Litle Færøyna Kystkulturlag

Hjem
Norge
Hardbakke
Litle Færøyna Kystkulturlag

Ynskjer å gjenskape eit ideelt og levande kystkulturminne. Kystleirskule og kurs for store og små.

11/08/2026

Fredag 7. august 2026 i musikkform🎶 God kveld på Litle Færøyna med venner og samarbeidspartnarar Berit Håpoldøy Mads Eriksen

10/08/2026

Mestraumen eller Færøystraumen på folkemunne, er knutepunktet mellom Ytre og Indre Steinsundet. Litle Færøyna kystkulturminne tar mål av seg å vere ein plass der folk kan møtast til faglege samtalar og til hygge og inspirasjon.

Takk til alle som var med oss denne fredagskvelden 7. august. Vi gler oss over engasjementet og velviljen til folket. Mads Eriksen tok oss med frå Jimi Hendrix til Griegs «Solveigs sang» og Berit Håpoldøy letta oss elegant ut av regnværet med sin sang og gitar. Stig Steinsund, Hallstein Steinsund og Jon Grendahl slo spikaren inn til ein innertiar av ein kveld. Og «for ei supa» du laga til oss, Frode Kalgraff🍲

Dette var god drops å suge på i møte med hausten og trøyst for sommaren som aldri kom til oss her vestpå.

02/08/2026

Åfjordsfiringen frå Jektenaustet i Stokkevåg er på veg til Museet Kystens Arv i Trøndelag:

Til orientering så blei Åfjordsfiringen tatt ut av naust og transportert til båthamna i Valen/Hardbakke torsdag 30. juli. Vi var godt forberedt og prosessen gjekk smertefritt. Starta på lavfjæra kl 05.30, kledde opp skroget med 10 m lang presenning og båten flødde opp til kl 12.30.

Rich, Jon, Helge Nornes (Syltetøymannen frå Sogndal) og Roar utførde arbeidet og Kjell Olav Steinsund stod for sjølve slepet. Helge køyrde "G**o" langs slepet som sikring, Rich improviserte styreåre og Roar tok seg av det vesle som var med ausing.

I båthamna hadde vi flaks ,- for der var nestleiaren i båtlaget Trond Osland. Vi satte fast dragtauet i slippvogna og drog båten opp på rullestokkar. Åfjordsfiringen vart skora opp og gjort heilt klar til å bli dradd rett på båthengar. Det er avtalt henting kommande mandag 3. august.

29/07/2026

HEIMKOMST: Rich og Jon har seila «Morilden»tilbake til Litle Færøyna. Både «Morilden» og «Baloo» deltok på samsegling til landsstevnet i Strusshamn. Fin-fin seilas, melder mannskapet⚓️

27/07/2026

Hurra🎉 So kjekt og gledeleg at Litle Færøyna Kystkulturlag vann prisen for beste tradisjonelle nybygg under Forbundet KYSTEN sitt landsstemne, med Bataldebåten «Baloo». Gratulerer til alle som har vore med og gjort dette mogleg! Under kan du lese grunngjevinga for prisen - legg også ved nokre bilete frå byggeprosessen og det ferdige produktet.

GRUNNGJEVING: «Årets vinner viser hvordan tradisjonelt båtbyggerhåndverk kan bygge broer mellom fagmiljøer, akademia og frivillighet. Med utgangspunkt i en båttype som i over 150 år har manglet en levende byggetradisjon, er prosjektet langt mer enn et nybygg – det er en gjenoppdagelse av handlingsbåren kunnskap.

Gjennom grundige studier av historiske forbilder, åpne faglige diskusjoner og et unikt samarbeid mellom erfarne båtbyggere, lærlinger og entusiaster er det skapt et fartøy som både hedrer tradisjonen og bringer den videre.

Prosjektet viser at den fremste håndverkskompetanse utvikles når kunnskapen deles, prøves ut og overføres til nye generasjoner. Resultatet er et nybygg med høy håndverksmessig kvalitet, stor kulturhistorisk verdi og sterk formidlingsevne. Dette er et godt eksempel på hvordan tradisjonshåndverk kan bevares gjennom levende praksis. Vinneren er Batalden-båten «Baloo» eid av Litle Færøyna kystkulturlag».

