or article ang nabasa or nakita nyo. Saliksikin nyo munang maigi ang page ko. Saturate yourself sa mga nakikita at nababasa sa page na ito, bago nyo ako kontakin or paniwalaan.

Yun lang.

Ako'y galit lamang o, kinakalaban ko talaga yung mga taong mapagkunwari, yung obvious na obvious na baguhan pa lang pero...
27/03/2026

Ako'y galit lamang o, kinakalaban ko talaga yung mga taong mapagkunwari, yung obvious na obvious na baguhan pa lang pero kung makaasta parang alam na ang lahat, eh kitang kita naman ang mga kamalian sa mga pinagsasabi at ipinapakita nila. Du'n talaga ako nag-aalburoto. Kasi, mas lalo lang pinapahirapan ng mga gunggong na ito ang mga baguhan ding katulad nila dahil sa faulty, hilaw at outright na mali nilang pinagtututuro. Nakapag-setup lang ng tanke, akala kaagad expert na. Eh ako nga tagal na sa hobby pero hindi kaagad akong nagturo dahil kabado pa ako. It took me years bago ako nagsimulang magturo. Hindi ko kayang magbigay ng payo at suggestions kung ako mismo insecure pa sa kaalaman ko. Kaya kahit ngayon, never kong pinangingialaman ang mga prosesong wala akong experience o hindi ko ginagawa.

Subalit, sa mga totoong baguhan na lumalapit at nagpapaturo, ang puso ko ay mamon. Kasi sila naman talaga ang main reason kung bakit ako nagtuturo. Sabi nga ng isang kaibigan natin sa comment niya, mabait daw ako. Oo naman, basta ba you come to me with the intention to ask for help, yung gusto mo talagang matuto, of course, sobrang bait ko nyan. Aalayan talaga kita hanggang makuha mo na yung tamang kaalaman. At hindi ako nagpapabayad.

Ok naman sa akin ang maghihinambog, kasi sabi ng lolo ko dati, "boy, if you got it, flaunt it!" Basta ba tama at makikita talagang totoo pinagsasabi, wala akong pake kung maghihinambog.

Do right. Be right. Learn. Keep learning. Wag magtatalak kaagad kung kulang pa ang kaalaman para walang baguhan na sobrang nagugulumihan. Tulungan ang mga baguhan. Make things easy for them. Make their entry into this hobby less bloody.

Jumpin jesophatz!!! Another well scaped, organic substrate, low tech tanks ang ipinakita sa atin ng kapwa natin pinoy.An...
27/03/2026

Jumpin jesophatz!!! Another well scaped, organic substrate, low tech tanks ang ipinakita sa atin ng kapwa natin pinoy.

Ang gagaling ninyo! Ang kaalamang nakukuha ninyo sa page ko ay pandagdag kaalaman na lamang para sa iba sa inyo, kasi kung tutuusin me mga skills na kayo na ni katiting wala ako. Mahina talaga ako sa aquascaping eh. Ako na yata ang pinaka least artistic na tao sa hobby na ito.

Nakakalula ang ganitong scapes at mas nakakabilib na low tech ang mga ito. Garden soil lang ang foundational substrate.

Kudos Richard! Pag laki ko ganitong mga tanke ang gawin ko. 3 thumbs up tol. 👍👍👍

Address

Butuan City
8600

Website

Alerts

Be the first to know and let us send you an email when Billy's Lowtech Fishtanks posts news and promotions. Your email address will not be used for any other purpose, and you can unsubscribe at any time.

Contact The Establishment

Send a message to Billy's Lowtech Fishtanks:

Shortcuts

Share