12/06/2021
Sakbay mo nga ibasa daytoy nanumo a surat ko manong teng,alaek man daytoy a gundaway,iti mangkablaaw kadagiti amin a mangsupsuporta iti programam a TENGS 4VER..naimbag nga oras tay amin papagayam...
Daytoy a surat ko ket nu adda man kaar arngi na iti pudno a biag ket saan a naigagara ,no diket nairanrana laeng,kakabsat..,iti gakem ko laeng iti daytoy a surat ko papagayam ket mangipamatmat ken manglukat iti isip ken puso iti asinoman a dumngeg ken agbuya,tapnu mangted bagnos ken pagsarmingan para iti kaadwan,,
Daytoy a pakasaritaan ket innak pinaulwan.. "ITI LIKUDAN ITI NAPUSKOL NGA ULEP"
Manong teng,ubingak pay laeng idi a bassit,narikna kon iti panangipateg nagannak ko kaniak.impaay da amin a banag a kinalikagumak ken amin a kasapulak nupay saan kami a nabaknang manong,saanak a paudi manong teng nu panagkawes wenno kagawaan kadagiti padak nga ubbing ti pagsasaritaan manong,,no ania iti uso ket ipagatang ko latta ayat ko laeng nga saanak a makita a kakaasi ken paudi kadagiti kaadalak ken kaubingak manong teng,,iti ababa a pannarita nagarbo wenno "spoiled" nak manong gapu iti panangipaay amin dagiti dadakkel ko iti ania man a kiddawek manong..napalalo panangipateg da kaniak da tatang ken nanang ko manong,ngem nu adda maaramidak a saan a nasayaat ket ungtan nak ken bauten nak ni tatang ko manong,ngem nu kasta dagdagusen nak ni nanang nga ikanawa wenno isakit manong,ket an anawaen na ni tatang nu kasdiay,agingga nga isundanto payen iti agsubang,,gapu iti dayta adda sakit ti nakem ko ken tatang ko manong gapu ta mababautak ken maung ungtanak,ket ni nanang ket saan met innak maikunkuna ,,,naimula iti panunut ko iti ar aramiden ni tatang kaniak manong,,adda panagrebelde iti riknak ken pusok iti kinaga**s a panunot ko manong,,kasta a kasta agingga a dimmakkelakon manong,
Naglabas sumagmamano a tawen ket adda nakon nga agad adal iti sekondarya,wenno high school manong,,
Nu ania iti aramid ko idi ubingak manong isu latta iti aramid ko ita ta bumaro nakon,,ket agingga a nasursurok iti aginom ken agsigarilyo,,wenno bisyo a kunada,,nakabuo nak payen manong iti maysa a grupo saan met a praternity ketdi manong ngem kas grupo mi nga agbabarkada wenno maysa a GANG kunak man laengen manong,,idi damo manong naannayas pay met laeng daytoy a grupo a pinatakder ko,ti gakem mi ket agsisinnakit ken mangipakita iti kinapateg tunggal maysa,,iti motto mi manong teng ket "ALL FOR ONE,ONE FOR ALL..nu saki iti maysa,sakit iti amin,nu nam ay ti maysa,nam ay iti amin..
Idi bumaybayag kamin manong,masumok min iti saan a sumrek iti pagadalan,ag cutting classes kada kanayun kamin nga agabsent manong gapu ta mapan kami laeng aginum ken agbalyudong,,ket masansanen dayta nga ubra mi manong,..
