Kor Løye

23/11/2025

I går hadde vi ein verdig avslutningsmiddag og -fest i Skinkerådhuset, ein siste kveld i lag som samla tropp. Det blei mimra og flira og alt som høyrer til i ei sånn anledning.
Takk for følget, og takk for oss. Until next time…?

❤️Kor Løye

19/10/2025

Eit verdig farvel i kveld - med Kor Løye, som har vore ein bauta i det lokale kulturlivet i 13 år🤩

Kulturhussjefen er kanskje ein smule inhabil i omtalen her, men ståande applaus frå bortimot fullsett sal, bekreftar følgande; ein verdig finale på alle vis! Kor Løye serverte det bygdefolket vil ha ein god laurdagskveld: lokalpolitisk satire, god musikk og humoristiske poeng, pakka inn i eit språk som er akkurat på grensa…og litt til

Takk for alt Kor Løye - de vil bli sårt sakna❤️

Takk publikum! Dokke er fantastiske!

Foto: Aksel Helstad

18/10/2025

«No er det altså slutt, og applaus og bravo for ein flott finale» 🥹

Siste sjanse i kveld klokka 1930, håper vi sjåast!

Glosene var grove og kommentarane treffande då Kor Løye fredag og laurdag inviterte til kabareten «Gjer Stranda greit igjen, igjen».

16/10/2025

KONKURRANSE! 📣🧢 (avslutta)

Har DU lyst å bli den heldige vinnaren av ein GSGI-caps OG ein gratisbillett til vår aller siste kabaret no til helga? No har du sjansen!
Vi køyrer konkurranse og skal trekke to vinnarar, ein for fredag og ein for laurdag.

For å vere med i trekninga skriv du FREDAG eller LAURDAG i kommentarfeltet, alt etter kva kveld du har lyst å sjå oss (ja, det er lov å skrive begge dagane).

Har du allereie kjøpt deg billett? Fortvil ikkje. Du kan vere med i konkurransen likevel, og så får du refundert billetten din dersom du vinn 🤓

Vi annonserer dei to vinnarane i kveld klokka 22, så hiv deg med no!

Del gjerne konkurransen med nokon du veit ønsker seg ein billett, og lykke til! 🍀

15/10/2025

Petrine er både Einar Arve si hardtarbeidande høgrehand, kommunepsykolog og muligens ein slags spinndoktor innad i partiet. Ho har som vanleg fokus på dei viktige tinga rett før store ting skal skje: nemleg at fargen på dressjakke, pumps og neglar matchar med partivimpelen, og at vinkelen på kameralinsa er riktig.

Men du skal ikkje undervurdere ho av den grunn. Du skal heller ikkje undervurdere ho på grunn av verken nakkekrage eller dialekt, for Petrine har kome langt i politikken nettopp på grunn av desse faktorane. I alle fall i følge ho sjølv, men manglande sakspapir gjer det vanskeleg å dokumentere akkurat det. Sånn er det også av og til i politikken.

Uansett kan vi glede oss til å sjå kva som blir Petrine si rolle når hennar favorittmann og politisk ledestjerne Einar Arve skal gjere Stranda greit igjen, igjen. Ho sjølv forventar nok store ting og ei sentral rolle, så får vi håpe ho ikkje blir skuffa.

Uansett ser ho veldig bra ut, og det er trass alt det viktigaste 💅🏼

Få med deg Petrine og dei andre i kommunestyret førstkomande helg i Storfjord kulturhus. Fredag 17. og laurdag 18. oktober,
klokka 1930!

www.storkultur.no ✨💋

14/10/2025

Til helga får du muligheit til å sjå Kor Løye på ei scene for aller siste gong. Det er vemodig, men vi trøystar oss med at vi går ut med ein stor smell - i den politiske komedien Gjer Stranda greit igjen, igjen.

I vår aller siste kabaret får du eit gjensyn med kommunestyrerepresentantane du blei kjend med i fjor, pluss nokre nye meget publikumsvennlege skikkelsar. Og forviklingane blir nok ikkje mindre i år, når ordføraren lanserer nok ein relativt kontroversiell idé for eit ganske splitta kommunestyre. Vi kan nesten garantere at ikkje alle slepp frå det i heilt god stand. Heldigvis har vi eit band som er i veldig god stand, så her vil det svinge godt i gardinene undervegs.

Vi spelar både fredag og laurdag, så her har du alle sjansar til å unngå å gå glipp av noko rett så løye! Det er allereie begynt å fyllast opp i salen på laurdagen, og du vil ikkje risikere at den småirriterande naboen din får betre plassering enn deg. Her er det førstemann/-kvinne/-person til mølla!

Storfjord kulturhus, fredag 17.10. OG laurdag 18.10. klokka 1930.
Billetten din finn du på www.storkultur.no

Vi sjåast til helga! 🎭🧡

10/10/2025

Å vere ein relativt liten sosialistisk Ap-politikar med eit stort hjarte er ikkje alltid ei enkel oppgåve i eit såpass mørkeblått og høgrelent kommunestyre som i Stranda. Men gode Inger, med kofta og kaffikanna som sine fornuftige styringsverktøy, gir aldri opp sitt viktige mandat. I alle fall ikkje så lenge det er rikeleg med kaffi og møtemat tilgjengelig under dei timelange diskusjonane. For ingen burde bestemme noko som helst på tom mage.

