15/06/2026
अछाम जिल्लाको पर्यटकिय क्षेत्र रामारोशन मा असार ३ गते नेपाल एडभेन्चर रनिङ फेडेरेसन (NARF) को आयोजनामा २८ किलोमिटर लामो स्काई रनिङ प्रतियोगिता हुने भएको छ ।
दौडका लागि निम्न रुटहरु प्रयोग हुने भएका छन् ।
१) रामारोशनको रामे प्रवेश गेट हुदै, बाटुला-जिङले राउन्ड हुदै, फेरी रामे !!
२) रामे हुदै तल्लो ददाडि- थाई र माथिल्लो ददाडि -चिन्डेनि, बाखफाल- रोशन मैदान -बाङ्गे छडा-अएरपाटा- थेप्चे-गुलेलिगडा-चाका मन्दिर !!
३) गुलेलिगडा हुदै -ठाणा- बाटुला - किनिमिनि हुदै पुन:रामे प्रवेश संगै दौड समापन हुनेछ ।
साथै फेडेरेसनले सहभागिहरुका लागि खेल नियम तथा सुरक्षा निर्देशिका जारी गरेको छ ।
- दौडका क्रममा सहभागीहरूले रेस बिब(दौडको नम्बर प्लेट), ट्रेल रनिङ जुत्ता, न्यूनतम १ लिटर पानी अट्ने बोत्तल, मोबाइल फोन, वाटरप्रूफ ज्याकेट, सिट्ठी र आफ्नो वैध परिचयपत्र जस्ता अनिवार्य सामग्रीहरू साथमा राख्नुपर्नेछ ।
- दौड मार्गमा ६ वटा आधिकारिक चेकपोइन्ट र ६ वटा पानी वितरण केन्द्रहरू राखिने छन् । कुनै पनि चेकपोइन्ट छुटाएमा धावकहरू अयोग्य ठहरिनेछन्।
- सुरक्षाका लागि सबै सहभागीले मार्गका चिन्हहरू पछ्याउनु पर्ने, ओभरटेक वा दौडका क्रममा तोकिएको मार्गमै रहनु पर्ने र रेसका पदाधिकारी तथा मार्सलहरूको निर्देशन पालना गर्नु पर्नेछ ।
- आवश्यक परेका खण्डमा घाइते धावकहरूलाई सहयोग गर्न र कुनै पनि आपतकालीन अवस्थामा तुरुन्त रिपोर्ट गर्नुपर्नेछ ।
- वनस्पतिलाई क्षति नपुर्याई 'लिभ नो ट्रेस' (फोहोर नगर्ने) सिद्धान्त पालना गर्दै आफ्नो फोहोर आफैंसँग बोक्नुपर्नेछ। दौड मार्गभरि चिकित्सक टोली र रेस मार्सलहरू तैनाथ रहने भएकाले जुनसुकै घटना वा आपतकालको जानकारी नजिकैका अधिकारीलाई दिनुपर्नेछ ।
- यदि मौसम वा परिस्थितिका कारण सुरक्षामा जोखिम आएमा रेस डाइरेक्टरसँग दौड परिमार्जन गर्ने, ढिलाइ गर्ने, छोटो पार्ने, मार्ग परिवर्तन गर्ने वा रेस नै रद्द गर्ने पूर्ण अधिकार सुरक्षित रहने छ ।
