What are the opening hours?

Monday 9am - 5pm Tuesday 9am - 5pm Wednesday 9am - 5pm Thursday 9am - 5pm Friday 9am - 5pm

https://www.facebook.com/611182079355490/

BTECH Singing Ambassadors, 2nd Floor, BMG Building, Barrera Street, Poblacion, Baliuag (2026)

09/08/2026

𝐒𝐔𝐋𝐎: 𝐋𝐀𝐁𝐈𝐍𝐆-𝐖𝐀𝐋𝐎𝐍𝐆 𝐓𝐀𝐎𝐍𝐆 𝐏𝐀𝐆𝐁𝐈𝐁𝐈𝐆𝐀𝐘 𝐓𝐀𝐍𝐆𝐋𝐀𝐖 𝐒𝐀 𝐃𝐀𝐋𝐔𝐁𝐇𝐀𝐒𝐀𝐀𝐍

Isang karangalan para sa BTECH Singing Ambassadors na maging bahagi sa ginanap na Stakeholders’ Night kasabay ng pagdiriwang ng kaarawan ng ating City Administrator, Enrique V. Tagle kagabi, sa Baliuag South Central School.

Sa pamamagitan ng kanilang natatanging pagtatanghal, buong husay na ipinamalas nina G. John Cedrick Cruz, G. John Michael Vergara, G. John Lloyd Pascual, G. Rafael Botuna, at Bb. Jhamela Ledesma ang talento at pagmamahal sa musika na patuloy na nagbibigay-buhay sa layunin ng BTECH Singing Ambassadors—ang maglingkod at maghatid ng saya at inspirasyon sa pamamagitan ng awit.

Higit pa sa isang pagtatanghal, ang gabing ito ay naging pagkakataon upang ipagdiwang ang makabuluhang gabi ng pagpapahalaga, pakikipag-ugnayan, at pagkakaisa.

𝐊𝐮𝐡𝐚 𝐧𝐢𝐧𝐚: John Lloyd Pascual, at PITIKHENYO

06/08/2026

𝐌𝐀𝐋𝐔𝐆𝐎𝐃 𝐍𝐀 𝐏𝐀𝐆𝐁𝐀𝐓𝐈 𝐒𝐀 𝐌𝐆𝐀 𝐁𝐀𝐆𝐎𝐍𝐆 𝐓𝐀𝐋𝐀𝐆𝐀𝐍𝐆 𝐆𝐔𝐑𝐎𝐍𝐆 𝐌𝐀𝐆-𝐀𝐀𝐑𝐀𝐋! 🎉📚

Isang mainit na pagbati kina G. Rafael Botuna, Bb. Jhamela Ledesma, at G. Wesley Salas na opisyal nang naitalaga bilang mga Gurong Mag-aaral.

Ang pagkilalang ito ay bunga ng inyong sipag, dedikasyon, at walang sawang pagsisikap sa pag-abot ng inyong mga pangarap. Nawa'y magsilbi itong panibagong inspirasyon upang ipagpatuloy ninyo ang pagbabahagi ng inyong kaalaman, talento, at mabuting halimbawa, sa loob man ng silid-aralan o sa entablado.

Buong pagmamalaki naming ipinagdiriwang ang inyong tagumpay. Nawa'y patuloy kayong maging ilaw at inspirasyon sa marami, habang isinasabuhay ang puso ng isang tunay na gurong mag-aaral at alagad ng sining.

Muli, taos-pusong pagbati sa inyong tagumpay!

