https://www.facebook.com/120221389891528/

LathaLers, Amulung (2026)

14/07/2024

SPOKE #19

"MAY PAG-ASA BA?"
(May Eksaktong Rason at Oras na Nakalaan)

Nagsimula ang lahat sa pangyayaring di ko inaasahan,
Yung tipong ikaw ay simpleng tao lang ngunit ako'y nabihag mo ng tuluyan
Saktong patapos na ako sa Senior High School noon,
Nang biglang nasilayan ko ang kakaibang katangian na ika' y mayroon.

Biglang naduwag, umurong at natigil ang lahat,
Baka kasi malaman ng mga kaibigan ko at ng mga tao ang nais ko sanang ipagtapat
Pansamantalang huminto ang aking paghangang naramdaman,
Nung ang pag-ibig ko'y naibaling sa ibang binibini at ninais ko siyang ligawan.

Tunay nga na ang lahat ay minsa'y may hangganganan,
Panahong pinatigil akong manligaw ng hindi ko manlang napaghandaan
Simula nun, nasabi ko sa sarili ko na huwag na muna at pahinga na muna sa ganito,
Na hindi na muna ako tatablan sa kahit sinong babaeng makikita at makikilala ko.

Nagdaan ang ilang mga buwan, araw at linggo,
Pagkakataong nasanay at kampante na ang kalmadong lagay ng aking puso
Muli kitang nakita sa isang maingay na lugar kung saan lahat ng tao ay nagsasaya,
Pasimple akong gumawa ng paraan sa mga oras na iyon para lamang mapalingon kita.

Malakas ng kutob kong umaayon talaga saakin ang panahon,
Dahil narin sa malakas na pananalig at pagtitiwala ko sa Panginoon
Nagpatuloy ang lahat dahil sa hindi ko napigilang pagkuwento sa iba ang mga tungkol sayo,
Na siya namang naging bunga upang ang lahat ng iyon ay makarating at malaman mo

Sa mundong dinami-rami ang nagkalat at nag-uusbungang haka-haka
Inamin mong sa una'y hindi ka naniniwala at iniisip mong imposible talaga
Tanong sa iyong isipan na kung papaano at kung kelan pa nagsimula,
Ako rin naman ehh, hindi ko rin maipaliwanag at inaasahan ng sobra.

Umabot narin ang lahat maging sa social media,
Mga malalapit na kakilala ko'y nakakahalata at mine-mentioned ka na nga
Kinakabahan at nahihiya na ako kasi baka may ginagawa ka at naiistorbo
Ngunit sa pinaka-espesyal na araw ni Kristo,
Hindi na ako nagdalawang isip pa na galawin na ang baso.

Walang alinlangang iparating sayo sa mga oras na iyon ang pagbati ko,
Pati narin ang mga salitang atat na atat kong bigkasin sayo
Ilang minuto ang nakalipas nakita at nabasa mo na ang lahat-lahat
Iyon ang unang gabing nagkausap tayo na sana'y noon pa pala dapat.

Hindi gaanong nagtagal ang ating unang usapan,
Ikaw ay nagdalawang isip sa mga pangyayari dahil nga biglaan
At ako nama'y naduwag muli dahil sa iisipin at opinyon ng ibang tao
Ngunit aking napagtanto,
Na para saan pa na sinabi kong ikaw ang aking gusto kung susuko agad ako.

Ngunit hinayaan muna kita upang gawin ang lahat ng pinagkakaabalahan mo,
Ngunit di ko maiwasang tanungin ka sa mga taong nakakasama at pinagkakatiwalaan mo
Ako naman noo'y nagpokus muna sa mga bagay na nakakapagpasaya saakin,
Ang mga naganap at nalaman ay isinantabi muna natin
Kaya't ang sitwasyon ay bumalik sa normal at simula,
At ang lahat ay ipinagkatiwala nalamang sa salitang "bahala na muna".

Grabe talaga magbiro at gumawa ang tadhana ng sinasadyang paraan,
Sa isang malaking kaganapan muli tayong nagkita at nagkausap nanaman
Ngunit sa mga pagkakataong iyon, nasabi mong ako na'y may napatunayan,
May mga pangyayari naman talaga na mas masaya kapag di inaasahan at napagplanuhan.

