12/11/2025
विराटनगरको प्रदेश सभा भवनमा आगजनी भएपछि कोशी प्रदेशसभाको बैठक कटहरीको कृषि बजारबाट सञ्चालन हुने
विराटनगर । कोशी प्रदेशसभाको बैठक अब मोरङको कटहरी गाउँपालिका–१ मा रहेको फलफूल तथा कृषि थोक बजारबाट सञ्चालन हुने भएको छ । प्रदेश मन्त्रिपरिषद्को बैठकले कटहरीको कृषि बजारको भवन र संरचनामा अस्थायी रूपमा प्रदेश सभा सञ्चालनका लागि स्वीकृति प्रदान गर्ने निर्णय गरेको हो । कोशी प्रदेश सभाको सचिवालय पनि सोही स्थानमा सारीएको छ ।
यसअघि विराटनगरको देवकोटा चोकमा रहेको प्रदेश सभा भवनमा गत भदौ २४ गते जेन–जी आन्दोलनका क्रममा प्रदर्शनकारीहरूले आगजनी गरेका थिए ।ृआगजनीका कारण प्रदेश सभा भवन र सचिवालय ध्वस्त भएपछि बैठक सञ्चालनका लागि नयाँ स्थान खोजिएको हो ।
करोडौँको लागतमा निर्माण भएको तर प्रयोगविहीन अवस्थामा रहेको कटहरीको कृषि थोक बजारको भवनलाई मर्मतसम्भार गरी बैठक सञ्चालनका लागि तयार पारिएको छ ।