Mula sa inyong pamilya, BTECH Singing Ambassadors 💙

05/08/2026

𝐈𝐒𝐀𝐍𝐆 𝐓𝐀𝐎𝐒-𝐏𝐔𝐒𝐎𝐍𝐆 𝐏𝐀𝐆𝐁𝐀𝐓𝐈! 🥇✨
‎
‎Buong pagmamalaki at taos-pusong pagbati kay Bb. Jhamela S. Ledesma sa pagkamit ng Kampeonato sa Makabayang Awit Buwan ng Wika 2026!
‎
‎Ang iyong husay, dedikasyon, at pagmamahal sa musika ay nagbunga ng tagumpay na nagpapatunay na isa kang mahusay na mang-aawit ng Dalubhasaan.
‎
‎Sa loob ng tatlong magkakasunod na taon, ang BTECH Singing Ambassadors ay patuloy na nagdadala ng karangalan sa pag-uuwi ng kampeonato sa Makabayang Awit. Mula sa makasaysayang tagumpay ni John Michael Vergara noong 2024, na ipinagpatuloy ni Rafael Nino Botuna noong 2025. At ngayong 2026, ay muling nakamit ni Bb. Jhamela S. Ledesma ang tagumpay. Isang napakagandang patunay na ang dedikasyon, tiyaga, at pagmamahal sa musika ay patuloy na namamayani sa BTECH Singing Ambassadors.
‎
‎Patuloy nawa kayong maging inspirasyon sa mga susunod pang henerasyon ng mga mang-aawit. Salamat sa pagdadala ng karangalan at sa pagpapatunay na ang sipag, disiplina, at puso sa bawat pag-awit ay nagbubunga ng tagumpay.
‎
‎Muli, binabati ka namin, Jhamela!

Mula sa iyong pamilya, BTECH Singing Ambassadors 🩷💜

Dibuho ni: John Cedrick Cruz, Former President

30/07/2026

𝐈𝐊𝐀𝐓𝐋𝐎 𝐀𝐓 𝐈𝐊𝐀𝐀𝐏𝐀𝐓 𝐍𝐀 𝐒𝐄𝐒𝐘𝐎𝐍: 𝐈𝐊𝐀-𝟏𝟕 𝐓𝐀𝐔𝐍𝐀𝐍𝐆 𝐏𝐀𝐆𝐓𝐀𝐓𝐀𝐏𝐎𝐒 𝐍𝐆 𝐃𝐀𝐋𝐔𝐁𝐇𝐀𝐒𝐀𝐀𝐍𝐆 𝐏𝐎𝐋𝐈𝐓𝐄𝐊𝐍𝐈𝐊𝐎 𝐍𝐆 𝐋𝐔𝐍𝐆𝐒𝐎𝐃 𝐍𝐆 𝐁𝐀𝐋𝐈𝐖𝐀𝐆

Sa isang makabuluhang pagdiriwang ng tagumpay at bagong simula, buong pusong nag-alay muli ng musika ang BTECH Singing Ambassadors bilang bahagi ng Ika-17 Taunang Pagtatapos ng Dalubhasaang Politekniko ng Lungsod ng Baliwag.

Sa bawat awiting inawit, hangad naming maging bahagi ng paggunita sa bunga ng inyong pagsisikap at maging inspirasyon sa inyong paglalakbay tungo sa panibagong yugto ng buhay.

Nawa'y manatiling gabay ang inyong mga pangarap, at magsilbing inspirasyon ang inyong tagumpay sa marami pang mag-aaral.

Muli, taos-pusong pagbati sa lahat ng nagsipagtapos ng Batch 2026! 🎓

28/07/2026

𝐔𝐍𝐀𝐍𝐆 𝐒𝐄𝐒𝐘𝐎𝐍: 𝐈𝐊𝐀-𝟏𝟕 𝐍𝐀 𝐓𝐀𝐔𝐍𝐀𝐍𝐆 𝐏𝐀𝐆𝐓𝐀𝐓𝐀𝐏𝐎𝐒 𝐍𝐆 𝐃𝐀𝐋𝐔𝐁𝐇𝐀𝐒𝐀𝐀𝐍𝐆 𝐏𝐎𝐋𝐈𝐓𝐄𝐊𝐍𝐈𝐊𝐎 𝐍𝐆 𝐋𝐔𝐍𝐆𝐒𝐎𝐃 𝐍𝐆 𝐁𝐀𝐋𝐈𝐖𝐀𝐆

Sa Ika-17 na Taunang Pagtatapos ng mga mag-aaral sa aming Dalubhasaan, muli naming inialay nang buong puso ang aming tinig para sa mga bagong hanay ng magsisipagtapos. Ito ay patunay ng katatagan, pagpupursigi, pananalig sa Diyos, at sariling kakayahan.