Maysa nga aldaw nga narabiyanan nak a nagawidak idiay balay mi a nabartek manong,,idi linukatak iti arwangan,adda ni tatang ko a nakatakder iti sangwanan iti ridaw manong,ket adda iggem na a papel wennu maysa a surat,,"naggapwam"???sinaludsod na kaniak manong,,dita laeng tatang kakadwak ti barkadak kinunak nga insungbat manong,mangmesmesmes a kasla makapungpungtot ni tatang ko manong,,ket kinunana manen,,"ania ti kayat a sawen daytoy a surat nga inted iti prinsipal yo?nakalanad ditoy nga saan ka kanu a sumsumrek iti pagadalan u ken kadagiti kanu dadduma a subject mo!!!"kinunana kaniak manong,saanak a nakauni iti dayta a gundaway manong,awan mapanunot ko nga irason ko isu a nagulimekak lattan,,"apay anak ko ania t nagkurangan mi kenka ta kasta ti ar-aramidem???"impaay mi amin a kasapulam ngem balbalewalaem laeng iti sakripisyo mi kenka!!!huston!tatang,aglisi ka dtan ta sumrek nakon ket makatortorog nakon tatang kinunak manong,,iti apagdarikmat manong adda nadagsen a nagdisso iti rupak manong,,diniswan nak ni tatang ko!!!nariknak a napettak iti subil wenno bibig ko manong,gapu iti panangdanog ni tatang kaniak,,gapu iti dayta nga inaramid ni tatang kaniak manong,simleng iti panunot ko gapu iti bartek ko,kayat ko a balsen koma met ni tatang,idin ta layatak,nagpatingnga ni nanang nga aganawa,,kasta unay ti pungtot ni tatang kaniak iti pananglayat ko manong,,ket talaga a gandaten nak latta a kabilen,,"awanan ka iti bain nga anak kinuna na kaniak manong..iti dayta a kanito manong naglusdoy ni nanang ko iti sangwanan mi ken tatang nga agrinrinnikiyar manong,,ket dagdagus mi nga inarayat ken nagpatolong iti karruba,,"tulong!!!tulungan dakami karruba!!!impukpukkaw ni tatang ko manong..ket intaray mi ngarud a dagus ni nanang iti hospital manong,,bayat iti panangtamtaming iti dodoktor kenkuana manong napalaos ti danag mi ken tatang manong,,ket dita nga kanito nausawan nak metten gapu iti napasamak ken ni nanang ko manong,,"nu adda dakes a mapasamak iti inam agalwad ka laengen!!!dka pulos mapakawan!!!kinuna ni tatang kaniak manong,,,
Saan a nagbayag rimwar iti doktor ket kinasarita nakami ken tatang manong,,"naatake ni mrs.sir,ket naparalize iti kagudwa iti bagi na,gapwen ta adda urat a kumamang iti utek na nga naapektaran,saan tay a masigurado nga malaingan sir,ngem nu malaingan man mabalin nga maapektuwan ton iti panagpanunot na ket agbalin a kaslan to ubingen"kinuna iti doktor kadakami ken tatang manong,,ket saan ko a mapagsusurot iti panunut ko iti dayta a gundaway manong,napalaos iti gurak iti bagik,kasta met kenni tatang ko,,
" Ala agawid ka pay laeng anak ko ta siak ti mangbantay ken nanang mo,sikanto bassit mangkita pagsyaatan djay balayen,ken iya**s nak to met nga umay balunanen"kinuna ni tatang kaniak,,wen tang insungbat ko met manong,,
Ket dagdagus nak a nagawid manong,ket ingkagumaak nga inlippas amin nga maubra iti uneg iti balay mi,kasta met nga kinitak metten pagsyaatan dagiti dingwen mi manong,,ken nangtiliw nak metten iti native a manok nga isunton iti ibalon ko ken tatang,,agarup alas 11 iti bigat manong ket nakaisimpa ken nakaluto nakon,,ket saanakon nga nagpalta ket dinagdagus kon nga napan intulod iti balon ni tatang,ta ammok a mabisin metten gapwen ta saan pay a nakapangan idi rabii ken itay agsapa manong,,ket nakadanun nakon iti hospital ,ket dinagdagus kon nga inted iti k***n ni tatang manong,,"sige tang mangan kan ta siak iti mangbantay ken nanang"kinunak manong...kalpasan a nangan ni tatang manong,kinasarita nak,,anak,mapan mo alaen daydiay kwarta nga iduldulin ni nanang mo sadiay aparador diay balay tapnu adda maaramat ditoy hospital"kinunana ni tatang manong,,"sige tatang kinunak met manong..
