10/08/2026
Simpan ditu nyadi kepengingat kami sebuat udah kala datai ba Semi-Final ACSJ ke 9/2026.
Kena ku mula ke cherita kami sebuat Kelemayang Band Official tu, dulu aku meri besai terima kasih ngagai peminat & penyukung tegar Kelemayang ngelama tu, ti nadai kita sapa meh kami tu.
Ka share² mimit meh pejalai Kelemayang Band nyentuk ulih datai ba tikas tu. Kerubah iya suba maia kami sebuat ka ngankat ke diri ba industri muzik kitai iban tu, chukup pedis endur kami sebuat tu deka ngerembus kediri nyentuk dikelala urang mayuh, mayuh rintangan & penguji datai maia nya.
Nerima jaku jai, nerima jaku ti ngemedis ke ati, tang semua nya kami simpan nyadi ke peransang kami sebuat ba industri muzik kitai iban tu, ukai nyamai ka nyadi nyamai au, mayuh utai ditujah dulu sebedau nuan deka dikelala urang bala mayuh.
Bisi meh urang nanya bekenan enggau View kami suba keterubah lagu Single pertama kami suba Pengerindu Putus Di Tengah Jalai release suba, view lubah niki. Tang selang beberapa bulan udah nya View alu mengejut niki, utai nadai disadang ulih rembus ngagai bejuta tontonan, diatu udah 6 Juta lebih View lagu nya, nya meh kumbai urg Bonus. Saut aku simple aja, view tu semina bonus aja, enti iya lebih ari target syukur meh nya Puji Tuhan, tang enti view nya mimit ambik meh sebagai nuan bekarya aja, anang setegal view remeh temeh nya alu ka putus asa ga?? Enda pia iya?? Enti d ka nyadi artis, ati d mesti ka kering nerima semua penguji, ukai semina ngambi nama aja ba industri muzik kitai iban tu, laban kitai mayuh saingan jam kediatu, ukai baka ke dulu kelia menya. Utai nya enggau nasib munyi ko urg, anang kelalu mengharap. Bisi sekeda nyu ringat meh nya, bisi sekeda nyu enggai betegur enggau pangan diri meh, udah nya alu enggai bekarya agi, anang baka nya d, setegal utai baka nya. Yang penting bekarya aja.
Utamakan kualiti, ukai kuantiti anang ka ke populariti aja, upgrade dulu diri nuan empu. Popular tu iya datai enda disadang, enda ibuh nuan mengjejar populariti nya. Bisi sekeda nya meda view enda niki, alu ka menumpang populariti urang bukai, ngelari diri empu setegal view iya enda niki. Enda ibuh baka nya meh, chukup meh bekarya aja.
Taja meh kami sebuat Kelemayang enda masuk enggau Final ACSJ ke 9/2026 tu, kami chukup gaga ati serta bersyukur amat udah ulih ngerembus ngindik kaki ba atas Pentas Besai ACSJ, ukai nama aku munyi nya laban artis ke dipilih Radio RTM WaiFM Iban, ukai calang² maganag nya, udah kala nyadi Lumur Satu serta kala Juara magang nya ba Carta Sapa Juara (CSJ) setiap minggu.
Rindu ati lelengau ga asai iya, ka begulai enggau artis² Semi-Final ACSJ ke 09/2026 tu tadi, mayuh pengelaman ditimba serta diulih. Yang paling penting tu Kaul kitai enggau pangan diri maia begulai nya Lumur-1. Enti bisi salah jaku kami, maia betundi, bebuti kini kami sebuat Kelemayang Band sepengelama kitai begulai maia nya, kami minta ampun mayuh² ngagai kita semua bala menyadi. Enti bisi rezeki, umur panjai, kitai betemu baru bala madi semua.
Kami sebuat beterima kasih mayuh² ngagai Juri keudah ngaga keputusan muktamad ba ACSJ ke 09/2026 tu tadi, kami udah bangga laban udah datai ba Semi-Final ACSJ ke 09/2026. Ila enti bisi rezeki baru, kitai betemu baru ba ACSJ ke 10, okeyhhhh???
Anang enda ingat au, Lagu Nuan Berulah by Kelemayang Band diatu udah Juara 🏆 ba Carta Sapa Juara (CSJ) sepengelama udah ba Radio RTM WaiFM Iban 8 minggu. Undi meh lagu tu bala madi semua, ngambi kitai ulih betemu baru ba ACSJ ke 10.
Enggau penutup jaku aku tu, kami sebuat minta ampun ngagai semua peminat & penyukung tegar Kelemayang laban enda ulih datai masuk ba Final, kami nemu udah mengecewakan kita semua bala madi, arap ketaun kedudi agi ila, kami ngaga yang lebih terbaik agi ari keudah².
Terima kasih mayuh² mega ngagai nyukung & peminat kami ari Brunei Darussalam 🇧🇳🇧🇳🇧🇳, udah datai jauh² support Kelemayang Band 01/08/2026 ari Enam ba Dewan Serbaguna Selangau. Sekali da kita kitu baru ila, enti nyema Kelemayang Band enggau ACSJ ke 10, anang enda ingat kita ke ari Brunei din ngemai Tambai Brunei empu kitu, untuk meriahkan suasana nya ila, sangat² supporting!! 🤟🏻🤟🏻🤟🏻
UNDI meh lagu NUAN BERULAH Single ke 3 kami, ba CSJ Radio RTM WaiFM Iban. ✌✌✌✌✌✌ Byeee!! Utamakan Kualiti, Ukai Kuantiti & Ukai Populariti✅. Ila kitai be cherita baru, tulis pepanjai nadai urang ka maca legi🤣🤣. K byeeee!!! Love you allssssss🤟🏻🤟🏻🤟🏻🤎🤎🤎🤎!!!
Admin Band : Dickson Bos
DB Records Music Production semua orang
