Me øver kvar onsdag kl 19:00 - 21:30 på Lindås Barneskule. Lindås Songlag er eit blandakor med lang tradisjon i Lindåsbygda. Koret vart skipa i 1939 og feira 80-års jubileum i 2019. Koret tel i dag 25 medlemer, vi møter glade og nystemte opp til kjekke øvingar på Lindås Barneskule kvar onsdag frå 19:00 - 21:30. Dirigent for koret er Ann Christin Hoen. Repertoaret vårt spenner over ulike sjangrar, frå klassisk musikk og salmar, norske folketonar og folketonar frå andre land - til viser, negro spirituals, pop og musikalmusikk. Me held konsertar i heimbygda Lindås, men tek også gjerne turar til andre stader i landet, og til utlandet. Vi ønskjer nye medlemer velkommen, og dersom dette er noko DU kunne tenke deg, så send oss gjerne ei melding her på FB, eller ta kontakt med vår leiar Rune Rosnes, eller ein annan i koret!
