Høyanger Kunstlag

16/06/2026

Vi gratulerer Torunn Skjelland som mottakar av Gunnar S. stipendet for 2026!

Skjelland er utdanna ved Kunsthøgskolen i Bergen, Kunstakademiet, og bur og arbeider i dag i Kunstnarkolonien på Bøler i Oslo.
I kunstnarskapen sin undersøkjer ho kollektive minne, stadspesifikke forteljingar og kulturelle referansar, og ho har utført fleire større utsmykkingar i offentlege rom over heile landet.

Ho arbeider hovudsakleg med måleri i eit utvida format, der farge og romoppleving står sentralt.
Gjennom stipendet vil Skjelland vidareutvikle eit prosjekt med utgangspunkt i landskap, farge og minne — med Høyanger som stadleg ramme.

Ho ynskjer og samstundes å vidareføre eit sideprosjekt ho har som ho kallar “broderidialoger” - kor ho inviterar andre i eit kollektivt broderiarbeid.
Her håpar ho å kome i kontakt lokale håndverksgrupper eller husflidlag i nærområdet.

Sjå meir om Torunn her: https://www.torunnskjelland.com/

Vi gler oss!

31/05/2026

Galleriet er ope i dag kl. 12 - 15. Sjå utstillinga til Marius Martinussen

31/05/2026

I går hadde vi ei lita salsutstilling utandørs i samband med Høyangerdagane.

14/05/2026

– Ein kunstnar som har merka meg og som eg set meir og meir pris på, er Gunnar S. Han har vakse på meg med åra, seier Martinussen.

Inspirert av Gunnar S. fyller kunstnar Marius Martinussen no Gunnar S. Galleriet i Høyanger med nye verk laga spesielt til utstillinga🎨 Opninga samla fullt galleri og stor interesse frå publikum. Les saka her: https://ytresogn.no/2026/05/inspirert-av-gunnar-s-vi-kunne-kanskje-blitt-gode-vennar-eller-bitre-fiendar/

09/05/2026

Bilete frå opning av ny utstilling med Marius Martinussen 🎊

08/05/2026

Utstillinga til Marius Martinussen opna i går. Utstillinga er open kvar laurdag 11- 14. Velkommen!

22/04/2026

For 8 dagar sidan hadde vi årets temakveld. Lokalhistorikar Arne Inge Sæbø frå Vik snakka til rundt 30 frammøtte om livet og kunsten til far og son Tenol-Tuxen. Vi snakkar om Johan (1887-1958) og Svein (1920-2008). Dei hadde røter i Vik, men Svein budde i Høyanger i mange år. Svein har stilt ut i Høyanger kunstlag fleire gonger. Vi opppmoda folk til å ta med eigne bilete malt av Tenol-Tuxen. Mange frammøtte kom med måleri og fekk dei presentert etter kåseriet. Ekstra gledeleg var det at dei tre døtrene til Svein Tenol-Tuxen møtte. Veldig gode tilbakemeldingar frå frammøtte.

19/04/2026

6 male- og teikneglade jenter var på kurs i helga med Grete Lund Johannessen. Vi hadde to lærerike og koselege kursdagar på Høyanger vidaregåande skule. Stemninga var på topp. Grete har hatt utstilling på Gunnar S. galleriet i det siste og avsluttar med teiknekurs. Vi takkar Grete og Galleri Vang for samarbeidet!

29/03/2026

Vi held galleriet ekstra ope i påsken. Langfredag og påskeaften frå klokka 12 til klokka 14. Du kan sjå og kjøpe flotte teikningar og glassgjenstandar hjå oss 🐣