14/02/2026
Det er eit boktrykkingsår for DNM95. På torsdag kom jubileumsboka vår, som var ferdigredigert i fjor, frå trykken, og vi er storfornøgde!
30 års historie er samla mellom to permar og på nesten 300 sider. Forutan rein historikk, naturlegvis ispedd mange bilete og loggboksitat, har også noverande og tidlegare medlemmer skrive frå tida si i koret og til saman gjeve eit mangsidig bilete av kva eit mannskor er og kan vera.
Tittelen «Fra Tøffelkoret til Tromsøs studentsangere» oppsummerer reisa Det Norske Mannskor av 1995 har vore på gjennom 30 år, og vi utviklar oss framleis. Dette blir eit siste hurra for 30 år, for no ser vi framover mot åra som kjem.
Alle som har tinga boka på førehand vil få ho tilsendt i posten. Vi har også nokre bøker att til laussal. Ta kontakt om du er interessert i å kjøpe ei.
Jubileum 30 år, hurra!
