Hardingtonar

Hjem
Norge
Norheimsund
Hardingtonar

Hardingtonar er ein musikkfestival som vert arrangert i Norheimsund i juni kvart år.

Festivalen har som mål å særleg auka kjennskapen til komponisten og hardingen Geirr Tveitt sin store og allsidige produksjon. Stiftinga Hardingtonar vart skipa ut frå eit ynskje om å auka kjennskapen til komponisten og hardingen Geirr Tveitt sin store og allsidige produksjon, i tillegg til å fokusera folkemusikk og anna kulturskaping i Hardanger. Sidan starten i 1991 har festivalen vore ein årviss

musikkfest i Norheimsund. Med Bergen Filharmoniske Orkester som musikalsk hjørnestein og vitjing av framståande musikarar frå både inn – og utland, har tonekunstnaren Geirr Tveitt fått ein renessanse, og hans verk vert i dag stadig oftare framført rundt i Europa
Hardingtonar har og fått vore eit springbrett for lokale musikktalent, og festivalen er i dag fundamentert som ein av dei viktige årlege musikalske høgdepunkt i Hardanger.

16/04/2026

Me gler oss til å få oppleve Hundrad Hardingtonar med Julie Røssland som dirigent!

Julie Røssland kjem frå Voss, og etter å ha fullført bachelorgraden sin i dirigering ved Universitetet i Stavanger, byrja ho i 2023 på mastergraden ved Sibelius-akademiet i Helsinki. Ho er medlem av elitesatsinga til Talent Norge, Dirigentforum.

Som del av hennar bachelorgrad gjorde Julie eit fordjupingsarbeid på Geirr Tveitt, og særleg fokus på Hardingtonar. Prosjektet resulterte i ei ny kritisk utgåve av den fyrste suiten i Hardingtonar.

Foto: Sveinung Hoel Bjorå

29/03/2026

Velkomne til konsert med Jan Eggum - laurdag 13.juni kl 21:00, i hotellhagen i Norheimsund!

Med gitar, stemme og eit solid repertoar presenterer han songane slik dei vart skrivne: direkte, ærlege og frie for staffasje. Eggum har i fleire tiår vore ei tydeleg stemme i norsk songtradisjon. Han kombinerer presise observasjonar med eit skarpt blikk for både det alvorlege og det kvardagslege, og har skrive låtar som framleis treff, uansett når du først høyrer dei. Konsertane ber preg av erfaring og ro.
Ein kveld med Eggum i hotellhagen, med Hardangerfjorden i bakgrunnen vert storslått!

Foto: Stageway

19/02/2026

😍

17/02/2026

Etterklang med Stig, på Sjøhuset Pub - etter opningskonserten på Hardingtonar 2026!

Stig er eit solo indie folk-prosjekt med varme, nære songar og eit rått uttrykk. Med akustisk gitar i sentrum blir musikken halde enkel og ærleg – der stemma, strengane og rommet får vere like viktige.

Les meir og sikre deg billett på:
https://hardingtonar.no/etterklang-stig/

Stig Lundblad-Sandbakk

15/02/2026

"Som i ein draum" - med skodespelar Hildegun Riise, pianist Håvard Gimse og visesongar Lars Klevstrand!

På programmet står dikt og dagboknotatar av poeten Olav H. Hauge i møte med musikken til Geirr Tveitt.

"Velkomne med æra", "Vi skal ikke sova burt sumarnatta", og "Det er den draumen med ber på", er blant våre dikt og songskattar som me får høyra - sundag 14. juni kl. 16!

https://hardingtonar.ticketco.events

09/02/2026

Dei syngjande kjem til Hardingtonar 2026! 14 solistar fyller Øystese kyrkje med klangen frå den rike songtradisjonen i området vårt.

Dei syngjande er eit møte mellom folkesongarar frå Voss, Hardanger og Vestlandet elles, der kvar og ein av dei står sterkt i sin tradisjon, og repertoaret er henta frå kjeldene deira.

Konsert: Sundag 14. juni kl.20
https://hardingtonar.no/dei-syngjande/

Songarane:
Monika Kolskår Toppe
Karen F. Brattebø
Jori Gjelland Lie
Kari Finne Sognnæs
Lajla Storli
Berit Opheim
Tone Juve
Kari Malmanger
Åshild Vetrhus
Thale Valland
Annlaug Børsheim
Solbjørg Tveiten
Felicia Storn
Oda Hesjedal Langhelle

07/02/2026

Damesalongen. Afternoon tea. Ingeborg Ekeland og Frode S**g Storheim. Treng me seie meir?🤩

Ei romantisk tidsreise for både øyre og gane...

Laurdag 13. juni kl. 15.
Sundag 14. juni kl. 13.