Ang BTECH Singing Ambassadors ay lubos na nakikiisa sa inyong tagumpay, dala ang mga awiting sumasalamin sa saya, pasasalamat, at pag-asa para sa susunod na hakbang ng inyong paglalakbay.

Mula sa unang araw ng pagsisikap na makamit ang inyong mga pangarap, hanggang sa sandaling ito ng pagdiriwang—kami'y buong pusong bumabati.

28/07/2026

𝙆𝙐𝙉𝙂 𝘼𝙆𝙄𝙉𝙂 𝙐𝙐𝙇𝙄𝙏𝙄𝙉 𝙄𝙏𝙊𝙉𝙂 𝙈𝘼𝙃𝘼𝘽𝘼𝙉𝙂 𝘽𝙔𝘼𝙃𝙀, 𝙒𝘼𝙇𝘼 𝘼𝙆𝙊𝙉𝙂 𝘽𝘼𝘽𝘼𝙂𝙐𝙃𝙄𝙉 𝙉𝙄 𝙄𝙎𝘼𝙉𝙂 𝘿𝙀𝙏𝘼𝙇𝙔𝙀~

Sa bawat larawan, isang kwento ng pangarap, pagsisikap, at tagumpay ang nabubuhay.

Isang pagpupugay sa ating mga nagsipagtapos na kasapi ng BTECH Singing Ambassadors na patuloy na magdadala ng kanilang himig saan man sila dalhin ng kanilang mga pangarap.

𝐊𝐮𝐡𝐚 𝐧𝐢: Adriane Gonzales

28/07/2026

'𝙎𝘼𝙉 𝙈𝘼𝙉 𝙏𝘼𝙔𝙊 𝙃𝙄𝙋𝘼𝙉 𝙉𝙂 𝘼𝙈𝙄𝙃𝘼𝙉, '𝘿𝙄 𝙄𝙋𝘼𝙂𝙋𝘼𝙋𝘼𝙇𝙄𝙏 𝘼𝙉𝙂 𝙋𝘼𝙂𝙆𝘼𝙆𝘼𝙄𝘽𝙄𝙂𝘼𝙉~

May mga paglalakbay na hindi nasusukat sa haba ng panahon, kundi sa mga pusong nabago at mga alaalang iniwang kailanman ay hindi malilimutan.

Sa loob ng mga taong magkasama nating hinubog ang bawat tinig, natutunan nating ang musika ay hindi lamang inaawit—ito'y isinasabuhay. Sa bawat tagumpay, kabiguan, tawanan, at pagod, lalo ninyong pinatunayan na ang pagiging bahagi ng 𝗕𝗧𝗘𝗖𝗛 𝗦𝗶𝗻𝗴𝗶𝗻𝗴 𝗔𝗺𝗯𝗮𝘀𝘀𝗮𝗱𝗼𝗿𝘀 ay higit pa sa pag-awit; ito'y naging tahanan, pamilya, at pangarap na sabay-sabay nating binuo.

Ngayon, panahon na upang buksan ninyo ang panibagong kabanata. Dalhin ninyo ang mga aral, alaala, at himig na minsang nagbuklod sa atin. At saan man kayo dalhin ng inyong mga pangarap, nawa'y manatili sa inyong puso ang tinig ng tahanang minsang yumakap sa inyo.

Patuloy lamang sa paglipad, sapagkat ang tunay na layunin ng bawat pakpak ay ang marating ang mas malawak na kalangitan.

Maraming salamat sa pagiging bahagi ng aming kwento. Hanggang sa muli nating pagkanta.

Para sa aming mga nagsipagtapos, Batch 2026—𝒊𝒑𝒊𝒏𝒂𝒈𝒎𝒂𝒎𝒂𝒍𝒂𝒌𝒊 𝒏𝒂𝒎𝒊𝒏 𝒌𝒂𝒚𝒐.

𝐌𝐀𝐍𝐀𝐍𝐀𝐓𝐈𝐋𝐈𝐍𝐆 𝐁𝐀𝐇𝐀𝐆𝐈 𝐍𝐆 𝐓𝐈𝐍𝐈𝐆 𝐍𝐆 𝐈𝐈𝐒𝐀𝐍𝐆 𝐇𝐈𝐌𝐈𝐆!