Mula noon, hanggang ngayon kausap parin kita,
Nasabi mong hindi natin hawak ang kinabukasan kaya't atin munang ipagkakatiwala
Sa ngayon dun muna tayo sa salitang "bahala na muna"
Hangga't dumating sa pinaka-hihintay na araw na talagang sigurado na talaga.

REQUEST BY; Sir Clouds
~sundayramirezlericka❤️

28/10/2023

SPOKE #18

"IKAW NA NGA TALAGA"
(Hindi ako alam katapusan ng UNIVERSE pero
alam ko ang simula, "U, N, I")

Ang sabi nila kapag nahulog ka na ng tuluyan,
Palagi mong tinititigan at binabanggit ang kanyang ngalan
Yung tipong hinahanap mo nakatingin na pala sayo,
Pero huwag kang mangamba marami man sila pangako ikaw lang talaga.

Maraming iba na pupuwede sana pero...
Ang mata at pokus ko sayo lang interesado
Aminin ko man sayo ngunit may takot at pangamba
Na baka kapag ako'y handa na at may sagot na
Tsaka mo naman mahahanap sa iba ang tunay mong na saya.

Nawawalan kaman ng pag-asa saakin,
Hayaan mo't pagdating ng tamang oras at araw ika'y papalarin
Andaming iba pero ikaw lang talaga,
Marami namang pwede sana pero hindi ikaw sila.

Pansin ko mga bagay na ginagawa at binabanggit mo,
Dinadaan mo lamang sa biro para hindi ko matanong ng seryoso
Kasi minsan nagtataka na ako kung seryoso ka talaga,
Ehhh aba malay ko bang nararamdaman mo ay totoo talaga.

Minsan ako'y naguguluhan at nalilito,
Kahit pa halatado kana at di kumikibo
Ano ba kasing nakain mo at ba't biglaang ako,
Iniisip ko tuloy na baka bored kalang siguro.

Marami mang darating at aking makikilala,
Pangako sayo kahit andiyan sila ikaw lang talaga
Sa hindi inaasahang pagkakataon at nakilala ko ang tulad mo,
Bagay na hindi ko kailanman malilimutan buong buhay ko.

Umaasa ako na nga pangako mo'y iyong paninindigan,
Hirap pa naman ako magbalik ng tiwalang nasayang
Baka kasi eme eme mo lang yan,
Kaya ako itong patawa-tawa lang at kunwari hindi ko alam.

Pangako kong paninindigan at magtitiwala ako,
Sa nakikala kong tulad mo ngayon at hanggang dulo
Pano ba kasi magawang iwasan at limutin ka,
Kung ang tulad mo saakin sa hindi inaasahan ay mapapatawa mo ng sobra.

Anonymously Requested..
~sundayramirezlericka❤

15/07/2023

Happy Birthday Admin!
Lathalers family is very much proud and blessed having such a Makata like you!

01/05/2023

SPOKE #17

PASENSIYA KANA'T ETO LANG AKO

Noon paman, gustong gusto na kitang iwasan!,
Hindi tayo para sa isa't isa intindihin mo naman
Magkaibang magkaiba tayo ng mundo,
Hindi ko malaman laman pano at kelan tayo magkakasundo
Gustuhin ko mang sayo'y magtungo,
Hindi ko masimasimulan maski ang plano ko sayo.

Pilitin mo mang ipagsiksikan ang iyong nararamdaman,
Oo puso'y maluwang, dahil sayo lang naman ito nakalaan
Ngunit hindi pupuwedeng ipilit ng ganun ganun nalang,
Dahil sa huli parehas lang din tayong masasaktan.

Nagmamahalan man tayong dalawa,
Tipong mga mata natin ang siyang nagpapahalata
Nagmamahalan ng tayong dalawa lamang,
Yung hindi alam ng iba at tayo lang nakakaalam.

Malabo pa sa malabo ang patutunguhan ng pagtinging ito,
Hindi naman natin pupuwedeng sabihing mayroon nang "tayo"
Dahil sa mata lang tayo nagkakatagpo
At sa barkada kolang sinasabi ang nais kong malaman mo.

