06/07/2026
Noong ika-5 ng Hulyo, sa Ika-14 na Linggo sa Karaniwang Panahon, matatandaan sa ebanghelyo ni San Mateo na noong mga panahong iyon, sinabi ni Hesus, “Lumapit kayo sa akin, kayong lahat na napapagal at nabibigatan sa inyong pasanin, at kayo’y pagpapahingahin ko. Pasanin ninyo ang aking pamatok, at mag-aral kayo sa akin; ako’y maamo at mababang-loob at makasusumpong kayo ng kapahingahan para sa inyong kaluluwa. Sapagkat maginhawang dalhin ang aking pamatok, at magaan ang pasaning ibibigay ko sa inyo.”
Narito ang awiting "Kanlungan." Isang kanta na nagpapahayag ng ating pananampalataya at pag-asang narito ang Diyos sa kabila ng mga problema, paghihirap, at kapahamakang pinagdadaanan natin sa buhay.
Ito ay batay sa malikhaing titik ni Onofre Pagsanghan, musika ni Manoling V. Francisco S. J., at pagsasaayos ni Norman Agatep. Inawit ng San Jose de Baras Choir bilang awit sa pakikinabang sa Pandiyosesis na Dambana at Parokya ni San Jose.
Video: SOCOM Baras (During the live streaming of the 9AM Mass)
Paalala: Ang salitang "Yahweh" sa awit ay pinalitan ng "O Diyos" alinsunod sa tagubiling inilabas noong 2008 ng Congregation for Divine Worship and the Discipline of the Sacraments, bilang pagtugon sa hayagang direktiba ni Papa Benedicto XVI hinggil sa paggamit ng banal na pangalan ng Diyos. Ayon sa tagubiling ito, ang Hebreong pangalan ng Diyos ay hindi dapat gamitin sa mga pagdiriwang ng liturhiya, mga awit, o mga panalangin.
