12/01/2024
Falalar Watan Rajab Daga Shaikh Ibraheem Zakzaky (H)
Rajab, idan mutum ya duba Mafatihul Jinan, a yayin da yake kawo ayyukan shekara ya fara da watan Rajab ne. Yana cewa; shi ne k**ar watan farko a ayyuka. Rajab, Shaโaban, Ramadan, watanni masu ayyuka na ibada. Saboda haka ya k**ata mutum ya yi shirin shiga Rajab.
Akwai ayyuka na musamman na daren farko na Rajab. Kar mutum ya yi sake. Daren farko da kuma, musamman azumin farkon Rajab din. Ya tashi da azumi daya ga watan Rajab. Da Rajab da Shaโaban da Ramadan, watanni ne masu darajar gaske.
An samo hadisai daban-daban a kan falalolinsu. A cikin Ikbal Aโamal, na ga shi Sayyid bn Dawus ya kawo wani dogon magana a kan cewa; ka sani dangane da falala an samo ruwayoyi da yawan gaske. To, ko da a โkaโidatul man balagahโ. Idan ka san wata kaโida ana ce ma ta โkaโidatul man balagah,โ hadisi ne aka samu daga Aโimma daban-daban ma.
An samu daga Imam Bakir da Imam Jaโafar da Aiโmma (AS) daban-daban cewa; idan ruwaya ta zo maka dangane da wani aikin alheri, in ka aikata, kana da ladan wannan abin da ka ji an gaya maka din, ko da ba haka Annabi ya fada ba. Saboda ita falalar Allah tana da yawan gaske.
Wato a babin falala ana amfani da hadisi, ko da bai inganta ba, ko da mai rauni ne. Hadisin da ba za a yi amfani da shi ba a babin falala kawai shi ne, ya tabbata kirkirarre ne. Hadisi Mauduโi, za a iya amfani da shi? Sam! Amma hadisi mai rauni, ba wani damuwa. In dai ya ce; wanda ya karanta kaza, za a ba shi kaza. Khalas! Karanta kawai, insha Allahu ka ma samu ka gama.
Saboda Allah (T) abin da yake da shi yana da yawan gaske. Bisa yalwar Rahamarsa zai ba ka wannan din. Yawwa! In dai aka samu ruwayar. Ballantana mu muna da ruwayoyi ma, wadanda suke ba a babin โkaโidu man balagahโ ba. Ainihin ma sun inganta ne ruwayoyin.
To, hatta ko ba su inganta ba a babin falala. Don wasu ka ga ni ban san abin da ya same su ba, da zaran watan wannan Azumin ya k**a, su kuma sun fara waโazi ke nan, kar a yi azumi. Wai azumin ana ce masa na tsofaffi. Wannan azumi ne na tsoho? Sun fara wannan abin ke nan. Ye-ye-ye, su yi ta ihu. Wai a daina yi. Wai Annabi bai yi ba.
Kuma sai su zo su ce; to, Annabi bai yi Rajab ba dai, amma ya yi Shaโaban. To, su kuma ba za su yi Rajab din ba, ba za su yi Shaโaban din ba. Amma sun dunga ke nan, suna cewa wadansu mutane sun kirkira ma kansu, suna yin azumin wata uku. Duk wanda ya yi haka nan, ya sabi Allah. Annabi bai taba wata uku yana azumi ba.
To, โfalyakunโ. Wa ya ce maka azumin ba kyau ne? Da Annabin bai yi ba, sai ya ce maka kada ka yi? Uhm? Da kake shan fura da nono, Annabi ne ya sha Fura da nono din? Da kake cin tuwo miyar kuka din nan, shi ma Annabi ne ya ci? To, ya ce maka kada ka ci ne? Ehen! Cewa Annabi bai yi ba, ba shi ne magana ba. Annabi ya ce; kada a yi?
To, ballantana an samu ruwaya. Su suna da ruwayar cewa; Annabi ya kasance ya kan yi azumin Shaโaban duk cikarsa, ya sada shi da Ramadan. Amma ba dayansu da zai yi. Yana nan yana s**an kar a yi Rajab. Amma Annabi yana Shaโaban. To, tunda yana s**ar kar a yi Rajab, sai ya bar Rajab din, sai ya yi mene? Sai ya yi Shaโaban din. Amma ba zai yi wannan ba, ba zai yi wancan ba. To, wannan buzines dinsu ne. Su s**a dauka ma kansu.
An ruwaito Manzon Allah (S) yana cewa; Rajab watan Allah ne, Shaโaban watana, Ramadan kuma watan alโummata. Yana cewa; โwanda ya yi azumin yini guda na Rajab, zai cancanci yardar Allah. Kuma za a nesanta fushin Allah gare shi. Za a dode masa kofa daga kofofin wuta.โ
Daga Imam Musa bn Jaโafar (AS) yana cewa, โwanda ya azumci yini guda na Rajab, wuta za ta yi nesa da shi shekara guda. Wanda ya yi azumin kwana uku a Rajab, Aljanna ta wajaba gare shi.โ To, ga su nan dai (ruwayoyi daban-daban).
Akwai kuma ruwayar da ke cewa; โshi Rajab din nan wata korama ce a Aljanna, ta fi nono fari ta fi zuma zaki. Wanda ya azumci yini guda na Rajab, Allah zai shayar da shi daga wannan korama din.โ Ga su nan, ga su nan, ruwayoyi daban-daban. Saboda haka mutum ya fara kaimi. Insha Allahu ya shiga Rajab da ayyuka na alheri da tuba ya zuwa ga Allah.
Wasallallahu Ala Muhammadin waโalihid dahirin.
โ Shaikh Zakzaky (H) ya yi wannan jawabin a karshen wata watan Jimadal Thani, a shekarun baya a Husainiyya Baqiyyatullah.
Domin samun ayyukan ibada na wannan wata mai alfarma ku kasance da ๐๐ผ
F-fighters Zauren A'amal ๐๐ผ
https://chat.whatsapp.com/D9T4vMofIQqGXGmDjTHJXp
FREEDOM FIGHTERS NG
Follow us @
๐www.freedomdomfightersng.com
๐ฅ๏ธ t.me/freedom_fighters_ng
๐ฒ www.twitter.com/f_fightersng
๐ธ www.instagram.com/freedom_fighters.ng/
๐ฑwww.facebook.cD9T4vMofIQqGXGmDjTHJXp
WhatsApp๐๐ฝ https://chat.whatsapp.com/D9T4vMofIQqGXGmDjTHJXp