𝐌𝐮𝐬𝐢𝐤𝐚: "Saranggola" Ben&Ben
𝐏𝐚𝐧𝐠𝐤𝐚𝐭 𝐧𝐠 𝐏𝐫𝐨𝐝𝐮𝐤𝐬𝐲𝐨𝐧: Rhei Mharv Berania, Raven Luigi Cruz, at Mikohiro Latrell Eliscopides
𝐒𝐚 𝐃𝐢𝐫𝐞𝐤𝐬𝐢𝐲𝐨𝐧 𝐧𝐢𝐧𝐚: John Cedrick Cruz at Adriane Gonzales
𝐈𝐧𝐢𝐡𝐚𝐧𝐝𝐚 𝐧𝐢: John Cedrick Cruz

27/07/2026

𝐌𝐈𝐒𝐀𝐍𝐆 𝐁𝐀𝐂𝐂𝐀𝐋𝐀𝐔𝐑𝐄𝐀𝐓𝐄 𝐏𝐀𝐑𝐀 𝐒𝐀 𝐌𝐆𝐀 𝐌𝐀𝐆𝐒𝐈𝐒𝐈𝐏𝐀𝐆𝐓𝐀𝐏𝐎𝐒 𝐍𝐆 𝐊𝐎𝐋𝐄𝐇𝐈𝐘𝐎 𝐁𝐀𝐓𝐂𝐇 𝟐𝟎𝟐𝟔

Nakiisa ang BTECH Singing Ambassadors kabilang ang mga bagong miyembro nito sa misa ng pasasalamat ng mga magsisipagtapos sa kolehiyo ng Dalubhasaang Politekniko ng Lungsod ng Baliwag, na ginanap sa Diocesan Shrine and Parish of Saint Augustine.

Sa pamamagitan ng kanilang mga tinig, naging bahagi sila ng isang makabuluhang pagdiriwang ng pananampalataya sa Diyos, pasasalamat sa mga biyaya, gabay, at lakas na natanggap ng bawat mag-aaral sa kanilang paglalakbay.

𝐏𝐚𝐠𝐛𝐚𝐭𝐢, 𝐁𝐚𝐭𝐜𝐡 𝟐𝟎𝟐𝟔! 🎓✨

24/07/2026

𝗕𝗦𝗔 𝗚𝗢𝗟𝗗𝗘𝗡 𝗘𝗥𝗔: 𝗧𝗛𝗘 𝗚𝗢𝗟𝗗𝗘𝗡 𝗕𝗔𝗧𝗖𝗛

May mga tinig na nililikha lamang ng panahon, ngunit may mga tinig na nagiging bahagi ng kasaysayan.

Sa ating mga magsisipagtapos, kayo ang naging salamin ng isang henerasyong nagbigay ng bagong kulay, bagong sigla, at bagong pag-asa sa 𝗕𝗧𝗘𝗖𝗛 𝗦𝗶𝗻𝗴𝗶𝗻𝗴 𝗔𝗺𝗯𝗮𝘀𝘀𝗮𝗱𝗼𝗿𝘀. Kayo ang mga tinig na hindi lamang umalingawngaw sa bawat himig na ating inawit, kundi maging sa bawat pusong inyong naantig at bawat pangarap na inyong binigyang-buhay.

Hindi matutumbasan ang bawat sandaling inialay ninyo sa samahan—ang mga gabing ginugol sa walang sawang pagsasanay, ang mga pagtatanghal na isinabuhay ninyo nang buong puso, at ang mga pagsubok na hinarap ninyo nang may tibay ng loob at pagkakaisa. Ang bawat tagumpay na ating ipinagdiwang ay hindi lamang bunga ng talento, kundi ng pag-ibig na kusang inihandog ninyo para sa sining, sa ating Dalubhasaan, at sa samahang inyong tinuring na tahanan.

