19/05/2025
Kung Kailan Nagkalayo
Kung kailan lumayo, doon kita hinanap,
Anong hiwaga ang sa iyo'y nahagap?
Puso ko'y sabik, tanging ikaw ang hanap,
Isip ay ligaw, di maunawa ang ganap.
Sa bawat ngiti mo, ako'y nabibihag,
Sa iyong mata, ganda ang lumalagablab.
Sa mundong mapait, ikaw ang liwanag,
Sa gulo ng mundo, sa'yo'y payapang himig.
Kahit isang sulyap, pananabik ay 'di mapigil,
Kahit di kausap, halakhak mo'y musika sa pandinig.
Kahit di matingnan, presensya mo'y mahalagang tinig,
Ako'y patuloy na hahanga, irog kong binibini.
Sa maikling sandali na ika'y nakasama,
Ligaya'y umapaw, ika'y nakilala.
Batid ng puso, ikaw ang pinapangarap ko sinta,
Ngunit ang tadhana, landas nati'y di magkasama.
-puff
