13/04/2026
Die braaikampioene van die NLU Agribraai 2026 kom vir die vierde agtereenvolgende jaar weer uit die Ooste. Witvlei Boerevereniging (BV) wat vanjaar 100 jaar bestaan, het die komende naweek dubbele rede om hul eeufeesvieringe vrolik te vier nadat hulle die naweek met die louere op Gobabis weggestap het. Die naaswenner is Kalahari-Oos BV en Hochfeld in die derde plek. Die wenner van die sosiale spanne is Agra Gobabis. Van links is die Namibiese sjef en organiseerder van die beoordelaars, Sanet Prinsloo, braaikampioene Hiletje Grobbelaar, haar seun Frans Grobbelaar, Joy Pieterse en Nadine Grobbelaar van Witvlei BV, asook organiseerders Stoffel Labuschagne en Cherryl Pienaar van Sonop BV, die wenspan van verlede jaar.
Foto verskaf