Siguro sa ngayon kumapit muna tayo sa tamang oras at panahon,
Tipong lahat tanggap tayo sa ating magiging relasyon
Yung tipong walang anumang hadlang sa paligid,
Habang parehas nating pinaparamdam sa isa't isa ang ating pag-ibig.

Mga plano na talagang itutuloy panghabang buhay,
Mga pangakong matutupad peksman hanggang mamatay
Mga salitang "iniibig kita" na tagos na tagos sa puso,
Mga samahan na walang anumang balakit kahit sino.

Sa ngayon, okay na muna siguro tohh,
Yung basta may matawag na kaibigan ko
Pero huwag nating balewalain ang ating plano't pangako,
Na tayo lang talaga, ako at ikaw hanggang dulo.

Sa ngayon hahayaan muna kita,
Wala naman akong karapatan upang protektahan at pagbawalan ka
Lumayo at lumipad ka hangga't saan mo gusto,
Ngunit huwag mong kakalimutang bumalik sa piling ko.

Kaibigan man ang ating pansamantalang tawagan,
Hanggang sa mata at kilos nalang muna tayo magpansinan
Sa ngayon, didistansiya pa ako kasi halatang malabo malabo,
Pero pangako, lalapit at lalapit panahong pupuwede na ang salitang "tayo".

Sapat na muna na hanggang titigan at palihim na tinginan,
Basta't masisigurado kong palagi kalang nariyan,
Kakalimutan muna sana kita,
Problema lang, wala ehh palagi kitang nakikita.

Isasantabi ko lang muna ang nararamdaman ko,
Itatago pansamantala ang nakareserbang puso ko
Sana'y ganun din ako sayo,
Dahil nakalaan ang tulad mo sa nagiisa kong puso.

Ganto nalang muna tayo,
Yung normal lang pero walang nagbabago
Kesa naman sa ipilit natin ehhh hindi pa naman pupuwede,
Sa tamang oras at panahon muna tayo kailangang demepende.

Ngunit huwag kang mag-alala halata ko ang mga ginagawa mo para saakin,
Agad ko ring nahahalata ang pasulyap at palihim mong tingin
Sabihin at isipin mo mang binabalewala lang kita,
Hayy nako, pwes nagkakamali ka!
Akala ko pa naman genius ka?
Ehhh bakit hindi mo naiisip na naappreciate na kita.

Yun ngalang may mga bagay na nagbabago talaga,
Ngunit excempted ka dun, huwag kang mag-alala
Nakakalungkot lang na baka mapunas ng tuluyan ang iyong nararamdaman
Kasi darating ang araw na magkakalayo nalang tayo ng tuluyan.

Napakaprofessional mo naman kasi gumalaw,
Kaya hindi ako makaporma porma sayo kahit anong araw
Tsaka siyempre nakakahiyang lumapit sa tulad mo,
Tipong tinginan mo palang ay kinakabahan at pinagpapawisan na ako

Magkaibang magkaiba tayo ng mga tipo ng tao,
Hindi rin natin natiyetiyempohan ang mga parehas nating gusto
Ngunit may mga bagay ding parehas nating alam kaya biglang nagkakatinginan,
Siguro mga bagay na parehas natin talagang nagugustuhan

Hindi ko maipapangakong mahaba pa ang ating magiging samahan,
Hindi natin alam kung hanggang saan pa mananatili ang ating nararamdaman
Ngunit rerespetuhin ko kung naghihintay ka ng kung pwede na ba,
Kasi baka lalayo na ako panahong handa kana talaga.

Sabi Vice Ganda, kapag hindi mo na nakikita o nakakasama ang isang tao,
Yun yung panahong maglalaho na ang nararamdaman mo
Kaya dun mo masusukat talaga kung tunay yang tao nasa iyong puso,
Kapag panahong wala nang pag-asa pa para sabihin at iparamdam mo.

Kaya't sige hintayin mo lang ang araw kung kelan nang pwede na,
Hindi kasi natin masigurado kung kailan pwede pa
Baka kasi lahat lahat ay biglang magbago at maglaho,
Kapag malayong malayo na sayo ang taong gustong gusto mo.

