Jørn Hilme-stemnet

Hjem
Norge
Fagernes
Jørn Hilme-stemnet

Jørn Hilme-stemnet er den store, rause og intime folkemusikkfestivalen i Valdres. Sjå meir på www.hilme.no Hilme er ein open og inkluderande møteplass.

Festivalen Jørn Hilme-stemnet – også kjent som Hilme – vart arrangert fyrste gong i 1960 og er med det den eldste folkemusikkfestivalen i landet, og ein nestor i det organisatoriske folkemusikkarbeidet i landet. Hilme er ingen eksklusiv festival for valdrisane åleine, men er ein smeltedigel for alle tradisjonsområde, for alle interesserte, i alle aldersgruppe. I folkemusikken er det stor plass – a

nten du speler, dansar, eller du berre ynskjer å lye til tonane. Hilme tek eit særleg ansvar for den norske folkemusikk- og folkedanstradisjonen, både tradisjonelle uttrykk men òg nyskapande uttrykk på tvers av sjangrar. På festivalen møter tradisjonen nye straumar i tida, på Hilme slår det tradisjonelle følgje med det nye – i møte mellom amatørar og profesjonelle, i solospel og samspel. Hilme – tradisjonsfundert, ja, visst, men aldri umoderne. Strunkeveko er den andre viktige foten i folkemusikkarbeidet i Valdres. Strunkeveko – etablert i 1998 – er starten på eit folkemusikkliv, og er ei kursveke for born og ungdom, og blir arrangert i forkant av Jørn Hilme-stemnet. Strunkeveko har utvikla seg til å bli det største sommarkurset i folkemusikk og folkedans. På Strunkeveko får elevane kyndig kursing av dei beste lærarane, og ikkje minst vener i eit stort og triveleg folkemusikkmiljø. Kursa samlar kjernen av den folkemusikken og folkedansen vi finn i Noreg i dag, og deltakarane får opplæring i heile spekteret av ein musikktradisjon. Sidan 2009 har Valdres folkemusikkarrangement AS stått for drifta av festivalen. Dette er eit ideelt AS eigd av Valdres Folkemusikklag, som er regionlaget for alle spel– og dansarlaga i Valdres.

19/08/2026

Hausten er her, men det blir ikkje stille av den grunn! Her ei oversikt over noko av det du kan få med deg i Valdres framover til og med november:

8. september kl. 18.30, Valdres Folkemuseum: Konsert med Laila Yrvum, Leiv Solberg, Oluf Dimitri Røe og Christin Andersen / Dei reisande sin kulturkveld

11.-13. september, Valdres Folkemuseum: Norsk munnharpefestival – konsert med Naaljos Ljom, Magne Olav Selland og Helena Wright

16. september kl. 16.00-18.00, Valdres Folkemuseum: FolkemusikkUNG

10. oktober kl. 20.00, Solhaug samfunnshus: Dansefest med Valdres toradarlag.

14. oktoberber kl. 16.00-18.00, Valdres Folkemuseum: FolkemusikkUNG

17. oktober kl. 19.00, Fagernes kulturhus: Mamelukk og Barokksolistene: «The Dancers’ Brew»

1. november kl. 19.00, Valdres Folkemuseum: Konsert med Østerlide.

11. november kl. 16.00-18.00, Valdres Folkemuseum: FolkemusikkUNG

13. november, Valdres Folkemuseum: FolkKlubb med Center of the Universe, Kenneth Lien, lokale musikarar og dansekurs!

15. november, Valdres Folkemuseum: Familieforestilling: «Er heime der du bur?» med Margit Myhr og Silje Risdal Liahagen.

Sjå elles nettsidene til Hilme for informasjon om konsertar i regi av Hilme året rundt og billettar til desse. Sidene blir oppdaterte i desse dagar. Info om frivilligfest kjem også :)

Er det andre arrangement som vi ikkje har fått med her? Send ei melding, så ordnar vi det 😊

26/07/2026

TAKK FOR I ÅR: Hilme 2026 er no historie, og det er tid for å takke.
Ein stor takk går til alle artistar, kurshaldarar, deltakarar og publikum. Vi hadde eit stort og variert program med artistar i toppklasse! Publikum strøymde til og fylte opp sal og stover. Moro er det at så mange også vil vere instruktørar på kurs, og interessa for å gå på kurs er stor. Her gjer Hilme ein stor og god jobb i vidareføring av folkemusikken og -dansen. Takk for at de kom, dansa, lytta, spelte, song og deltok – vi møtast att til neste sommar!