Kayo ang bumuo ng 𝗕𝗦𝗔 𝗚𝗼𝗹𝗱𝗲𝗻 𝗘𝗿𝗮: 𝗧𝗵𝗲 𝗚𝗼𝗹𝗱𝗲𝗻 𝗕𝗮𝘁𝗰𝗵—isang henerasyong nag-iwan ng pamana na hindi masusukat ng mga tropeo, medalya, o palakpak. Ang tunay ninyong iniwan ay ang mga pagpapahalagang magpapatuloy na maging gabay sa mga susunod pang tinig na hahalili sa inyong sinimulan.

Sa inyong pagharap sa panibagong yugto ng buhay, dalangin naming maging kasintatag ng inyong mga pangarap ang mga aral na inyong natutuhan, at maging kasinlinaw ng inyong mga tinig ang layuning inyong tatahakin.

Maaaring ito na ang inyong huling pag-awit bilang mga aktibong kasapi ng 𝗕𝗧𝗘𝗖𝗛 𝗦𝗶𝗻𝗴𝗶𝗻𝗴 𝗔𝗺𝗯𝗮𝘀𝘀𝗮𝗱𝗼𝗿𝘀, ngunit kailanman ay hindi ito magiging wakas ng inyong pagiging bahagi ng ating pamilya. Ang inyong pangalan ay mananatiling nakaukit sa kasaysayan ng samahan, at ang inyong mga tinig ay patuloy na maririnig sa bawat himig na ating ipagpapatuloy.

Maraming salamat sa paglikha ng isang panahong tunay na maipagmamalaki.

𝗠𝗮𝗿𝗮𝗺𝗶𝗻𝗴 𝘀𝗮𝗹𝗮𝗺𝗮𝘁, 𝗕𝗦𝗔 𝗚𝗼𝗹𝗱𝗲𝗻 𝗘𝗿𝗮: 𝗧𝗵𝗲 𝗚𝗼𝗹𝗱𝗲𝗻 𝗕𝗮𝘁𝗰𝗵

𝑨𝒏𝒈 𝒎𝒈𝒂 𝒂𝒘𝒊𝒕𝒊𝒏 𝒂𝒚 𝒎𝒂𝒂𝒂𝒓𝒊𝒏𝒈 𝒎𝒂𝒕𝒂𝒑𝒐𝒔, 𝒏𝒈𝒖𝒏𝒊𝒕 𝒂𝒏𝒈 𝒎𝒈𝒂 𝒑𝒖𝒔𝒐𝒏𝒈 𝒎𝒊𝒏𝒔𝒂𝒏𝒈 𝒑𝒊𝒏𝒂𝒈-𝒊𝒔𝒂 𝒏𝒈 𝒊𝒊𝒔𝒂𝒏𝒈 𝒉𝒊𝒎𝒊𝒈 𝒂𝒚 𝒎𝒂𝒏𝒂𝒏𝒂𝒕𝒊𝒍𝒊𝒏𝒈 𝒎𝒂𝒈𝒌𝒂𝒌𝒂𝒖𝒈𝒏𝒂𝒚 𝒎𝒂𝒈𝒑𝒂𝒌𝒂𝒊𝒍𝒂𝒏𝒎𝒂𝒏.

𝐌𝐀𝐍𝐀𝐍𝐀𝐓𝐈𝐋𝐈𝐍𝐆 𝐁𝐀𝐇𝐀𝐆𝐈 𝐍𝐆 𝐓𝐈𝐍𝐈𝐆 𝐍𝐆 𝐈𝐈𝐒𝐀𝐍𝐆 𝐇𝐈𝐌𝐈𝐆!

𝐃𝐢𝐛𝐮𝐡𝐨 𝐧𝐢: John Cedrick Cruz, Outgoing President

BTECH Singing Ambassadors

09/08/2026

06/08/2026

05/08/2026

30/07/2026

28/07/2026

28/07/2026

28/07/2026

27/07/2026

24/07/2026

Address

Opening Hours

Website

Alerts

Shortcuts

Share

Category

Listing takedown request

Monday	9am - 5pm
Tuesday	9am - 5pm
Wednesday	9am - 5pm
Thursday	9am - 5pm
Friday	9am - 5pm