At baka may mas makilala kapa kapag wala na ang isang tao,
Isang magiging patunay na baka pansamantala lamang yang nararamdaman mo
Alam mo kung pano mo mapapatunayan na tunay nga talaga?,
Kapag hanggang ngayon nananatili paring siya.

REQUESTEDAND
SLIGHTLYINSPIREDBY; Ms. Mylene Gorospe
~sundayramirezlericka

01/05/2023

You guys can suggest/request any poem topic or title if you want DON'T HESITATE TO COMMENT, muahhhps viva voce!.
~the owner

01/05/2023

SPOKE #16

"MAGHIHINTAY AKO HANGGANG SAAN
MAN ITO PATUTUNGO"

Isang anghel sa langit na bumaba sa lupa,
Hindi ko mawari mula ulo hanggang paa
Tisay at labis ang kagandahan,
Pagkakita ko'y ako'y napagulantang
Mundo'y biglang nanahimik at unti-unting bumagal,
Nararamdaman ng puso ko'y oras na upang itanghal.

Kay perpekto mo kahit sa alinmang anggulo,
Kaya pagtabi-tabi ko sayo'y aking lubos na plinaplano
Tinitiis ang mga asungot na umaalid-aligid sayo,
Na siyang nagiging hadlang sa mga pagkakataon ko sana sayo.

Nagtutulugtulugan man ako minsan,
Huwag kang mag-alala palihim naman kitang tinititigan
Madalang man ang aking presensiya sa loob ng klase,
Dala-dala ko naman minu-minuto ang aking bente
Na sa mga araw na hindi ako pumapasok,
Loyalty at isipan ko'y sayo lang naman nakatutok.

Crush palang noon kita..loyal na ako,
Papaano pa kaya kapag sinagot mo na ako
Baka mga mata ko'y sayo lang ang tanging magiging direksiyon,
Pati na ang puso't isipan ko'y sayo lang itutuon.

Palagi akong nakaaligid saan kaman pumunta,
Kinakatakot kong baka lumingon ka sa iba
Binibitbit ko ang lahat ng mga gamit mo pauwi,
Nagbabakasakaling ako ang iyong mapipili sa huli
Dumadalaw-dalaw sa inyong bahay araw-araw,
Hindi kasi mapakali kapag nawawala ang nagiisang ikaw.

Naiintindihan ko kung hanggang ngayon hindi kapa handa,
O di kaya naman handa kana ngunit nagpapakipot kapa
Hayaan mo nandito lang naman ako sa tabi mo,
Sa oras na kailangan at kaya mo nang mahalin ang tulad ko.

Binabantayan kita kahit saan,
Sa ere huwag mo din naman akong iiwan
Tatanggapin ko lahat ng mga bagay na ayaw mo saakin,
Well, kaya kong magbago hanggang kaya mo narin akong angkinin
Hindi naman ako nagiging makasarili,
Pinaninindigan ko lang naman kung ano ang puso kong siya ang pinipili
Depende na sayo kung hindi parin ako nagiging sapat,
Atensiyon at pokus ko sayo lang naman palagi itatapat.

Rerespetuhin kita sa magiging desisyon mo,
Kung kikilalanin mo pa ako ng mas husto
Sanay huwag kalang makakalimot,
Hinihintay ko ang oras kung kelan mo narin ako ipagdadamot
At sana'y pagtingin ko'y huwag mong balewalain,
Dahil kahit sino mang balik ikaw ang tangi kong pipiliin.

Masaya na ako sa paraan na hindi mo ako linalayuan,
Bawat pagiging clingy ko balikat mo'y saakin mo nilalaan
Hindi ko paman din nahahawakan ang iyong mga kamay,
Sa puso't isipan ko'y pangalan mo lang tanging nakalagay.

Ang hirap pala nohhh
Tipong naghihintay palang nasasaktan na,
Hayaan mo't malapit na kitang makuha
Huwag mo lang naman mas patagalin masyado,
Sapagkat atat na ata na ang pusko kong ito.

REALSTORYINSPIREDBY; Mr. Bernan Estrada
~sundayramirezlericka

04/02/2023

SPOKE #15

SANAY HINDI NALANG PALA
("mananatili bang ikaw, o bibitaw?")