22/07/2026

Sjekk stemninga i denne filmen😊🇳🇴 Flotte trebåter, fine mennesker, musikk/kultur og ut-ror til Strusshamn 💚KYSTENs småbåtsamseiling 2026

21/07/2026

Veke 29 var ei innhaldsrik og spennande veke på Litle Færøyna. Tradisjonsbåtar frå nord, sør og aust møttest til samsegling før Forbundet KYSTEN sitt landsstemne i Strusshamn. Frå måndag til fredag var det segling og roing på kryss og tvers rundt Litle Færøyna. Seglføring, ballast og trim vart finjusterte, samstundes som deltakarane delte erfaringar og lærte av kvarandre.

Fredag kom fleire båtar, og innbyggjartalet på øya vart mangedobla. Det vart sjølvsagt mykje båtprat, og utpå kvelden samla alle seg til felles middag i løa. Heimelaga betasuppe med flatbrød sto på menyen. Alle blei gode og mette.

Laurdag vart det halde symposium i naustet, med ein felles paneldebatt som avslutning. Her vart læring drøfta frå fleire perspektiv: praktisk handverk gjennom bygginga av Bataldebåten, kursverksemda på Litle Færøyna og KYSTEN si nye kursrekkje for segling med tradisjonsbåtar. Særleg vart det sett søkjelys på læringsfilosofien som ligg til grunn for praktisk læring og manuelt kulturarbeid. Engasjement, entusiasme og filosofi var òg sentrale tema som vart presenterte og diskuterte gjennom dagen. Vi vil rette ei stor takk til alle som bidrog med inspirerande innlegg, tankevekkjande refleksjonar og verdifull kunnskap: Josef Thingnes, Rolf Batalden, Svein Erik Øya, Kari Brenna Rian, Kjell Magnus Økland, Per Ingvar Haukeland, Terje Planke og Roar Moe.

Etter symposiet var det klart for enda ein felles middag. Det var stinn brakke i løa og god stemning. Heimelaga lasagne, salat, tzatzikidresssing og baguetter sto på menyen denne kvelden. Vi var nok nærare 60 personar til bords. Kokkane Tor Øyvind Tennebø og Roar Henden hadde jobba på i fleire timar på det vesle husmannkjøkkenet på 9 kvadratmeter - og éin komfyr!😊

Desserten var ein feiande flott utekonsert nede på kaia med Fotefar frå Bergensområdet. Inspirerande tekstar frå kystdistriktet, gode historier, harmonika og gitarspel i samklang som enda opp med salige «Heart of gold».

Søndags morgon hadde nordakulingen spakna, sola skein og Bataldebåten «Baloo» vart behørig døypt i konjøl frå Lefdalsbygda i Nordfjord.

Deretter sjøsetting, rigging og full klargjering av alle båtar. Supre vindforhold for første etappe over Sognesjøen,- kanskje med eit rev og eit søft i seglet. Straumane, Byfjorden, Bergen og så målretta mot Strusshamn. Ynskjer om høveleg bør og god manøvrering til landstemnet til helga.

15/07/2026

Førebuing og finjustering av seglføring av Bataldebåten. Endelig fekk Bataldebåten prøve seg med sjø under buken. Første ordentlige seglas med Jo, Svein Erik og Lisbeth om bord. Dette ser bra ut og råseglet står støtt, ballast og trim ser ut til å fungere fint⛵️Vi ser fram til samsegling i helga.

03/05/2026

Vi forbereder oss til sesongstart på LF. Ikkje dei store temperaturene for tjæring av robåtane, men vi fekk klargjort og vaska dei grundig i helga. Så ventar vi på litt fleire varmegrader☀️

I sommar skjer det saker og ting på øyna, blant anna samsegling til Forbundet KYSTEN sitt landsstevne i Strusshamn⛵️På siste bilete kan dåkke sjå kor fint taket på den nye skjåen på kaia blei😊

26/04/2026

I årsmøte-helga på Litle Færøyna, blei det ein del rydding og sjauing, jobbing på nye-skjåen, flytting av stein i fjæra, litt maling og ellers forefallande oppgåver. Vi jobba på heilt til skyssbåten kom kl. 16:30 søndag. Ei kjekke helg med mykje god mat, nordavind, sol og mange samsetak🪚🔨⛓️⚓️ Våren er på veg…🌼🌿

Adresse

Litle Færøyna
Hardbakke
6924

Telefon

+4791570912

Nettsted

https://litlefaeroyna.wordpress.com/kontakt-oss/

Varslinger

Vær den første som vet og la oss sende deg en e-post når Litle Færøyna Kystkulturlag legger inn nyheter og kampanjer. Din e-postadresse vil ikke bli brukt til noe annet formål, og du kan når som helst melde deg av.