TC Teater

18/03/2026

TC Teater komt werom!

Yn it neijier fan 2026 en it foarjier fan 2027 komt TC Teater werom mei opnij in Fryske premjêre. 'In bûsfol stiennen' fan Marie Jones yn de Fryske oersetting fan Gurbe Dijkstra is fan 30 oktober 2026 ôf te sjen op ferskate plakken yn Fryslân. Dizze foarstelling stiet ûnder rezjy fan Bruun Kuijt. De folsleine spyllist:

- Freed 30/10/26 om 20:15 - Ons Gebouw yn Boalsert (te-gast by Boog)
- Freed 13/11/26 om 20:15 - Theater Sneek (te-gast by It Snitser Toaniel)
- Sneon 14/11/26 om 20:15 - Theater Sneek (te-gast by It Snitser Toaniel)
- Sneon 28/11/26 om 20:15 - Theater de Bres yn Ljouwert
- Sneon 23/01/27 om 20:15 - It Swettehûs yn Skearnegoutum

Sjoch foar mear ynformaasje ús webside: www.tcteater.nl

07/01/2026

Ferline wike koene wy yn it programma ‘op en út’ yn de studio fan Omrop Fryslân al in lyts foarpriuwke jaan oer de foarstelling 'In bûsfol stiennen'. De foarstelling sil yn it neijier fan 2026 op ferskate plakken yn Fryslân yn premjêre gean. Hâld ús socials en de website yn'e gaten foar mear ynfo, ús spyllist en de kaartferkeap!

24/12/2025

23/11/2025

Fryske premjêre yn 2026 foar TC Teater:

‘In bûsfol stiennen’

TC Teater komt opnij mei in Fryske premjêre!

Yn 2026 bringe wy ‘In bûsfol stiennen’ nei Fryslân. In komeedzje mei in bysûndere skiednis en in hiel eigen Frysk lûd.

Dizze nije Fryske ferzje is in oersetting fan it ynternasjonaal bekroande ‘Stones yn His Pockets’ fan de Noard-Ierske auteur Marie Jones, in ferhaal dat wrâldwiid yndruk makke tanksij syn humor, tempo en it unike konsept wêrby't twa akteurs tsientallen personaazjes ta libben bringe. De Fryske oersetting is fan Gurbe Dijkstra. De rezjy is yn hannen fan nimmen minder as Bruun Kuijt.

De foarstelling sil yn it neijier fan 2026 op meardere plakken yn Fryslân yn premjêre gean. Meikoarten meitsje wy de spyllist en kaartferkeap bekend.

14/10/2025

29/09/2025

Een jaar geleden speelde TCTeater een aantal uitverkochte voorstellingen in Scharnegoutum, ze kregen een mooie recensie! Op 17 oktober in reprise in Ons Gebouw in Bolsward! https://boog-bolsward.nl/event/tc-teater-kamelen/

19/09/2025

Hasto ús poster al hingjen sjoen yn Boalsert? Op freed 17 oktober om 20:15 spylje wy yn ‘Ons Gebouw’ noch ien kear de foarstelling ‘Kamelen’.

Kaarten fia:

https://boog-bolsward.nl/event/tc-teater-kamelen/

24/06/2025

Ja! De kaarten foar ús foarstelling 'Kamelen' binne yn de ferkeap! Dizze foarstelling spylje wy op freed 17 oktober yn 'Ons Gebouw' yn Boalsert. Bestel no dyn kaarten fia Boog Bolsward foar dizze reprize!

Reprize! De foarstelling 'Kamelen' fan TC Teater giet yn reprize! Op freed 17 oktober 2025 spilet TC Teater dizze foarstelling yn 'Ons Gebouw' yn Boalsert. Kaarten (mei koarten) fia de webside fan Boog Bolsward fia de knop hjurûnder

05/05/2025

Reprize!

Foar yn ‘e aginda!
De foarstelling 'Kamelen' fan TC Teater giet yn reprize! Op freed 17 oktober 2025 spilet TC Teater dizze foarstelling yn 'Ons Gebouw' yn Boalsert. Kaarten (mei koarten) fia de webside fan Boog Bolsward.

https://boog-bolsward.nl

27/10/2024

Fia dizze wei wolle wy alle besikers fan Kamelen betankje foar harren komst. Ek wolle wy ús tank útsprekke rjochting it Swettehûs te Skearnegoutum. Foar de gastfrijheid en harren fleksibiliteit. Spesjale tank oan alle meiwurkers fan TC Teater dy't ek dizze Fryske premjêre ta in sukses brocht hawwe. Hjirûnder in lytse ympresje fan de foarstelling. Foto's binne makke troch: Leo Veldhuizen