Falsafah Tere Shaher Tak.

06/06/2026

ਮੈਂ ਰੁੱਖ ਹੱਸਦੇ ਵੀ ਦੇਖੇ ਆ ਤੇ ਰੁੱਖ ਰੋਂਦੇ ਵੀ ਦੇਖੇ ਆ 2
ਮੈਂ ਟਾਹਣੀਆਂ ਨੂੰ ਆਪਸ ਵਿੱਚ ਗੱਲਾਂ ਕਰਦੇ ਵੀ ਤੱਕਿਆ 2
ਨਵੇ ਪੱਤੇ ਆਉਂਦੇ ਤੇ ਪੁਰਾਣੇ ਪੱਤਿਆਂ ਨੂੰ ਝੜਦਿਆਂ ਵੀ ਦੇਖਿਆ
ਮੈਨੂੰ ਉਡੀਕਦਿਆਂ ਕਈ ਵਾਰੀ ਤੱਕਿਆ ਏ ਉਸਨੂੰ,
ਮੇਰੇ ਆਉਣ ਦੀ ਆਹਟ ਵਿਚ ਖੁਸ਼ ਹੁੰਦਿਆਂ ਮੈਂ ਦੇਖਿਆ
ਮੈਨੂੰ ਖੁਸ਼ ਦੇਖ, ਖੁਸ਼ ਹੁੰਦਾ ਏ ਉਹ, ਰੋਣ ਨਾਲ਼ ਮੇਰੇ ਉਦਾਸ ਹੁੰਦਾ ਮੈਂ ਦੇਖਿਆ
ਕੁਹਾੜ ਦੀ ਕੁਹਾੜੀ ਕੋਲੋਂ ਉਸਨੂੰ ਡਰਦਿਆਂ ਮੈ ਦੇਖਿਆ
ਸਹਿਮ ਕੇ ਆਪਣੇ ਹੀ ਅੰਦਰ ਵਰ੍ਹਦਿਆਂ ਮੈਂ ਦੇਖਿਆ
ਸਾਰੇ ਦੁੱਖ ਸੁੱਖ ਉਹਦੇ ਨਾਲ ਮੈਂ ਕਰ ਲੈਂਦਾ ਹਾਂ
ਇੱਕ ਚੁੱਪ ਦਾ ਸਕੂਨ ਜਿਹਾ ਨਾਲ ਰਿਸ਼ਤਾ ਮੈਂ ਉਹਦੇ ਰੱਖਿਆ
ਜਦੋਂ ਕੋਈ ਪ੍ਰੇਸ਼ਾਨੀ ਹੋਵੇ ਮੈਂਨੂੰ
ਦੇਖਾਂ ਵਲ ਉਸਦੇ, ਤਾਂ ਉਸਨੂੰ ਮੈਂ ਮੁਸਕਰਾਉਦਿਆਂ ਵੀ ਦੇਖਿਆ।
ਕੜ ਕੜ ਪੱਤਿਆਂ ਦੇ ਨਾਲ ਮੈਨੂੰ ਹਸਾਉਂਦਿਆਂ ਞੀ ਦੇਖਿਆ
ਆਏ ਤੂਫ਼ਾਨ ਝੜ ਗਏ ਪੱਤੇ
ਸਵੇਰ ਨੂੰ ਫਿਰ ਮੁਸਕਰਾਉਦਿਆਂ ਮੈਂ ਦੇਖਿਆ।
(JASWINDER KAUR)