Dei frivillige, hilmeheltane, må også få sin takk. De står på seint og tidleg og kvar og ein av dykk er utruleg viktige for at festivalen går så bra! Over 70 arrangement har vi gjennomført – takk for strålande god innsats. Invitasjon til fest kjem 😊

Sist, men ikkje minst, må vi få takke vår lokale hovudsponsor SpareBank 1 Hallingdal Valdres – de gjer denne festivalen mogleg. Takk også til samarbeidspartnar og hovudarena Valdresmusea for unike rammer til festivalen vår. Vidare må vi takke Retura Val-Hall As og Griug for god hjelp til avfallshandtering og tilrettelegging for straum på Jaslangen (sjølv om dette bles bort i år).

Utan økonomisk støtte, ingen festival. Takk også til: Kulturrådet, Sparebankstiftelsen DNB, Sparebankstiftelsen Hallingdal, Bergesenstiftelsen, Valdres Natur- og Kulturpark, Innlandet fylkeskommune, Norsk senter for folkemusikk og folkedans, Vestre Slidre kommune, Nord-Aurdal kommune, Vang kommune.

Med ein liten bildekavalkade takkar vi for i år – velkomne att neste sommar. Veke 28, som alltid, 12.-18. juli 2027.

Foto: Ingrid Elise Bråten

21/07/2026

KAPPLEIK: Kappleiken på Hilme har vore ein trufast programpost sidan starten i 1960. I år var ikkje noko unntak. Fullteikna kappleik for både juniorar og seniorar, Go`kartevlinga drog mykje folk på Skiferplassen og heile åtte lag stilte i lagdans. Det gror godt, og det er vi svært glade for!

Resultata frå finalespelet 2026:
1. Jan Beitohaugen Granli
2. Ådne Geicke Kolbjørnshus Ådne Geicke Kolbjørnshus
3. Knut Boksasp Berge og Birgit Haukås Birgit Haukås

Resultata frå Go`kar-tevlinga 2026:
Årets go`kar senior: Håkon Aasen
Årets go`kar junior: Thomas Tveit Bakketun Thomas Tveit Bakketun
Hallingkast senior: Frederick Brevig Deverill Frederick Brevig Deverill
Hallingkast junior: Thomas Tveit Bakketun
Strekke kalveskinn senior: Håkon Aasen
Strekke kalveskinn junior: Thomas Tveit Bakketun

Resultata frå heile kappleiken finn du på nettsidene våre.

Tusen takk til dommarane: Eli Marit Fuglesteg, Herbjørn Liahagen, Sverre Heimdal, Ingunn Stræte og Live Karin Liaskar. Takk også til dommarane av Go`kar-tevlinga: Martin Myhr og Solveig Hårdnes!

Foto: Ingrid Elise Bråten I N G R I D E L I S E

19/07/2026

Vi kostar på oss endå eit tilbakeblikk frå sommarens festival. Nydelege Spove spelte oss inn i sommarkvelden med sin fantastiske blanding av folkemusikk frå Syria og Hallingdal. Takk for stunda, Spove!

18/07/2026

YOGA OG LYARLÆTE: Nytt i år var eit samarbeid med om Yoga med levande musikk. Valdres har ein sterk tradisjon for lyarlæte, ein musikkform meint for lytting, noko som passar perfekt til ei stund med ro og harmoni.

Sjå og lytt - dette vart så flott!

Takk for samarbeidet og spelemannen ! 🙏

17/07/2026

Torleiv Bolstads minnestipend vart under Jørn Hilme-stemnet 2026 delt ut til Ingrid Svennæs. Vi gratulerer så mykje med prisen!

