23/08/2026
अरुण मेहता पक्राउप्रति स्थानीयको आपत्ति, ‘भ्रष्टाचारविरुद्ध बोल्ने आवाज दबाउन खोजियो’
इनरुवा । देवानगञ्ज गाउँपालिका–३, कप्तानगञ्ज निवासी अरुण मेहता जिल्ला प्रहरी कार्यालय सुनसरीको नियन्त्रणमा परेको जानकारी प्राप्त भएको छ।
प्राप्त जानकारीअनुसार, जापानमा रहँदा सामाजिक सञ्जालमार्फत विभिन्न व्यक्तिलाई लक्षित गरी गालीगलौज, अभद्र तथा आपत्तिजनक शब्द प्रयोग गरेको र सामाजिक मर्यादा तथा सद्भावमा असर पार्ने किसिमका गतिविधि गरेको आरोपमा उनलाई प्रहरीले नियन्त्रणमा लिएको बताइएको छ।
तर, स्थानीयका अनुसार मेहता लामो समयदेखि देवानगञ्ज गाउँपालिकामा हुने भनिएका भ्रष्टाचार, अनियमितता तथा बेथितिविरुद्ध आवाज उठाउँदै आएका युवा हुन्। उनले पालिकाको विकास, सुशासन र समृद्धिका विषयमा सामाजिक सञ्जालमार्फत निरन्तर प्रश्न उठाउँदै आएको स्थानीयको भनाइ छ।
स्थानीयले भने तथ्य र प्रमाणका आधारमा गरिने आलोचनाकै आधारमा उजुरी दिएर पक्राउ गराउनु उचित नभएको बताएका छन्। उनीहरूले स्वच्छ आलोचना र अभिव्यक्ति स्वतन्त्रतालाई सम्मान गर्नुपर्ने भन्दै घटनाको निष्पक्ष छानबिन हुनुपर्ने माग गरेका छन्।
‘पालिकाको विकास र समृद्धिका पक्षमा बोल्ने तथा भ्रष्टाचार र बेथितिविरुद्ध आवाज उठाउने व्यक्तिको मुख थुन्ने प्रयास भएको हो कि भन्ने आशंका पैदा भएको छ,’ एक स्थानीयले भने।
यद्यपि, मेहतामाथि लगाइएको आरोपको आधिकारिक विवरण, उजुरीको प्रकृति तथा प्रहरीले उनलाई कुन कानुनी आधारमा नियन्त्रणमा लिएको हो भन्ने विषयमा सम्बन्धित निकायबाट थप स्पष्ट जानकारी आउन बाँकी छ।
, राम्रो काम गर्नेलाई कारबाही र नराम्रो गतिविधि गर्न लाई चान्स Chance
यस मा नेता हरू को चाल खेल भएको xa छ
सबै नेपाली मानिस हरू लाई भ्रष्टाचार को र अफ्नो अधिकार को बारे मा भन पाइन्छ
केहि गलत भएको मा माफी माग्दै छू
भोलि को दिन मा तपाईं हामी हरू लाई पनि हुन सक्छ