Oo inaamin kong kay bilis kong nahulog,
Sayo, na ang puso kong ito nuo'y iyong hinubog
Ewan ko ba kung kelan to nagsimula
Ahhh basta ang alam ko,
Nahulog nalamang ako sayo ng wala sa oras at minuto.

Hanggang sa isang araw,
Sa inyo'y nais ko sanang dumalaw
Ngunit malaking pigil at katanungan sa aking isipan,
Handa ka ngaba kung sakaling ipagtatapat ko ang aking nararamdaman?.

Araw-araw palagi kitang tinititigan at tinatanaw,
Hanggang ngayon kasi nananatili paring ikaw
Isipan ko'y dumating sa punto na, nais bumitaw,
Ngunit puso ko'y nananatili paring ikaw ang isinisigaw.

Umaasa ako kasi ramdam kong parang may something,
Dahil sa lakas ng heartbeat ko at breathing
Pero diko naman akalain,
Na magiging sadboy ako ng wala sa timing.

Inaamin kong kasalanan ko
Grabe naman kasi ang mga motibong ipinapakita mo,
Pinatagal ko lang naman, dahil nais kong manigurado
Hanggang sa dumating sa di inaasahang punto,
May mas nauna pala kesa sa tulad ko.

Bawat paglapit ko'y nandiyan siya,
Nararamdaman ko na kung hanggang saan lang talaga
Tunay nga ang sabi ni Maam Zebby
Di porket ikaw ang nandiyan palagi,
Ehhh ikaw ang pipiliin sa huli.

Yung tipong lahat ng pagkukulang ng nauna,
Ako ang palaging bumubuo at nagpupuna
Ngunit hanggang dun lang pala dapat,
Dahil kahit anong gawin ko'y hindi parin magiging sapat.

Hanggang dito nalang siguro ang kuwentong ito,
Ngayon ako'y kusang lumalayo alang-alang sa salitang RESPETO
Ngunit sana
Hilingin mo din namang makahanap ako,
Yung tipong malayong malayo sa tulad mo.

REALSTORYINSPIREDBY; Mr. Nestor Martin

-sundayramirezlericka

04/02/2023

"TIGIL NA"
(sumobra sa Respeto, kinulang sa Pagiging Totoo)

Sa dinami-dami ng nagaganap,
Linuklok niyo ang isang tao para maging mapagpanggap
Alam niyo naman nang normal at balewala lang sa kanya,
Matuto sana kayong tanggapin ang salitang "WALA TALAGA!" kaya't "TIGIL NA!".

-shortspokebySUNDAYRAMIREZLERICKA

15/02/2022

Spoke #14
Title:
AAASA PABA?

Kay sayang pagmasdan
Ngiti mo oh aking mahal
Ngunit kay lungkot isipin
Na hindi ako ang dahilan

Pag-ibig ay limut na
Pagkat may mahal kanang iba
Ako ay kinalimutan pagkat pag-ibig mo'y wala na

Aasa nalang ba ulit
Na ako'y iyong balikan
Kung sa piling ng iba
Ikaw ay mas masaya
Aasa nalang na bumalik ka
Kahit na ito'y sobrang labo na

Tanggap ko naman na may mahal kanang iba
Pero masakit lang isipin lalo at mahal parin kita

Hindi naman masama kung aasa ulit ako diba?
Aasa lang naman ako pero hindi naman kita guguluhin pa

Patawad kung ako'y hindi naging sapat
Ngunit sigurado naman akong pag-ibig ko sayo ay tapat

Wag molang hilingin na ikaw ay aking kalimutan
Dahil hindi ko talaga kaya
Hilingin mo na ang lahat
Wag lang ang pag-ibig ko sayo'y ibasura

Ngunit kung hanggang dito nalang talaga
Handa naman akong dumistansya
Ngunit matatagalan lalo't hindi ko talaga kaya

Tatanawin ka nalang sa malayo
Mamahalin ng patago
Ngunit kahit ganun ay aasa padin ako
Kahit na kakarampot nalang ang pag-asa ko

wag kang mag-alala mahal ko
Darating din ang panahon na makakalimut ako
Titingin sayo na parang ibang tao
Ngunit sa ngayon hayaan mo muna ako
Hayaang umasa sayo

By: Gorgeousmay²

11/02/2022

Spoke #13
Title:KABATAAN

Ang piyesang ito ay para sa mga tulad kong kabataan
Konti lamang ito ngunit sana inyong magustuhan
Sa piyesang ito ay wala akong pinapatamaan
Binabase ko lang ito saking mga nasasaksihan
Na siya naman talagang nagaganap sa ibang mga kabataan
Kung kayat sana ay walang magagalit at akin ng sisimulan...

