Entrée

20/04/2026

Kjetil Skøien

Collage 2–13, series (2025–26)

Found photographic material, soy sauce, pencil

23 x 32 cm

09/04/2026

Kjetil Skøien

Collage 14 (2019) and Collage 15 (2015)

Found photographic material, soy sauce, pencil

31 x 42 cm

07/04/2026

31/03/2026

Kjetil Skøien (f. 1952) bur og arbeider i Oslo og er utdanna ved Statens Kunstakademi. Han har sidan 1980-talet hatt brei utstillingsaktivitet både nasjonalt og internasjonalt, mellom anna på Institute of Contemporary Arts (London), Kunsthal Charlottenborg (København), ​​Museum Moderner Kunst (Wien), Liljevalchs konsthall (Stockholm), Kunstnernes Hus og Stenersenmuseet (Oslo). Skøien var blant dei første norske kunstnerne som arbeidde med video, og har lang erfaring som teaterregissør og koreograf. I 1986 starta han Passage Nord, eit prosjektteater der visuelle verkemiddel vert likestilte med tekst, koreografi og lyd. Arbeida hans er representerte i fleire offentlege samlingar, mellom anna Nasjonalmuseet og Oslo kommunes kunstsamling.

Skøien har i fleire tiår arbeidd i skjæringspunktet mellom biletkunst og scenekunst, der performance, video, måleri, fotografi og tekst møtest i eit tydeleg performativt uttrykk. I Evigheten varer lengst kjem denne tverrfaglege tilnærminga til syne gjennom ein solo-performance basert på tekstar av Kurt Schwitters, framført på opningskvelden. Prosjektet som vert vist på Entrée fører vidare arbeidet frå Skøien si tidlegare teaterframsyning Evigheten varer lengst (1993–97), som tok utgangspunkt i Schwitters sine lyddikt og einakterar.

26/03/2026

Kjetil Skøien, Evigheten varer lengst

20.03-10.05.2026

Entrée, Bergen

Photo: Øystein Klakegg

19/03/2026

Entrée har gleda av å presentere separatutstillinga Evigheten varer lengst av Kjetil Skøien. Utstillinga består av collagar som samlar fragment frå byar som Paris, Berlin, Tangier og Roma – bilete funne, klipte opp og sette saman på nytt. Gjennom desse visuelle notata oppstår eit poetisk arkiv av tid, rørsle og stad, der arkitektur, kropp og landskap glir over i kvarandre.

Å samle materiale er ein viktig del av praksisen til Skøien. Blikket skjerpast i møtet med det tilfeldige; byen vert lesen gjennom detaljar, overflater og restar. I collagane oppstår nye samanhengar der arkitektur, kropp og landskap glir over i kvarandre. Arbeida kan likne dagbøker – visuelle notat der tid og rørsle er lagra i papiret. Utstillinga på Entrée er hans første separatutstilling med collagar.

Velkommen til utstillingsåpning i morgon fredag 20. mars kl 18:00!

12/03/2026

Siste visningsveke for Marthe Minde - Ljospost! Utstillinga er open 12–16, torsdag-søndag. Siste visningsdag er 15.03.

Verka i denne utstillinga er ein del av Marthe Minde sitt pågåande doktorgradsarbeid ved Kunsthøgskolen i Oslo. I doktorgraden leitar ho etter nye teknikkar for å veva tredimensjonalt, ho utforskar lokalt vevmateriale, og ho undersøkjer lyriske tekstar i møte med vovne verk. Rokk og flatvevstol er hovudreiskapane hennar, og materialbruken er tett knytt til landskapet ho kjem frå.

Ho sirklar seg inn på barndomsdalen og leitar etter nytt vevmateriale i vegkanten, skogen og badevatnet. Ho grev opp røter, flettar siv, spinn ull og sankar kvae. Dei lokale materiala tek ho med seg inn i vevstolen og byggjer lag på lag. Med formskorne treplater, oppkutta vevskeier og spennreimer lagar ho lommer og pressar inn ulike former i vevnadane. �

Doktorgradsprosjektet er eit eksperimenterande og undersøkjande arbeid som testar grensene for kva ein kan få til med fleirlagsveving. Prosjektet byggjer på vevteknikkar Minde har utvikla tidlegare, og gjennom doktorgraden søkjer ho nye teknikkar og fremjar problemstillinga: Korleis kan ein utvikla tredimensjonal veving og skapa nye visuelle uttrykk med ein manuell flatvevstol?

10/03/2026

Marthe Minde tek oss med tilbake til barndomsheimen sin med sine vevde skulpturar. Resultatet vert både kraftfullt og poetisk, og får oss som betraktarar til å sjølve legge ut på ei reise inn i vår eiga fortid.

10/03/2026

Marthe Minde

Ljospost I, 2022–2025

4-lagsvev, manuell flatvev

Handspunnen, svart spælsauull frå Langedalen, grankvae frå Langedalen, skifer frå Oppdal, glas frå gravlykter, stål, tape, trevirke

447 x 70 x 70 cm

På vegg:

Vevoppskrift til Ljospost I

Tusj på wenzhou-papir, vevspiler, magnet

400 x 138 cm

05/03/2026

Lyktene i Marthe Minde si utstilling ‘Ljospost’ er vovne flatt på ein manuell flatvevstol, og kan faldast ut til eit romfang når ein løyser dei frå vevstolen. Trådane er handspunne, svart spælsauull. Lykteglasa og delar av ulla er dekte av grankvae. Renningstrådane objekta er vovne av, omsluttar dei lik eit slør av tungt vestlandsregn. Tynne trådar held det heile og kviskrar om den skøyre tilhøyrsla. �

Tittelen Ljospost kan lesast på fleire måtar. Ordet post kan visa til ein stolpe, ei støtte, ein tilvist stad for vaktteneste, eller noko ein får tilsendt. I ein avisartikkel om ei redningsøving av Røde Kors vert ordet lyspost nytta: «Jeg satt på lyspost fra klokken fire i natt til åtte i dag morges. Da sitter vi og med lys, slik at savnede kan se oss hele natten».

Utstillinga er open torsdag-søndag, 12-16, fram til 15. mars.