04/07/2026
Daliasat Sinodo | Cluster 4 – Ikatlong Sesyon
Gaya ng itinuro ni Hesus sa Marcos 10:35–44, ang tunay na kadakilaan ay hindi nasusukat sa kapangyarihan o katungkulan, kundi sa mapagkumbabang paglilingkod sa kapwa.
Sa aming ikatlong sesyon ng Daliasat Sinodo, muling nagsama-sama ang mga kabataan, mga opisyal ng barangay, at mamamayan ng Brgy. Aggay, Puspus, Sinabaan, at Cabalangan upang magnilay at magbahaginan ng mga karanasan sa diwa ng pakikinig, pakikibahagi, at sama-samang paglalakbay bilang Simbahan.
Sa pagkakataong ito, ang sesyon ay pinangunahan ng aming Kura Paroko, Rev. Fr. Jerry Avisa, kasama si Brother Christian Periñon, na nagbahagi ng mensahe at paggabay upang higit naming maunawaan ang paanyaya ni Kristo na mamuhay bilang mga lingkod na inuuna ang Diyos at ang kapakanan ng kapwa.
Nawa'y patuloy naming isabuhay ang paanyaya ni Kristo na maging mga lingkod na may pusong mapagkumbaba, handang unahin ang kapakanan ng iba, at tapat na maglingkod nang may pag-ibig at malasakit sa aming pamilya, pamayanan, at Simbahan.
Sa bawat hakbang ng aming paglalakbay bilang isang sinodal na pamayanan, nawa'y manatiling si Kristo ang aming huwaran sa paglilingkod.
📍 Brgy. Aggay Covered Court
