07/10/2022
ANG KULAMBO
Noong kami´y mga kabataan pa, sa aming munting basaysay ay naninirahan ang tinatawag na ekstended pamili. Gay-un sadya sa atin. Bukor sa magulang at mga kapatir duun din nakatira ang Mamay, Nanay, minsa´y pinsan, tiyo, tiya at pag nag-asawa ang kapatir nanduon na rin ang kanilang munsing pamilya.
Kuruin ninyo kung gaano pagkaka-sikip. Lalo na´t pag hihipig na. Ay di kanya-kanyang latag ng banig. Mir-ong nasa salas, may nasa kusina, may nasa balkon. Ngali-ngaling pati sa batalan ay maglatag! Kanya-kanyang kabit ng kulambo. Iwa-iwarang at salimbayan ang tali ng kulambo. Minsay ang Nanang ay suling na sa paghahanap ng kanyang bigkis sa kamison. Ayun palaý naitali na ng kapatir ko sa kulambo. Ay, tuong marire!
Ay tunay ka namang kung magmura ang tatay pag galing sa pang-gab-eng tarbaho! Ayun ga namang napasok-pasok pa laang sa balkon ay salimbayan na ang mga tali ng kulambo na animoý agiw ng anlalawa. Minsaý ayaw magsindi ng ilaw at baka daw magising apong paslit, ay di kakapa-kapa. Anduong yumuko, lumi-ar. Ah-ah ..ay di ayun, subsob sa lamping pinatutuyo na nakasampay sa tali ng kulambo! Ige sana kung malinis, ay hindi at piklot sa ihi ng apo! Dahil gunaw-gunaw daw na wag munang labhan at gagamitin uli. Anong palut!
Ari namang aking kapatir na pagkakalikut matulog ay ikot na akala moý trumpo at nadag-anan na ang laylay ng kulambo ay di napigtal! Wala namang umalam na ikabit uli at tukake lahat. Ay di magsawa kang papakin ng lamok!!
Kinabukasan ang balat moý parang may kurikong!
Photo:ctto
