07/04/2024
थोथे ज्यागु रस गबलेसं दै मखु ।
राम हा जि गन वने ।।
थोथे ज्यागु रस गबलेसं दै मखु ।
राम हा जि गन वने ।।
गन वने गन च्वने ।
सुया भरे च्वने दैव ।।
दैवया भरे च्वने ।
जित अरे मजु रे दैव ।।
राम हा .......
जि गन वने .....
माम मदु बुबा मदु ।
सुया भरे च्वने दैव ।।
जवे स्वोसा दाजु मदु ।
खवे स्वोसा किजा मदु ।।
जि पापी अभागी ।
गन वन सि रे दैव ।।
राम हा....
जि गन वने .....
तपुखु, नपुखु स्वोये धका ।
न्या जन्म कया दैव ।।
चंदाल म्ह खे या ल्हातं ।
जाल केन्का स्यात रे दैव ।।
राम हा.....
जि गन वने .....
न्यातापोल स्वोये धका ।
बखुं जन्म कया दैव ।।
चंदाल म्ह खे या मचां ।
तुम्ब केका स्यात रे दैव ।।
राम हा....
जि गन वने .....
ल्योसिंख्यले ल्योसिं थन ।
चुपिंगाले म्वन ल्हुया ।।
वया च्वये भैरव ।
दर्शन याय प्रभु ।।
राम हा.....
जि गन वने .....
थोथे ज्यागु रस गबलेसं दै मखु ।
राम हा जि गन वने ।।
थोथे ज्यागु रस गबलेसं दै मखु ।
राम हा जि गन वने ।।
written by:
last King of Bhaktapur Ranjit Malla
