09/05/2022
Vel møtt!
«TORKJELL HAUGERUD I ORD OG TONAR»
Spelemannen Torkjell Haugerud frå Bø gifta seg i 1903 med Bergit Sigurdsdotter Nes frå Seljord. Etter nokre år flytta dei til garden Nes langs Garviksstrondi. Med Torkjell Haugerud kom ein av dei fremste spelemennene til Nes som då var eit av dei viktigaste sentera for hardingfela på 1900-talet. Ein heil generasjon felespelarar var innom her for å lære. I dag er det Torkjell og Bergit sine to borneborn, Torkjell og Kristoffer, som bur på den vakre plassen, og dei opnar heimen sin for ein flott dag med fokus på Torkjell Haugerud sitt liv og verknad.
Søndag 5. juni kl 13 skipar Telemarkfestivalen og Sørnorsk folkemusikksenter til konsert ute på tunet på Nes. Her har det opp i gjennom åra vore mange møter i musikk, og denne dagen er det Torgeir Straand, Knut Buen, Ragnhild Rose Knudsen, Torunn Raftevold Rue, Jon Solberg, Anne Gravir Klykken og Bø juniorspelemannslag som spelar opp.
Billettar i sal via Gullbring kulturanlegg:
https://www.gullbring.no/torkjell-haugerud-i-ord-tonar-b2p3wx/
Praktisk info:
- Parkering ved garden.
- Ta med eigen stol om du ønskjer å sitte!
- Sal av kaker og kaffi ved Bø juniorspelemannslag.
Obs! Vérforbehold! Om det vert eit grueleg regnvér denne dagen vert konserten flytta til ein solskinsdag!
Velkomen!