Men du skal ikkje undervurdere denne joviale sogningen, for ho kan reagere rett så eksplosivt på urett - og då er det best å berre søke dekning. Tru oss..

Vi håper Inger finn igjen både dei andre representantane, møtemati og ei full kaffekanne, så ser vi ho i storsalen på Storfjord kulturhus fredag om berre éi veke! Ho skal i høgste grad vere med på å gjere Stranda greit igjen igjen, og vi håper også at ho slepp gjennom med litt fornuft inn i mellom slaga.

(Jada, du las riktig, kabareten er allerede neste helg 😱 Så ikkje vent for lenge med å skaffe deg billett no, det ryktast nemleg at billettane våre går unna omtrent som ein Lada på Autobahn så her kan det bli smekkfullt!)

Vi sjåast neste helg! 🎭

www.storkultur.no 🎫

07/10/2025

Det er ikkje alle i kommunestyret som har verken tid eller fokus til å kunne vere kranglefant på heiltid. Nokre har større og viktigare oppgåver utanom det å skulle vere ein folkets representant i Stranda kommune. Som Senterpartiet sin sentrale politikar Petter, han er sauebonde på heiltid. Minst. Og det er ikkje småtteri, for fjøset ventar som kjend aldri på bonden.

La gå, vi får håpe han er tilbake igjen frå fjøset i tide til å rekke kabareten 17. og 18. oktober i Storfjord kulturhus!

Billetten din kjøper du på www.storkultur.no, og kanskje kjenner du ein hardtarbeidande person som fortener å få ein billett til Gjer Stranda greit igjen, igjen? 👨🏼‍🌾

02/10/2025

Noko av det Stranda sitt kommunestyre er aller mest kjend for, er det gode og fruktbare debattklimaet, i tillegg til å alltid halde fokus på sak og ikkje person. Det er klart, av og til kan det skli litt ut når ein har med engasjerte politikarar å gjere. I dette klippet av to av våre kjære folkevalde gjekk det heldigvis stort sett veldig fint for seg - i Stranda-målestokk 😅

Vi lanserer herved ordet «geiteklappar» som kandidat til årets skjellsord. Eigentleg eit ganske koseleg ord når ein tenkjer over det…? 🐐

Fleire scener som dette er det overhengande fare for at du får sjå i kabareten vår Gjer Stranda greit igjen, igjen - 17. og 18. oktober.
www.storkultur.no 🎟️🍿

30/09/2025

Nokre har eit tyngre kall i livet enn andre, og Per Idar sitt blytunge kall er å protestere mot all galskapen som skjer i kommunestyret. Det kan ikkje vere lett å bere for éin mann - men han står heldigvis støtt som ein påle i det. Sånn grovt oppsummert i alle fall.

Vi er spente på å sjå korleis det vil gå med Per Idar under årets kabaret, når presset er større enn nokon gong og temperaturen på sitt mest greinalause. Greier han å stå løpet ut denne gongen, og vil han kunne klare å nå fram med bodskapen sin? 🤔

Fasiten får vi først 17. og 18. oktober i Storfjord kulturhus.

Du veit kor du finn billetten din, og Per Idar takkar deg for støtta di! 🫶🏼

29/09/2025

I vår kjære nabokommune Sykkylven har dei også ein engasjert og utadvendt ordførar i Olav Harald Ulstein.
Han har den siste tida tenkt mykje på trådsamtalen han mottok frå Einar Arve, og no har han openbart fått fomo (om du ikkje veit kva fomo er, så har du gått glipp av noko viktig)

Her er responsen hans til Einar Arve, og med det er vi heldigvis sikra minst éin politikar med tv-vennleg fjes under kabareten vår 17. og 18. oktober! 😍

TO ordførarar i éin kabaret?! Det må vere første gong noko sånt skjer! Dette vil du neppe gå glipp av, så trykk deg inn på storkultur.no og sikre deg billett no med ein gong!

27/09/2025

Møt Gurine - ein mildt sagt ramsalt tv-produsent som seier ting akkurat som dei er, og enda litt til 😅 Denne dama blir du betre kjend med i årets kabaret 𝐆𝐣𝐞𝐫 𝐒𝐭𝐫𝐚𝐧𝐝𝐚 𝐠𝐫𝐞𝐢𝐭 𝐢𝐠𝐣𝐞𝐧, 𝐢𝐠𝐣𝐞𝐧!

Som ho sjølv seier i klippet, så har ho ståltru på at Einar Arve sin idé om ein TV-serie om kommunestyret på Stranda kan bli 🤬 god TV… har du…?

Den som har lever får se!
Du veit kor du finn billetten din 🤩

Vi gleda oss til å møte Gurine «laiv» i kulturhuset 17. og 18. oktober.
Skål!