16/08/2026
Hindi man tayo ang tinawag na panalo, hindi ibig sabihin na talo tayo.
Sa likod ng entabladong iyon ay mga araw ng pagod, puyat, sakripisyo, luha, at mga panahong muntik na nating tanungin ang sarili kung kakayanin pa ba. Pero sa bawat pagkakataon, pinili nating bumalik, magsanay, at muling sumabay sa iisang indak.
Sa aming Choreographer salamat sa walang sawang pagtuturo, pag-intindi, tiyaga, at paniniwala sa amin. Sa bawat correction, bawat ensayo, at bawat salitang nagbigay sa amin ng lakas, at kumpyansa maraming salamat Mama Yanellah Soriano De Mesa
Sa aming mga Dancer salamat sa bawat pawis, pagod, sakripisyo, at sa pagpili ninyong magpatuloy hanggang sa huli. Hindi man tayo nagwagi, ipinagmamalaki namin ang bawat isa sa inyo.
Sa aming Queen Chymreil Presilda salamat sa pagbibigay ng inspirasyon at pagmamalaki sa aming grupo. Salamat sa pagdala ng pangalan ng Tribu Abukenyo nang buong puso at tapang.
Sa aming Orga salamat sa lahat ng asikaso, tulong, pagod, at sakripisyong hindi man nakikita sa entablado, pero malaking bahagi ng bawat tagumpay at laban natin.
Sa mga Magulang salamat sa walang sawang suporta, pang-unawa, paghatid, paghihintay, at paniniwala. Kayo ang isa sa pinakamalaking dahilan kung bakit patuloy kaming lumalaban.
Hindi man natin naiuwi ang inaasam nating tagumpay, naiuwi naman natin ang isang bagay na hindi kayang ibigay ng anumang tropeo ang alaala na minsan, pinangarap natin nang sabay-sabay, lumaban tayo nang sabay-sabay, at hindi natin iniwan ang isa't isa.
Sa lahat ng sumuporta sa Tribu Abukenyo, sa bawat taong naniwala, tumulong, nagdasal, at naging bahagi ng paglalakbay na ito maraming salamat. Kayo ang dahilan kung bakit kahit masakit ang resulta, may dahilan pa rin kaming ngumiti.
Sa pamilya ni Rensie Reñosa salamat po sa pagtanggap at meryenda
Kay Tita Majjk Beautify Salamat po sa buong puso pagmamahal at suporta
kay konsi rowell agrade, Salamat po.
Hindi man tayo ang nagwagi sa laban,
Dahil may mga laban na hindi sinusukat sa tropeo, kundi sa pusong ibinigay natin hanggang sa huling indak.
Salamat, Tribu Abukenyo. Mahal ko ang laban na pinagsamahan natin. 🤍
Hanggang sa muli nating pag-indak.