Ket idi adda nakon iti balay manong,dagdagus met nga napan ko kinita diay kwarta nga ibagbaga ni tatang manong,,ket idi naalakon diay kwarta manong,dagdagus ko a tinawagan dagiti barkadak tapnu mapan kami aginum iti aruar,tapnu mailiwliwag ko dagiti napaspasamak manong,ket immay dak garud dinagas manong,,tallo kami a napan iti maysa a balay pagraragsakan manong,ket dta naginum kami,,ket napalalon iti bartek mi,ket nalipatak iti apagkanito iti problemak manong,,idi bumayag nga agin inum kami manong, adda maysa nga pagteng nga saan ko a namnamaen,,idi adda immasideg nga lima lallaki iti ayan mi nga agiinum ket kinursunada dakami manong,ket napikar met daytoy maysa a kadwa mi ket dta a napasamak iti ranget iti nagbaetan iti duwa a grupo manong,tallo kontra iti lima,,nupay dehado kami manong nakiranget kami latta,nupay madama iti ranget manong kitkitaek diay duwa a kadwak a makirangranget,idi kuwan nakitak nga adda inasot na a patadem iti siket na tay kalaban tay kadwak manong,idi makitak nga ilayat nan nga ibagsol manong dinagus ko nga minalo iti tugaw nga landok iti ulo na manong ket dta metten nga naidasay,ket naklaatak iti dayta a naimatangak manong gapu ta nakitak a mismo iti panagkuripaspas na manong,,idi agbayag addan iti mangeg ko a wengweng iti pulis,,"tumaray tayon kakadwa kuna dagitay duwa a kadwak manong ngem saan ko maiyakkaw dagiti sakak,,ket tinarayan dakon dagiti kakadwak manong,ket dta metten iti pannakakemmeg ko iti pannakabagi iti linteg,naisalakan dagiti kakadwak manong gapu ta saan ko inamin nga adda kadwak,,,ket impan dak iti pagbaludan manong,napapatay ko gayam dayjay namalok iti ulo na manong,,"maysaak nga kriminal"kinunkunak iti bukod ko a bagi manong,,
Naglabas iti makalawas a panagtalinaed ko iti pagbaludan manong,ditoy a nariknak iti rigat iti agnaed iti pagbaludan,mangan ka kasla laeng k***n iti pusa,no maturog ka napalalo a bara na,kasta met iti rabii manong kakaasi ak met nga papaken iti lamok,,kasta a kasta manong ket nakitak iti bagik iti dakkel a nagbaliwak,kimmottong nakon iti kasta unay,ngem an a**sak lattan iti rigat ket sakit nan manong,ngem nasaksakit para kaniak manong,nga awan man laeng iti simmarungkar kadagiti kabarkadak,ken kapamilyak manong,,dagiti barkadak nga insalakan ko,dagiti barkadak nga imbilang ko a kakabsat nga sinalaknibak nga isut makaigapu nakabaludak saan dak manla naitured nga kinumusta,ken binisita manong,,napalalalo ti sakit iti nakem ko manong ngem nalpasen,awanen maaramidak,,iti kasakitan manong daydiay kwarta nga usaren koma ni tatang para iti hospital napan ko laeng inggibos iti awan kaes eskan na a banag ken awan kuwenta na a babarkada nga isu pay nakaigapwan pannakakulong ko manong!!!ditoy ko a malagip da tatang ko ken nanang kon kumusta da ngatan?napalalo a pannakariribok iti panunot kon iti daytan a gundaway,,
Ket inan a**sak lattan nga inib ibturan rigat ket tuok manong,pinilit ko a linablabanan dagiti madin a sumsumrek iti panunot ko ta gandatek koma payen iti agpakamatay manong..ngem napanunot ko da tatang ken nanang ko,nga adda iti hospital..
Naglabas pay iti aldaw manong,mangan maturog lattan iti innak ub ubraen iti uneg pagbaludan manong,,ket saan ko a napupuutan makabulan ko gayamen iti pagbaludan manong,..maysa nga aldaw manong nakailadak iti papag ko,ket inayaban nak iti maysa a pulis,,"bumangon ka dta,adda bisitam"kinunana kaniak manong,napalalo ragsak ko iti dayta a nangeg ko manong,,"cguro nakapanunot metla dagiti barkadak nga umay dak bisitaen"kinunkunak iti panunot ko manong,,ket rimwarak garud manong,ket naklaatak manong idi makitak iti bisitak............................
