Kunsthuset Kabuso

18/06/2026

Ung Fritid i Kvam arrangerer kjekke sommaraktivitetar for born og unge. Onsdag 24. juni kan ein melde seg på ein skapande dag i Kabuso. 🫟✂️🖌️📓Her skal me marmorere på papir, lage pop-up kort og sy bøker med meir. Hugs at ein må melda seg på gjennom denne lenka!

No er påmeldinga til Ung Fritid sine sommartilbod i vekene 26, 27 og 33 opna ! Me kan tilby mange kjekke aktivitetar for aldersgruppa 11-18 år, og nokon for heile familien. Alle aktivitetar er gratis.

05/06/2026

Velkommen i Kabuso 👋☕️🧁🖼️

Sommarens utstilling med Kari Dyrdal / Jon Arne Mogstad / Jeremy Welsh står til 30. august. Open butikk og kafe.

Foto: Kabuso
Foto: Pål Hoff. Viser Kari Dyrdal, Gult hav, 2021

28/05/2026

DYRDAL/MOGSTAD/WELSH står i Kabuso denne sommaren. Gjennom video, tekstil og måleri reflekterer kunstnarane kring korleis vatn ter seg og fangar skiftingane i lyset.

Eit fellestrekk for kunstnarane i utstillinga er interessa for vassflata sine speglingar:
Teppa til Kari Dyrdal er nøye planlagde framstillingar av vatnet sine kvervlande nanosekund, omsett til motiv i renning og innslag, ein visuell spagat som digitalvev-teknikken gjer mogleg.
Jeremy Welsh observerer vatnet sine ulike skikkelsar, som tåke, regn, fjord, bre og snø, og korleis vatnet flyt gjennom kameralinsa og dei elektroniske signala i videoskjermen.
Jon Arne Mogstad har eit djupt engasjement for korleis hand og auge evner å feste dei raske skiftingane til lerretet ved hjelp av pigment og olje.

Utstillinga står til 30. august

Foto: Pål Hoff

19/05/2026

LEDIG STILLING. Vil du forma Kabuso framover? Kabuso søker ny leiar. Søknadsfrist 15. juni

Kabuso søkjer no ein engasjert og utviklingsorientert avdelingsleiar som vil vere med på å vidareutvikle Kabuso som kunstinstitusjon og møteplass.

Som avdelingsleiar får du ei sentral rolle i å forme profilen til Kabuso, med ansvar for både kunstnerisk utvikling, dagleg drift og strategisk leiing.

Foto: Katrin van Tulder

18/05/2026

16. mai vart utstillinga DYRDAL/MOGSTAD/WELSH opna i Kabuso. Utstillinga står til 30. august.

12/05/2026

Denne veka opnar Kabuso sommarens utstilling DYRDAL/MOGSTAD/WELSH og 17. mai opnar me huset for feststemning🇳🇴💐

04/05/2026

Søknadsfrist 8. mai. Løp og søk!

Lyst til å jobbe i Kabuso? Me har ei ledig fast stilling i kafe/resepsjon på 24,3% frå medio juni. Du vil arbeide fredag til sundag tredjekvar helg og tre veker i løpet av sommaren.

Me ser etter deg som har kunnskap og interesse for kunst og musikk, og evner å formidle på norsk og engelsk. Du må beherske grunnleggande digitale verktøy, ha gode samarbeidsevner og like å arbeide med publikum.

Søknadsfrist 8. mai.

01/05/2026

SISTE DAGAR for Lars Korff Lofthus / Ingrid Toogood / Bjørn Båsen - Tre målarar om ornamentikk og rom.

Siste visningsdag er 3. mai.

Foto: Thor Brødreskift