14/12/2025
Walong indibidwal ang nasawi at apat ang sugatan matapos mawalan ng preno ang isang 4x4 off-road vehicle sa Sitio Tumampon, Bgy. Tiguib, Ayungon, Negros Oriental, Sabado ng umaga, Disyembre 13.
Kabilang sa mga nasawi ang ilang senior citizens na lulan ng sasakyan.
Batay sa imbestigasyon ng Negros Oriental Police Provincial Office, nakaligtas ang driver ng sasakyan.
Ayon sa driver, binabaybay nila ang matarik na highway nang biglang mawalan ng preno ang sasakyan. Dahil dito, dumiretso ito sa isang mabatong bakanteng lote at tuluyang bumaliktad.
Papunta sana ang grupo sa isang sementeryo para sa paggunita ng death anniversary ng isang kakilala.
Anim sa mga nam4tay ay de4d on arrival sa ospital at binawian ng buhay habang ginagamot ang dalawa pa.
Nagpapagaling pa rin sa ospital ang apat na biktima na nakaligtas habang patuloy ang imbestigasyon ng pulisya sa road crash. | via Romeo Subado
