19/10/2022
بما انكوا دايما تسألونى عن أنواع الأيباد الموجودة ،أعلنت آبل عن أجهزة الآيباد اللى هتنزل السنة دى و هما :
١- ايباد الجيل العاشر ٢٠٢٢
٢- ايباد برو ٢٠٢٢
الجيل العاشر عجبنى فيه الألوان الجديدة و
رأيى فيه انه كجهاز مناسب جدا للرسم خصوصا لو حد مش عايز يصرف فلوس كتير على الأيباد بس أكتر نقطة ضعف فيه هو قلم الجيل الأول اللى شايفاه غير عملى بسبب طريق شحنه و هو ان لازم نوصله بالأيباد للشحن عشان كدة هو من فئة الأيباد الأرخص سعرا.
٢- ايباد برو ٢٠٢٢
اكبر ميزة هو M2 chip و فئة البرو هى دائما أعلى إمكانيات و أفضل شاشة و نقاء للصورة .
مناسب جدا للناس اللى شغلها تقيل و بتستخدم برامج للمونتاج او التصميمات ثلاثية الأبعاد و بالنسبة لبروكريت هو بيدينا طبقات أكثر.
أنا بستخدم دلوقتى ايباد برو ٢٠٢٠ ، هل هعمل تحديث و أجيب الجديد ؟
بالنسبة لى حاليا لا مش محتاجة أحدث بس بما انى بقيت بستخدم الأيباد مش بس فى الرسم كمان فى المونتاج و مع ظهور تطبيقات جديدة كل يوم للأيباد ميين عارف؟ 😀يمكن
ايه رأيكوا فى الأجهزة الجديدة؟ ولو حد عنده ايباد هيعمل تحديث و الا لا؟
#بروكريت #بروكرييت #ايباد