NB: Avgrensa med plassar:
https://hardingtonar.no/afternoon-tea-2/

06/02/2026

Programmet for Hardingtonar 2026 er ute!🤩

12.–14. juni er det duka for minnerike musikkopplevingar, når bygda sine store og små rom vert fylte av musikk.

Frå intime musikalske teselskap til konsert med Bergen Filharmoniske Orkester.

Opplev glitrande utøvarar som tolkar verka til Geirr Tveitt – med Hardanger som ramme.

Sikre deg billett i dag: https://hardingtonar.ticketco.events/

---------

Opningskonserten 12. juni:

Geirr Tveitt
Hundrad Hardingtonar, suite nr. 1

Geirr Tveitt
Klaverkonsert nr. 1

Jean Sibelius
Symfoni nr. 5

Bergen Filharmoniske Orkester, under leiing av det store dirigenttalentet Julie Røssland frå Voss, opnar Hardingtonar med Geirr Tveitt sitt mest kjente verk, Hundrad Hardingtonar.

Tveitt samla og teikna ned i si tid meir enn tusen folketonar i Hardanger-bygdene. Somme av folketonane omarbeidde han ikkje i særleg grad, medan andre vart utvida og arrangerte. Det var viktig for Geirr Tveitt å liggje så tett opptil originalen som mogeleg.

Geirr Tveitt komponerte pianokonsert nr. 1 under studietida si i Leipzig, Tyskland. Det musikalske språket hans er friskt og tydeleg, og vi høyrer norske toneartar, halling og gangar, men òg påverknad frå kontinentet, som til dømes Bartók.

Jean Sibelius komponerte sin symfoni nr. 5 i åra frå 1914 til 1917, ein periode som leia fram mot Finland sin sjølvstendedeklarasjon frå Sovjetunionen.

Bergen Filharmoniske Orkester
Julie Røssland

24/01/2026

Komponisten Geirr Tveitt (1908–1981) såg ein stor musikkskatt rundt seg, og han såg at den var i ferd med å gå tapt. Han reiste rundt i Hardanger og dokumenterte eit stort tal slåttar og folketonar.

Her er han saman med ei av tradisjonsberarane; folkesongar Anna Skeie frå Steinsdalen i Kvam.

Geirr Tveitt var ein høgt skolert komponist med utdanning frå Leipzig, Paris og Wien. Han skreiv både klaver- og orkesterverk baserte på folketonane frå Hardanger, og skapte slik stor kunst i samspel med den lokale kvardagsmusikken som var ført vidare gjennom generasjonar.

På opningskonserten 12. juni 2026 får du høyre suiten som har gjeve festivalen sitt navn - når det fantastiske Bergen Filharmoniske Orkester under leiing av Julie Røssland kjem og spelar Geir Tveitt sine «Hundrad hardingtonar», med mellom anna "Flyteljod" etter Anna Skeie sin fløytelåt.

Foto: nasjonalbiblioteket.no

22/01/2026

Årets Hardingtonarplakat syner måleriet «Kveldstime» av den Hardangerbusette nederlandske biletkunstnaren Wim van den Toorn.

I desse dagar fell dei siste detaljane i programmet for 2026 på plass, og me gler oss stort til å dela gode musikkopplevingar i Norheimsund 12.–14. juni!

09/06/2025

Det vart ei vakker avslutning på Hardingtonar. Duoen Sigvart Dagsland og Karoline Krüger har turnert Noreg det siste året, og endeleg var turen komen til Kvam, til hotellhagen i Norheimsund.
Vêret var av det ustadige slaget i går, men det fall ikkje ein einaste regndrope under konserten. Det var kjølig, men dei to svært så musikalske gjestene skapte ekstra varme på innsida. Me fekk høyra dei gode folkekjære klassikar som til dømes «Ka er du redd for», «Alt eg såg», «For vår jord» og «En gang i alles liv». Mellom songane delte duoen kloke, humoristiske og djupe refleksjonar, noko som går hand i hand med dei gjennomarbeidde og livsnære tekstane. Det er ikkje utan grunn at den svært så musikalske duoen, og ekteparet, er så høgt skatta av mange.
Takk for ein fin kveld i hotellhagen!

Tekst og foto: Lars Arvid Oma

Adresse

Tolovegen 38
Norheimsund
5600

Telefon

90271405

Nettsted

http://www.hardingtonar.no/

Varslinger

Vær den første som vet og la oss sende deg en e-post når Hardingtonar legger inn nyheter og kampanjer. Din e-postadresse vil ikke bli brukt til noe annet formål, og du kan når som helst melde deg av.

Kontakt Bedriften

Send en melding til Hardingtonar:

Snarveier

Vil du plassere din bedrift på toppen av Kunst & Underholdning-listen i Norheimsund?

Del

Type

Festival