16/04/2026

ਕਿਸੇ ਨੇ ਪੁੱਛਿਆ ਤੇਰੇ ਹਾਸੇ ਦਾ ਰਾਜ ਕੀ ਏ,
ਮੈਂ ਹੱਸ ਕੇ ਉਸਨੂੰ ਵੀ ਹਸਾ ਦਿੱਤਾ।
ਖੋਲ੍ਹਣਾ ਚਾਹੁੰਦਾ ਸੀ ਜੋ ਉਹ ਉਲਝਣਾ ਨੂੰ,
ਮੈ ਉਸ ਵਿੱਚ ਹੀ ਉਸਨੂੰ ਉਲਝਾ ਦਿੱਤਾ।
ਨਾ ਗਮ ਕਰ ਮੇਰੇ ਹਾਸਿਆਂ ਦਾ ਮੈਂ ਰੋ ਕੇ ਤੈਨੂੰ ਵਿਖਾਉਣਾ ਨਹੀਂਉ ,
ਅਗਰ ਖੁੱਲ ਗਿਆ ਰਾਜ ਹਾਸਿਆਂ ਦਾ ਤਾਂ ਤੂੰ ਰੋਣੋ ਚੁੱਪ ਹੋਣਾ ਨਹੀਂਉ ।
ਮੌਜ ਕਰ ਮਜ਼ਾ ਕਰ ਮੇਰੇ ਹਾਸਿਆਂ ਨਾਲ,
ਐਵੇਂ ਕੀੜੀਆਂ ਦੇ ਭਾਉ ਵਿੱਚ ਹੱਥ ਪਾਉਣਾ ਨਹੀਂਉ ।
ਮੇਰੇ ਹਾਸੇ ਨਾਲ ਸਾਰਾ ਜੱਗ ਹੱਸੇ ਘਰ ਬਾਹਰ ਹੱਸੇ,
ਰੋ ਪਈ ਤਾਂ ਕਿਸੇ ਥਿਅਉਣਾ ਨਹੀਂਉ ।
ਮੰਨਿਆ ਤੈਨੂੰ ਫਿਕਰ ਹੈ ਮੇਰੀ,
ਜੋ ਇਸ ਹਾਸੇ ਦਾ ਰਾਜ ਪੁੱਛ ਰਿਹਾ ਹੈ।
ਤੂੰ ਕੀ ਸਮਝਾ ਏਥੇ ਹਰ ਕੋਈ
ਸੱਚੇ ਦਿਲ ਤੋ ਹੱਸ ਰਿਹਾ ਹੈ?
ਏਥੇ ਹਰ ਕੋਈ ਝੂਠ ਦੀ ਚਾਦਰ ਲਪੇਟੀ ਦੋਹਰੀ ਜ਼ਿੰਦਗੀ ਜੀ ਰਿਹਾ ਹੈ।
ਕੀ ਮਿਲੇਗਾ ਤੈਨੂੰ ਉਸ ਹੱਦ ਤੱਕ ਜਾ ਕੇ
ਜਿੱਥੇ ਇੱਕ ਮੁਰਦਾ ਆਖਰੀ ਸਾਹਾਂ ਤੇ ਜੀ ਰਿਹਾ ਹੈ।
ਬਹੁਤ ਕੁਝ ਸਮੇਟੀ ਬੈਠਾ ਹੈ ਏਹ ਹਾਸਾ,
ਕਈ ਤੂਫਾਨ ਇਸ ਦੇ ਅੰਦਰ ਨੇ।
ਬਹੁਤ ਕੁਝ ਤਾਂ ਖੋਹ ਲਿਆ ਏ ਜ਼ਿੰਦਗੀ ਨੇ?
ਬੱਸ ਥੋੜ੍ਹੇ ਜਿਹੇ ਜੀਣ ਦੇ ਅਰਮਾਨ ਇਸ ਦੇ ਅੰਦਰ ਨੇ।
ਜੋ ਮੈਂ ਸਮਝੀ ਇਸ ਜ਼ਿੰਦਗੀ ਦੀ ਉਥੱਲ ਪੁਥਲ ਤੋਂ ਕੇ
ਏਹ ਜ਼ਿੰਦਗੀ ਅਜੀਬ ਹੀ ਬੜੀ ਹੈ,
ਬੱਸ ਏਹੀ ਸਮਝੀ ਹਾਂ ਕਿ
ਹਾਸਾ ਜਿਉਣ ਲਈ ਜਾਦੂ ਦੀ ਛੜੀ ਹੈ।

( JASWINDER KAUR)

04/01/2026

02/01/2026

ਦਿਲ ਦਾ ਬੂਹਾ ਖੋਲ ਵੇ ਸੱਜਣਾ
ਸਾਨੂੰ ਅੰਦਰ ਆਉਣ ਦੇ ਸੱਜਣਾ
ਦੁਨੀਆਂ ਨਾਲ ਲੜਦੇ ਥੱਕ ਗਏ ਹਾਂ
ਹੁਣ ਆਪਣੇ ਆਪ ਤੋਂ ਅੱਕ ਗਏ ਹਾਂ
ਇੱਕ ਕੋਨੇ ਵਿੱਚ ਬੇਖਬਰ ਸੌਣ ਦੇ ਸੱਜਣਾ
ਦਿਲ ਦਾ ਬੂਹਾ ਖੋਲ ਵੇ ਸੱਜਣਾ
ਸਾਨੂੰ ਅੰਦਰ ਆਉਣਦੇ ਸੱਜਣਾ
ਤੇਰੇ ਤੋਂ ਕੁੱਝ ਹੋਰ ਨਾ ਮੰਗਦੇ
ਨਿਮੀ ਥੋੜ੍ਹੀ ਤੇਰੀ ਲੋਅ ਈ ਮੰਗਦੇ
ਕਿਤੇ ਵਿੱਚ ਹਨੇਰੇ ਸਾਹਮਣੇ ਆ ਖਲੋ ਵੇ ਸੱਜਣਾ
ਦਿਲ ਦਾ ਬੂਹਾ ਖੋਲ ਵੇ ਸੱਜਣਾ
ਸਾਨੂੰ ਅੰਦਰ ਆਉਣਦੇ ਸੱਜਣਾ
ਦੁੱਖਾਂ ਦੀ ਦੁਪਹਿਰ ਸੜਦੇ ਨੇ ਪੈਰ ਮੇਰੇ
ਠੰਡੀ ਥਾਂ ਪੈਰ ਪਾਉਣਦੇ ਸੱਜਣਾ
ਦਿਲ ਦਾ ਬੂਹਾ ਖੋਲ ਵੇ ਸੱਜਣਾ
ਸਾਨੂੰ ਅੰਦਰ ਆਉਣਦੇ ਸੱਜਣਾ
ਉਂਝ ਤਾਂ ਸਾਰੀ ਦੁਨੀਆਂ ਪਈ ਆ,ਏਹ ਗੱਲ ਨਾ ਕਿਸੇ ਨੂੰ ਕਹੀ ਆ
ਇਸ ਦੁਨੀਆਂ ਤੇ ਸ਼ੋਰ ਬੜਾ ਏ
ਨਫਰਤ ਦਾ ਕੋਹੜ ਬੜਾ ਏ
ਕੁਝ ਪਲ ਸਕੂਨ ਪਾਉਣ ਦੇ ਸੱਜਣਾ
ਦਿਲ ਦਾ ਬੂਹਾ ਖੋਲ ਵੇ ਸੱਜਣਾ
ਸਾਨੂੰ ਅੰਦਰ ਆਉਣਦੇ ਸੱਜਣਾ
Jaswinder Kaur