Iepenloftspul Jorwert

Startpagina
Nederland
Jorwerd
Iepenloftspul Jorwert

Routebeschrijving Website Contact opnemen met het bedrijf

03/10/2026

Noch ien kear: tige tank!
Wy hawwe jim de ôfrûne tiid hiel wat bylden fan SWYN! sjen litten. Fan it poadium, de spilers en alles wat der achter de skermen barde.

Mar no draaie wy de kamera noch ien kear om. Want wat hawwe wy fan jim genoaten!
Jûn nei jûn in f***e tribune, entûsjaste reaksjes, in protte wille en fansels dat prachtige applaus. Jim hawwe SWYN! mei ús belibbe en dêrmei eltse foarstelling wer bysûnder makke.

Dus noch ien kear, fan ús allegear: tige tank foar jim komst, jim entûsjasme en alle moaie reaksjes! ❤️
Genietsje noch efkes mei ús mei fan de oare kant fan it poadium…

Oant in oare jier yn Jorwert!

Foto's PDF-Grafie, Piet Douma

25/09/2026

De ôfrûne tiid hawwe wy jim yn de kunde komme litten mei de gesichten fan SWYN! Hjoed is it tiid foar de lêste út de rige. Kom yn de kunde mei Henk
Henk wurdt spile troch Ait Jan Bouma.

En Henk? Dy lit der gjin misferstân oer bestean: “Ik kom net op syn begraffenis!”

Dat is dúdlik. Mar wêrom wol Henk net komme? Wat is der bard tusken him en Swyn? Dêr sizze wy noch mar efkes neat oer…

iepenloftspullen

23/09/2026

De Tún fan boppen besjen?
Altyd al nijsgjirrich west hoe't ús prachtige spylplak der fan boppen útsjocht? No hast de kâns! Besjoch dizze unike dronebylden fan De Tún en sjoch Jorwert ris út in hiel oar perspektyf.

Mei tank oan Wybo Smids foar dizze prachtige bylden!

En… kinsto alles weromfine fan boppen?

iepenloftspullen

21/09/2026

Kom yn de kunde mei Nel. Nel wurdt spile troch Rixt Siderius.

“By him wie ik goed sa’t ik wie.”

In koarte sin, mar miskien wol ien fan de moaiste dingen dy’tst oer in oar sizze kinst. By Swyn hoegde Nel neat oars te wêzen. Gewoan harsels.

iepenloftspullen

19/09/2026

Kom yn de kunde mei Berber. Berber wurdt spile troch Doete Stenekes.

“Swyn wie in bysûndere… nee, in geweldige man.”

Bysûnder is net genôch. As it oan Berber leit, fertsjinnet Swyn in better wurd. Mar wêrom wie hy foar har sa’n geweldige man?

iepenloftspullen

18/09/2026

Fannejûn nei SWYN!: Piter Wilkens!
Nei de foarstelling noch net fuort nei hûs? Dat hoecht ek net! Yn Het Wapen van Baarderadeel giet de jûn gewoan noch efkes troch. Fannejûn soarget Piter Wilkens foar de muzyk.

Dus: nei SWYN! noch efkes neisitte, wat drinke en genietsje fan live muzyk. Geselliger kinne wy it hast net meitsje!
En komst wat earder nei Jorwert? Wistest datst by It Kafee ek foar de foarstelling lekker ite kinst? Noch net reservearre? Doch dat dan foaral.

Lekker ite, SWYN! sjen en de jûn ôfslute mei Piter Wilkens.

Oant fannnejûn yn Jorwert!

17/09/2026

Kom yn de kunde mei Thea. Thea wurdt spile troch Gaiske Meinsma.

“Yn it draaiboek stiet dat it in moai en weardich ôfskied wurdt. Dus wurdt it in moai en weardich ôfskied.”

Der is in draaiboek. Der is in plan. En Thea sil der wol foar soargje dat it sa giet. Mar ja… dit is SWYN!

iepenloftspullen

15/09/2026

Kom yn de kunde mei Amira. Amira wurdt spilie troch Sjoukje Minkema.

“Waar iedereen hetzelfde ontwijkt, begint de waarheid.”

Wat wurdt der net sein? Wêr sjocht elkenien leaver fan wei? En wat bart der as ien dêr krekt wól nei doart te sjen? Amira siket dêr’t oaren leaver net sykje.

iepenloftspullen

Adres

Master Sluytermanwei
Jorwerd
9023AB

Website

http://www.iepenloftspuljorwert.nl/

Meldingen

Wees de eerste die het weet en laat ons u een e-mail sturen wanneer Iepenloftspul Jorwert nieuws en promoties plaatst. Uw e-mailadres wordt niet voor andere doeleinden gebruikt en u kunt zich op elk gewenst moment afmelden.