Ops teka lang akin lang na ililinaw naway buksan ang isipan
Intindihing mabuti ang aking sasabihin
Para maunawaan ang bawat salitang iyong babasahin...

Kabataan, Kabataan
Pag-asa pa kaya ng ating bayan
Kung ang kanilang hinaing ay dina pinakikinggan
Kung ang ilan sa kanilay pinapabayaan na ng kanilang mga magulang
At kung ang ilan sa kanilay di na sineseryoso ang pag-aaral
O kapwa ko kabataan atin ng seryosohin ang pag-aaral
Pagkat ang lahat ng itoy para satin din lang naman
Para saan pa at tayo'y nag-aaral kung sa huli ay wala naman tayong patutunguhan
Kaya ngayon palang ay atin ng pag-isipan
Ang bukas at ang magpakailanman
Ng sa ganon ay di mahirapan sa susunod pang pagsubok at atin itong malampasan

Nararapat lamang na unahin ang pag-aaral
Pagkat dito nakasalalay ang ating kapalaran
Ipakita nating kaya natin ang makipagsabayan
Upang tayoy maipagmalaki ng ating mga magulang

Pag-aaral ang siyang dapat isaalang-alang
Hindi ang pakikipag-asawa o pakikipagtanan
At mas lalong hindi ang pagrerebelde pag pinapagalitan ng magulang
Pagkat ang pagrerebelde ay nakakasira sa ating isipan
At ito ang nag-uudyok sating tahakin ang maling daan
Laging tandaan na di nakikita sa unahan ang pagsisisi
Pagkat lagi itong nasa huli
Kaya habang maaga pa mag-aral ng mabuti dahil tanging ito lamang ang ating mapanghahawahan sa huli
At upang buhay ay bumuti ng sa huli di tayo magsisi
Hindi ba at kay sarap pakinggan
Isang batang nakapagtapos ng pag-aaral
Nakatulong sa pamilya, kapwa at sa bayan
Kaya ikaw kapwa ko kabataan
Pag-aaral mo'y iyo nang pagbutihan
Upang kasiyahan ay iyong makamtan.

By: Gorgeousmay²

02/03/2021

Spoke: #12

Tittle;

Saan ka saSavage?'
kay GF o kay ML?

ML,..
Nung una
Savage mo'y wala lang,
Savage mo'y sinubukan mo lamang
Pero bakit habang tumatagal, nag-eenjoy at nahahawaan kana?,
Tipong hindi mo na maalala
Na may mas nauna kang Sinavage kaysa sa kanya

Palaging ML bukang bibig mo,
Pati active status mo'y pinapatay mo para lang hindi ka maistorbo
Pag nagtext siya, di ka nagrereply,
Pag tumawag siya, palagi mong pinapatay
Araw-araw gabi-gabi siyang nag-aantay,
Maraming messages, chat sa buong araw
Napapagod na siya sa kahihintay, palaging umaasa sa iyong reply

Pag kasama siya'y kasama mo,
Puro cellphone ang inaatupag mo
Ni hindi ka mapakali't uwing-uwi na sa inyo,
Na ni wala ka manlang kibo, sa mga tanong at kwento ko

Pagdating sa Monthsary niyo wala kang oras magcelebrate,
Ni hindi manlang magawang magpost at maggreet
Laban mo, okay lang na magpuyat ka sapagkat nag-eenjoy ka,
Kaya ba susuko kana?
Kaya ba hindi mo na siya magawang pagpuyatan pa,
Kasi hindi ka na niya napapasaya

Puro ka tank, fighter, assassin,
Ni GF mo'y hindi mona mabigyang pansin
Importante kasi yung game niyo, kaya hindi mo masagot tawag niya sayo,
E siya?, Hindi ba importante sayo?
Hindi mo masagot kasi ML yung mas priority mo,
E ba't siya sayo?
Di kaba nanghihinayang kapag nawala nalang bigla sa buhay mo?