Idi makitak iti bisitak,,,nagbiddotak la gayam manong saan gayam nga dagiti barkadak iti bisitak iti dayta nga aldaw manong teng,,ni TATANG ko nga innak binaybay an iti hospital manong,,saanak a makatimek iti dayta a gundaway manong gapu iti agsisimparat a marikriknak jak maawatan iti riknak gapu iti napalalo nga bain ken buteng ko kenni tatang,,ken jak ammo nu ania iti ibagak ken tatang,,mabutengak manong ta ammok umay nak sidiren ken pagsasawan ni tatang ko gapu kadagiti inar aramid ko manong,,ket nagsinnango kami a nakatakder ken ni tatang manong,agminminata kami a duwa,iti sumagmamano a minuto,,idi bigla nga immasideg kaniak ni tatang ko manong,ket inarakup nak iti kasta unay nga irot na awan pulos mangeg a sao kadakami manong,,dta nga nariknak iti bara iti arakup iti maysa nga ama manong,,iti dayta a gundaway manong,nariknak iti abagak nga adda nabasa,,inin inut ko nga inapiras ti rupa ni tatang ko manong,ket nariknak nga agluluwa ni tatang ko manong,itak laeng a makita ni tatang nga agsangit bayat addan p**t ko manong,,,inarakup ko met iti kasta unay manong,,ket jak metten magawidan dagitoy luwak nga agarubos manipud kadagiti matak manong,,saanak pulos makasao,awan pulos maiyasngaw ko a balikas manong nu di laeng ti sainnek ko nga agsangsangit,,,"anak ko ay ayaten ken ipatpateg ka unay unay"dayta a balikas iti nangeg ko ken tatang bayat nga ar arakupen nak iti nairot ken bayat nga aglullulwa manong,,,kasla nak makurkuryente a makarikrikna iti luwa ni tatang nga agay ayus iti abagak manong,,ken kasla nagsardeng iti pitik ti pusok iti kastoy nga naimatangak manong,,mabibineg ken kasla ak maur uram gapu iti napalalo nga pannaka konsensiyak manong,,malagip kon amin a nagbiddotak,ken amin nga dakes nga innak naar aramidan manong,,"tatang pakawanen nak koma,tatang ko agbabbabawi nak unay kadagiti innak nagbasolan tatang!!! Tatang!!!kooo!!!iti ammok saan nakon nga ipatpateg ken saan nakon a mapakawan iti laksid iti amin nga inub ubrak!!!,,"manipud idi anak,impateg dakan kenni nanang mon,,awan sabali nga pinanpanunot mi nu saan nga iti pagsyaatam anak ko,,"nagbalin ka laeng a bulsek gapu kadagiti pannakatinggar mo iti saan a nasayaat nga inka ar aramiden anak,,ngem saan kami pulos nagkurang iti panagayat kenka,inawat mi amin anak ko"wen gayam tang kumusta ni nanangen!!!???insaludsod ko manong,,nagsennaay a nagdumog ni tatang,,ania tatang kumusta ni nanang!!!sinaludsod ko manen manong,,ladingitek anak,,ngem awanen ni nanang mo!!!natayen!!!hu!huhuhu!!!saan!!!saan a pudno dayta tatang!!!kinunak sako inarakup ni tatang ko manong,,awanen ni nanang ko!!!pakawanen nak nanang ko!!!ay ayaten ka unay unay nanang ko!!!!....sakbay a napugsat anges ni nanang mo anak,,sika laeng sangkabilin na nga sapulen ka,ken pinagkari nak anak ko nga saan ka gurguraen,,ket ipateg ka latta nupay kastoy inub ubram kadakami anak koken inkarik kaniana sakbay a natay"....anian ni nanang ko!!!pakawanen nak nanang ko!!!basol ko iti amin!!! Kinunkunak nga insangsangit manong teng..saan kayo agdanag nanang,tatang agbalbaliwakon... agyamanak anak ko,aramidek iti amin a kabaelak anak tapnu makarwar ka iti pagbaludan tapnu mangabarwanan ta manen nga agbiyag...ket tinapik ni tatang ko iti abagak ket nagisem nga immarakop manen manong teng,,napalalo iti ragsak ko iti dayta a kanito numan pay nasaem iti napaspasamak,kasla naminpinsan a naparot dagiti siit iti barokong ko iti panagriknak manong teng,, "tatang agyamanak unay iti kinasayaat mo nga tao,"ITI LIKODAN ITI NAPUSKOL NGA ULEP"a nangkagay ken simmangbay iti biagko sika tatang iti nangwaknit tapnu masirmatak iti raniag iti namnama,ken masirayak iti kinapintas iti aglawlaw,sika tatang iti nangipakita iti ehemplo ken nangwaknit iti nakullaapan a panunot ko,tapnu makariingak iti kinapudno tatang,,agyamanak iti panangipakitam kaniak iti raniag tapnu mariknak iti agbiag a nasaliwanwan tatang,,"AGYAMANAK KEN IPATPATEG KA UNAY TATANG"
kastan manong teng ket agyamanak iti a**s mo a nangibasa daytoy sinurat ko,,ket sapay koma ta nakaibati iti adal ken pagpanpanunutan kadatayo amin papagayam,,
Ala kastan manong teng ket more powers iti programam a "TENGSFOREVER....
TOY PAGAYAM MO,
RHEY BERNARDINO