Les grunngjevinga frå minnenemnda her:

Torleiv Bolstad har betydd mye for folkemusikkmiljøet i Norge og særleg i Valdres, både som utøvar, læremeister og pådrivar. Han var eit muntrasjonsråd som delte raust av kunnskapen sin og inspirerte generasjonar av unge spelemenn og -kvinner. Torleiv var òg en av kreftene bak etableringa av Jørn Hilme-stemnet, og det er derfor fint å dele ut dette stipendet til minne om han en fredagskveld på Valdres folkemuseum.

Torleiv Bolstads minnestipend vart oppretta i 1991 av kona til Torleiv, Kjellaug Bolstad. Valdres folkemusikklag forvaltar stipendet som skal gå til ein hardingfelespelar mellom 15 og 25 år som syner særleg evne og vilje til å føre folkemusikken frå Valdres vidare.

Årets prisvinnar starta opplæringa si i kulturskulen, fyrst på fiolin i Veslefrikk og seinare som elev hjå Jan Beitohaugen Granli på hardingfele. Prisvinnaren høyrer til Vårflaumen spel- og dansarlag, og er det vi vil kalle ein komplett felespelar – noko som vil seie at prisvinnaren ikkje berre spelar fele, men også er ein god dansar. Prisvinnaren har delteke på mange kappleikar i både spel og dans.

Strunkeveko var eit årleg høgdepunkt for prisvinnaren, og som det trivelege, inkluderande og positive mennesket ho er, var rolla som førebilete på Strunkeveko for de yngre deltakarane heilt naturleg.

Åra på vidaregåande var også via til folkemusikken, og det vart tre år som elev på folkemusikklinja ved Vinstra vidaregåande skole med Vegard Vårdal som lærar. Prisvinnaren har også hatt sommarjobb som folkemusikar og -dansar ved Valdres Folkemuseum gjennom fleire sesongar. Ei erfaring ho delar med Torleiv Bolstad, og mange andre folkemusikarar og dansarar i Valdres. Denne erfaringa peikar på den viktige rollen Valdres Folkemuseum har spelt og spelar som opplæringsarena, arbeidsplass og samlingspunkt for folkemusikarar og -dansarar gjennom generasjonar.

Etter vidaregåande hadde prisvinnaren verneteneste i Sjøforsvaret -med seilas over Atlanteren og andre verdshav. Alltid med hardingfela på lugaren. Det vart speling både for meinige og admiralar, også på sjølvast 17. mai med anker kasta utanfor Hebridene. Denne dagen viste Sjøforsvarets instagrampost ein felespelande prisvinnar på fregattdekket og ein hallingdansande tinndøl som sparkar hatten ned frå et kanonløp!

No bur prisvinnaren i Bergen og studerer jus. Og om det er alderen eller tidleg modning som er grunnen; så har ho dei siste åra, i all hovudsak, delteke i lagspel i det fantastiske Spelemannslaget til fremjing av møsagrodde låttar.

Det er alltid hyggeleg å treffe deg -og det er ei stor glede, på vegne av Valdres folkemusikklag, å få dele ut Torleiv Bolstads minnestipend for 2026 til Ingrid Svennæs!

Minnenemnda 2026 ved Berit Myrvang, Ellen Persvold og Ragnhild Kolsrud, Valdres folkemusikklag

Foto: Ingrid Elise Bråten

15/07/2026

Pumpegris sytte for at eit forsmedeleg tap i kvartfinala vart fort gløymt! Takk for laget, takk for dansen og takk for nydeleg konsert i seine nattetimar!

12/07/2026

SISTE FESTIVALDAG: I dag rundar vi av årets Hilme. Siste konserten er det ingen ringare enn Silje Hegg som skal halde. Silje er ein meistar til å lokke fram nydelege tonar på seiljefløyta si, og vi gler oss til ei fin stund saman ho i Rognebygningen kl. 13.00.

Sjølve finalen er premieutdelinga i Festsalen kl. 14.00. Der skal resultata frå Hilmekappleiken avgjerast og flotte premiar delast ut.

Velkomne!

Adresse

Tyinvegen 27
Fagernes
2900

Telefon

+4761364671

Nettsted

http://www.hilme.no/

Varslinger

Vær den første som vet og la oss sende deg en e-post når Jørn Hilme-stemnet legger inn nyheter og kampanjer. Din e-postadresse vil ikke bli brukt til noe annet formål, og du kan når som helst melde deg av.