Minsan ba naiisip mo,
Na baka isang araw relasyon niyo ituring din niyang isang laro
Na hahanap ng bagong mas higit sayo,
Na kayang pagpuyatan at ipaglaban hanggang sa dulo

Minsan ramdam niyang unti-unting pumapait,
Mistulang lubid na hindi na ganun kahigpit
Nangingibabaw ang sakit,
Na sa ML ay may tinatawag na cheat s***t.
Matakot ka,
Na baka balang araw matututo din siyang magcheat

Magtitiis siya hindi para pumanig sa ML na yan,
Umaasa siya na palagi mo na siyang susuportahan
Kahit na minsan-madalas hindi mo na magawang kumustahin at tawagan,
Huwag mo lang sagarin abusuhin paminsan-minsan
Dahil baka isang araw tuluyan ka na niyang iwan.

-sundayramirezlericka⚡🌸🙃

02/03/2021

Spoke: #11

Tittle;

"Tsismosa"

Part 2:

Ang pagkalat ng samu't-saring istorya,
Tungkol sa buhay-buhay ng iba
Ay nagpapakita ng napakalinaw na tanda,
Na sila'y wala talagang magawa!

Usap dito, usap doon,
Tsismis dito, tsismis doon
Oras nila'y kanilang nilalamon,
Na kahit gaano pa't medalya'y balunbon
Talino't dignidad mo'y natatapon

O, bakit nga bang may mga tao,
Na sa itsura't problema ng iba'y interesado
Di kaya'y sila'y may sira sa ulo?,
O sadyang mangmang lang naman siguro

Tsismosa,
Tsismosang pakalat-kalat sa iba't-ibang sulok ng Pilipinas
Gigising sa umaga,
Hindi para hanapin ang pakinabang sa bansa
Hindi para maghugas at maglaba,
Sa tindahan at kalye ay nakapuwesto't naroon na

Mga taong mapababae man o lalake,
Na sobrang "perfect" makahusga't makapanglait
Na daig pang mga nakaupo sa korte suprema,
Dahil sa sobrang daldal at kating-kating bibig nila

Mistulang reporter kahit saan-saan,
Makakalap lamang ng kuwentong mapag-uusapan
Pwede din silang CCTV sa anumang sulok ng mundo,
Yung feeling na wala naman silang alam sa kuwento
Hanep!,
Kayang magbigay ng detalye at bumuo ng sariling imbento

Isang salita nila'y napakasakit,
Palaging pinaniniwalaan ang nakikita upang maipanglait
Yung tipong ikaw na nga yung biktima,
Kayang-kaya ka parin nilang baliktarin gamit ang mga masasakit na salita
Pwede kaya nating isako sila?,
Pwede din namang ilubid at iwasiwas sa ibang bansa
Mga bunganga nila'y daig pa ang Covid-19,
Araw-araw may mga nahahawaan
At walang mga permanenteng pagamutan
Buti pa ang Covid-19 may mga gumagaling at nakakarecover
E sila?,
Hanggang kailan kaya mawawala

Dapat araw-araw nabubuhay ka para lamang sa pamilya mo,
Pero ano bayan!, nakikisawsaw talagang mga taong ito
Iyong nakakatuwa pa dito,
24/7 nakabantay sa paligid as guard ng bawat establishimento

Mabuti pa ang Cancer ngayon,
May chance pang gumaling at mawala ng bigla
E kayo kaya?,
Itanong niyo kung may naimbentong gamot na ba?

(jwk😅)
-sundayramirezlericka⚡🌸🙃

LathaLers

14/07/2024

28/10/2023

15/07/2023

01/05/2023

01/05/2023

01/05/2023

04/02/2023

04/02/2023

15/02/2022

11/02/2022

02/03/2021

02/03/2021

Address

Telephone

Website

Alerts

Contact The Establishment

Shortcuts

Share

Category

Listing takedown request